Европа
Германскиот Уставен суд одби да ја забрани неонацистичката NPD
Уставниот суд на Германија донесе го одби во вторникот барањето на горниот дом на парламентот Буднесратот за забрана на радикалната десница Национал-демократската партија на Германија (NPD), образложувајќи ја одлуката со тоа дека таа не претставува никаква опасност за демократијата, имајќи го предвид нејзиното крајно периферно место коешто го зазема на германската политичка сцена.
„NPD со своите 6.000 членови, вистина, се стреми на цели кои се противни на уставниот поредок, но не постојат индиции за тоа дека оваа партија во своите намери би можела а има успех. Поради тоа, мерката за забрана на една политичка партија, што е најстрогото оружје но истовремено и меч со две сечила, не е оправдана“, изјави претседателот на Уставниот суд на Германија, чие седиште е во Карслруе, Андреас Фоскуле.во образложението на одбивањето.
Судиите на Уставниот суд, кои одлуката ја донеле едногласно, натаму образложуваат дека NPD во петте децении од своето постоење не успеала да се етаблира, ниту во еден покраински парламент и дека со својата периферна појава не може да ја загрози демократијата, што беше еден од главните аргументи на Бундестратот кој го поднесе барањето за забрана на партијата.
Уставниот суд заклучил дека NPD навистина е „блиска на сфаќањата на националсоцијализмот“, но дека не е во состојба да ја загрози демократијата, како и дека ништо не укажува на тоа дека ситуацијата околу NPD би можела да се промени, односно дека оваа партија би можела да излезе од својата улога на политички аутсајдер.
Истовремено Уставниот суд заклучува дека партијата не е сосема безопасна. „Политичкиот концепт на NPD е неспоив со достоинството на граѓаните и демократските начела и партијата без дилеми тежнее на отстранување на слободниот демократски поредок, а низ криминалното и насилничко однесување на своите членови, партијата може и натаму создаваат проблеми“, се наведува уште во образложението на пресудата.
Уставниот суд по вторпат ја одби забраната екстремно десната NPD. Првиот пат тоа беше во 2003 година барањето за забрана го поднесе германската влада, а постапката тогаш пропадна поради процедурална причина, и тоа поради тоа што некои од доказите кои требаа да водат до забраната на партијата директно доаѓале од полициски доушник кој Бирото за заштита на уставниот поредок го инфилтрирал во партијата.
На пресудата на Уставниот суд во вторникот од NPD преку Twitter реагираа со само еден збор „Sieg“ (Победа) и подоцна оценија дека Бундестратот доживеал голем неуспех.
Претставниците на сојузните покраини, кои го сочинуваат Бундестратот и преку него го поднесоа барањето за забрана, изразија разочарување од пресудата, но истовремено изразија и задоволство од тоа што NPD јасно е карактеризирана како партија којашто се противи на демократскиот поредок.
„Уставниот суд го потврди дека политичкиот концепт на NPD се стреми на отстранување на постојниот слободен и демократскиот поредок. И тоа е добар сигнал“, изјави премиерот на сојузната покраина Баварија, Хорст Зехофер.
Партиите Левица и Зелените пресудата ја доживуваат како јасно предупредување за партиите кои му се противат на уставниот поредок, и истовремено повикуваат на зајакната борба против десниот екстремизмот.
Светскиот еврејски конгрес е разочаран од одбивањето на забраната за NPD. „Оваа пресуда, за жал, на NPD ѝ овозможува продолжување на нивните деструктивни и антидемократски активности и натамошно ширење на националистичките, антисемитски и расистички подбуцнувачки иди“, изјави неговиот челник Роналд Стешаф Лаудер.
Со разочарување реагираше и Синдикатот на полицајците кој укажува дека на собирите на NPD, особено на истокот од земјата, поврзани со огромното присуството. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Кремљ: Ги поддржуваме мировните напори на Трамп, но ги отфрламе гаранциите на ЕУ за Украина
Кремљ на денешниот редовен брифинг за медиумите изјави дека ги смета напорите на САД за постигнување мир во Украина за „многу важни“ и дека тие би можеле да помогнат во решавањето на долготрајниот конфликт. Сепак, портпаролот Дмитриј Песков јасно стави до знаење дека Москва има негативен став кон европските предлози за безбедносни гаранции за Украина.
Песков го повтори долгогодишниот став на Русија дека не треба да има распоредени трупи од земјите-членки на НАТО на украинска територија. На прашањето за можни мировни разговори на високо ниво, тој рече дека ваквите состаноци мора внимателно да се подготвуваат за да бидат ефикасни.
По извештаите дека руските напади во текот на ноќта биле насочени кон украинската енергетска инфраструктура, Песков рече дека Русија ги таргетирала само воените и воено поврзаните цели.
Песков, исто така, објави дека се во тек интензивни подготовки за претстојната посета на рускиот претседател Владимир Путин на Кина.
Путин ќе присуствува на самитот на Шангајската организација за соработка, кој ќе се одржи од 31 август до 1 септември во кинескиот пристанишен град Тјенџин. Според Песков, на самитот ќе учествуваат повеќе од 20 светски лидери.
Потоа, Путин ќе го посети Владивосток, голем руски пристанишен град во близина на кинеската и севернокорејската граница, на 5 септември.
фото: принтскрин
Европа
(Видео) Украинци: Експлодира главниот нафтовод што ја снабдува Москва
Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Европа
(Видео) Министерот за транспорт на Турција се сними себеси како вози со 225 км/ч додека слуша музика: набргу беше казнет
Турскиот министер за транспорт е казнет за пребрзо возење кога објави видео од себе како вози на автопат со народни песни што ечат од неговиот автомобил под хаштагот #TurkeyAccelerates.
Во неделата вечерта министерот Абдулкадир Уралоглу сподели видео на интернет на кое се гледа како вози на автопат во близина на главниот град Анкара слушајќи народни песни и извадоци од говорите на претседателот Реџеп Таип Ердоган.
Во неколку одделни видеа, на кои ненамерно се прикажува брзинометарот, може да се види како тој достигнува брзина помеѓу 190 и 225 км/ч. Ограничувањето на брзината на овој автопат во Турција е 135 км/ч.
Неколку часа подоцна Уралоглу го објави повторно видеото признавајќи дека бил казнет за пречекорување на дозволената брзина пишувајќи дека со споделувањето на видеото, тој го предизвикал тоа.
Türkülerle Ankara-Niğde Otoyolu hatırası… 📹🎶
Yorulduğumuzda Sn. Cumhurbaşkanımızdan ilham alıyor, “Yeterince çalışmadık” diyerek yolumuza devam ediyoruz…#TürkiyeHızlanıyor 🇹🇷 pic.twitter.com/iGToOlTpfD
— Abdulkadir URALOĞLU (@a_uraloglu) August 24, 2025
„Седнав зад воланот за да го проверам автопатот Анкара – Нигде и ненамерно го пречекорив ограничувањето на брзината за кратко време. Всушност, се осудив себеси со видеото“, напиша тој.
Казната, чија копија ја објави, покажуваше дека Уралоглу возел со 225 км/ч и бил казнет со 9.267 турски лири (190 евра).
„Отсега па натаму ќе бидам многу повнимателен. Почитувањето на ограничувањето на брзината е задолжително за сите“, изјави министерот.
За 20 проценти се зголемени платите на социјалните работници, вели Мицкоски
Претседателот на Владата, Христијан Мицкоски денес одговарајќи на новинарско прашање посочи дека колективниот договор потпишан од Министерството за социјална политика,...
ДУИ: Од Балансер до Бадeнтер, план за рушење на уставниот поредок
Северна Македонија никогаш немала влада- по настроена против Охридскиот договор, против европската иднина и европската интеграција и повеќе од рамнодушна...
Сијарто: Европските политичари се најжестоките противници на мирот во Украина
Унгарскиот министер за надворешни работи Петер Сијарто изјави дека европските политичари во моментов се „најжестоките противници на мирот во Украина“,...
Го удирале со боксови по целото тело и глава: преку психијатриско вештачење ќе се утврди дали тројцата осомничени свесно го извршиле убиството во Кавадарци
Основното јавно обвинителство Кавадарци донесе Наредба за спроведување истражна постапка против три лица за кои постои основано сомнение дека како...
Зеленски ги повика Унгарија и Кина да извршат притисок врз Русија
Украинскиот претседател Володимир Зеленски ги повика Унгарија и Кина да влијаат врз Москва да ги запре воените операции во Украина....
На ГП Меџитлија откриени над 300 шишиња со хемиски препарати за прскање: спречен обид за криумчарење
Царинските службеници на граничниот премин Меџитлија спречија обид за криумчарење на поголема количина препарати за заштита на растенија. Во раните...
(Видео) Напаѓачот од САД се претставувал како жена: оставил морничави пораки
Напаѓачот во училиштето во Минеаполис, кој уби две деца и рани најмалку 17 други, е идентификуван додека полицијата истражува манифест...
СДСМ ги објави имињата на уште 11 кандидати за градоначалници
Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за...
Родителите од Демир Хисар револтирани: Законот ги принудува учениците на сместување во домови за да добијат превоз
Родители од Демир Хисар изразија незадоволство од измените на законот за средно образование и изразија загриженост за превозот на децата...
(Видео) „Филипче со лаги за економијата во стилот на Заев – не знае чија е јахтата, ама знае дека ќе коалира со ДУИ“, вели Стојаноски
„Денешната прес-конференција на Венко Филипче е најдобар доказ дека СДС е изгубена во сопствените лаги и дека се обидува со...
Сите ученици ќе имаат учебници на почетокот на новата учебна година, и тоа по сите предмети, велат од МОН
Сите ученици ќе имаат учебници на почетокот на новата учебна година и тоа по сите предмети согласно наставните планови во...
МВР со детали за пожарот кај „Зебра“: четири возила зафатени од огнот
Денеска, во 2.05 часот, во СВР Скопје било пријавено дека во Скопје, на територијата на Центар, било опожарено патничко моторно...
(Видео) Филипче: Со ВМРО-ДПМНЕ на власт основните трошоци се зголемени за 4.300 денари, а минималната платата за 1.800 денари
ВМРО-ДПМНЕ за една година ја доведе државата во најголема економска несигурност што сме ја виделе досега, а граѓаните живеат сé...
„Кандидатурата на Мециновиќ за Скопје е договор на партијата Левица да им помогне на СДС и ДУИ“, велат од ВМРО-ДПМНЕ
„Јасно е дека кандидатурата на Амар Мециновиќ е дил на Левица за помош на ДУИ и СДС, со математика Орце...
Убиство во Кавадарци, тројца уапсени
Денеска во 04:56 часот во ОВР Кавадарци било пријавено дека на заден влез од казино на улицата „Никола Минчев“ во...
Муцунски за „Политико“: Државата не е подготвена за уставните измени што ги бара Бугарија без цврсти гаранции од ЕУ дека тоа ќе биде последното такво барање
Во рамки на работната посета на Брисел, министерот за надворешни работи и надворешна трговија, Тимчо Муцунски, даде интервју за политичкиот...
Макрон до Нетанјаху: Обвинувањата за антисемитизам се навреда за Франција
Францускиот претседател Емануел Макрон испрати писмо до израелскиот премиер Бенјамин Нетанјаху во кое остро реагираше на неговите обвинувања дека Париз...
Пожар кај „Зебра“, огнот зафатил возило
Пожар избувнал ноќеска во главниот град во близина на трговскиот центар Зебра. Според последните информации огнот се проширил и зафатил...
Премиерот на Канада: Путин се плаши да се сретне со Зеленски
Рускиот претседател Владимир Путин се плаши да се сретне со украинскиот претседател Володимир Зеленски за да разговара за условите за...
Зеленски: Од украинска страна сè ќе биде што е можно поподготвено за да се стави крај на војната
Украинскиот претседател Володимир Зеленски објави дека во текот на оваа недела претставниците на таа земја ќе имаат повеќе меѓународни контакти,...
