Европа
(Вознемирувачко видео) Нов брутален напад со ХИМАРС врз Русите, десетици мртви
Голем број руски војници се убиени откако биле погодени од нешто што изгледа дека е ХИМАРС. Тоа е втор ваков напад за само неколку дена. На почетокот на неделава беше објавено дека над 65 руски војници кои биле на обука загинале во регионот на Доњецк кога биле погодени од ХИМАРС.
Нов напад се случи во средата во регионот Херсон. Украинскиот ОСИНТ проект DeepState извести дека нападот бил извршен на полигон лоциран во близина на селото Подо-Калинивка во окупираниот Херсон. За истото место на напад зборува и рускиот сервис на Би-би-си, повикувајќи се на извор во украинските специјални служби.
Непроверено видео кое наводно го прикажува моментот на нападот врз руските војници кружи на каналите на Телеграм. „Њузвик“ побара коментар до руските и украинските власти. Украинскиот весник „Зеркало Недели“ објави дека во овој напад загинале најмалку 60 руски војници. Кремљ не го коментираше инцидентот.
„Уште еден украински напад на ХИМАРС/ГМЛРС врз Русите собрани на полигонот, овој пат во Херсон“, напиша Џими Раштон, аналитичар за надворешна политика и безбедност од Киев. „Јасно се гледа значителен број жртви“, додаде тој.
Наталија Хуменјук, портпаролка на Јужната оперативна команда на вооружените сили на Украина (АФУ), на телевизискиот канал Киев24 објави дека АФУ нападнала полигон на левиот брег на реката Днепар во близина на Херсон.
Таа се повика на споменатата снимка и потврди дека загинале најмалку 60 руски војници. Станува збор за, како што рече, војници од 328. Воздушно-десантен јуришен полк и 810. Одделна гардиска бригада на маринци. Сепак, таа не спомна за кое оружје се работи.
На снимката направена од дрон, на голема далечина може да се види поголема група луѓе. Одеднаш се гледа голема експлозија. Кога ќе се исчисти чадот, се гледаат мртви или тешко ранети војници. Снимката потоа се пренесува на друга локација и истото се повторува. Така, се сугерира дека имало два напади.
Руските провоени блогери се бесни и ги обвинуваат командантите што ги направиле руските трупи лесни цели. Тие се групираат во голем број и очигледно тренираат премногу блиску до линијата на фронтот, па се во домет на украинските беспилотни летала и ракетни системи.
Така, според руските воени блогери, генерал-мајор Олег Мојсеев бил именуван како еден од виновниците за нападот што се случил оваа недела. Војниците кои беа убиени во претходниот напад ја чекаа инспекцијата на овој генерал. Наводно, видеа од местото на настанот биле објавени од гневни преживеани војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.