Европа
Данска: Бегалците се преместуваат надвор од Европа, данскиот парламент усвои закон
Данскиот парламент денеска со големо мнозинство усвои закон со кој на оваа земја ѝ се дозволува да ги преместува барателите на азил во земјите надвор од Европа, и покрај повиците на невладините организации и Обединетите нации да се откажат од тие планови.
Предлог-законот ќе ѝ овозможи на Данска да ги премести бегалците кои пристигнуваат на нејзино тло во центрите за азил на партнерска земја, најверојатно надвор од Европа, каде што ќе бидат разгледани случаите на баратели на азил и на оние што бараат заштита во таа земја, пренесува „Ројтерс“.
„Ако поднесете барање за азил во Данска, знаете дека ќе ве вратат назад во земја надвор од Европа и затоа се надеваме дека луѓето ќе престанат да бараат азил во Данска“, рече портпаролот за имиграција на владината партија.
Богатата скандинавска нација, која се здоби со репутација по својата строга имиграциска политика во изминатата деценија, има декларирана цел да прифати нула баратели на азил и да прифаќа бегалци само според системот на квоти на ООН, анализираат европските гласила.
Данска сè уште не постигнала договор со партнертските држави, но властите велат дека се преговара со неколку земји кандидати.
Критичарите се загрижени дека планот ќе ги наруши безбедноста и благосостојбата на бегалците и ќе ги загрози нивните човекови права, како и дека ќе и дозволи на Данска да се повлече од своите ЕУ-обврски.
Високиот комесаријат на Обединетите нации за бегалци (УНХЦР) ја повика Данска минатиот месец да не го носи законот, за кој вели дека може да создаде т.н „трка до дното“ доколку и другите европски земји започнат да ја имитираат данската политика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Најголемата егзекуција на војната: Русите убија 16 Украинци, кои се предадоа, јавуваат украинските медиуми
Руски сили егзекутираа 16 украински воени заробеници во близина на Покровск во областа Донецк. Ова е најголемиот случај на егзекуција на украински воени затвореници, јавуваат украинските медиуми повикувајќи се на Канцеларијата на главниот обвинител.
The Russian military executed 16 (!!!) surrendered Ukrainian soldiers at sight.
This is the worst incident of POW execution known so far in this war.
It happened near Pokrovsk.
Look at what the Russians did – they lined the surrendered Ukrainians up, shot them all down, and… pic.twitter.com/U3ub7PKx3x
— Illia Ponomarenko 🇺🇦 (@IAPonomarenko) October 1, 2024
Вчера, на каналите на „Телеграм“ се појави видео од егзекуцијата на 16 украински војници. Се претпоставува дека тоа се случило во атарот на селата Миколаивка и Сукји Јар кај градот Покровско за што со месеци се водат жестоки битки.
Европа
(Видео) Вуледар падна, Русите веат знамиња во центарот на градот
Руските сили имаат целосна контрола над градот Вуледар во областа Донецк во источна Украина, објави утринава каналот SHOT на комуникациската платформа „Телеграм“ и проруските воени блогери.
„Ројтерс“ не може независно да ги потврди извештаите. Руското Министерство за одбрана сè уште не го потврди заземањето на градот.
Confirmed. Russia has fully occupied Vuhledar. Russian units from the 36th Separate Guards Motor Rifle Brigade raised their flag over the Vuhledar City Council. Ukrainian forces have withdrawn to Bohoyavlenka, north of Vuhledar. pic.twitter.com/q2OZueh9Gc
— NOELREPORTS 🇪🇺 🇺🇦 (@NOELreports) October 1, 2024
Регионален украински функционер синоќа изјави дека руските сили стигнале до центарот на градот, стратешко упориште, кое повеќе од две години се спротивставувало на руските напади. Снимките од руските сили како го веат своето знаме на покривот на административната зграда во центарот на градот во вторникот покажаа дека зградата е делумно претворена во урнатини со скршени прозорци.
Европа
Експлозии во близина на израелската амбасада во Копенхаген
Данската полиција истражува две експлозии во близина на израелската амбасада во Копенхаген, објави утринава Ројтерс.
„Никој не е повреден, ние спроведуваме првична истрага на местото на настанот“, објави полицијата во Копенхаген на Икс.
„Се истражува можна поврзаност со израелската амбасада во областа“, додаде полицијата.