Европа
Една жртва во пожарот и експлозијата во склад со оружје во Украина

Во големиот пожар во складиште за оружје и муниција во близина на побунетиот исток на Украина, кој предизвикал низа експлозии во текот на неколку дена, загинало едно лица, соопштија во петокот украинските власти.
Властите во Киев наредија затворање на воздушниот простор во круг од 40 километри од местото на пожарот во гратчето Балаклија, во близина на Харков.
Украинските функционери тврдат дека пожарот е резултат на „саботажа“. Меѓу главните траги кои ги споменува истрагата е експлозивна направа којашто врз складиштето е испуштено од беспилотно летало, изјави помошникот министер за инфраструктура, Јуриј Лавренјук.
Тело на жена родена 1951 година е откриено под урнатините на една куќа по експлозијата, соопшти шефот на Службата за вонредни ситуации, Николај Чечиоткин во говорот пред пратениците, додавајќи дека уште една жена е повредена.
Пожарот избувнал ноќта од средата кон четвртокот во складот за оружје во Балаклија во кој имало повеќе од 138.000 тони муниции и гранати, главно артилериски. Околностите за избувнувањето на пожарот засега не се целосно познати, меѓутоа военото обвинителство отвори истрага во врска со „саботажа“ и „негрижа“.
Оружјето кое се наоѓало во ова складиште било главно наменето за снабдувањето на украински владини групи кои на истокот од земјата се борат со милициите на отцепените доминантно рускојазични региони, во војната која трае од 2014 година./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците објавија снимка: „Со беспилотно летало уништивме моќен руски дрон во лет“

Украинските сили соборија руски повеќенаменски дрон Zala Kub со помош на беспилотно летало FPV, а снимката од акцијата беше споделена на социјалните мрежи од украинскиот волонтер Серхи Стерненко, пренесува „Милитарњи“.
„Таквото летало можеше да предизвика голема штета, па затоа е одлично што беше уништен во воздух“, рече Стерненко.
Zala Kub е дизајниран за прецизни удари на копнени цели – кога ќе ги открие, вертикално навлегува и исфрла експлозивен товар на горниот дел од возилото, каде што тенковите и оклопните возила се најранливи поради нивниот потенок оклопен слој.
Ова беспилотно летало е развиено од рускиот концерн „Калашников“, а првпат беше прикажано во 2019 година на меѓународната воена изложба IDEX во Обединетите Арапски Емирати.
Украина долго време користи беспилотни летала FPV како пресретнувачи за уништување руски летала. Ваквите дронови, во зависност од опремата, како дневни и термални камери, чинат меѓу 1.600 и 2.500 долари. Тие може да летаат со брзина до 160 километри на час, да имаат дострел до 35 километри и да останат во воздухот до еден час.
Европа
Судот ќе ја изрече пресудата за Депардје во мај

Кривичниот суд во Париз во четвртокот објави дека на 13 мај ќе ја изрече пресудата за актерот Жерар Депардје за сексуално вознемирување две жени за време на снимањето филм во 2021 година.
Француското Обвинителство во четвртокот побара 18-месечна условна казна и глоба од 20.000 евра за Депардје, објави весникот „Ле Паризиен“ и другите медиуми.
Седумдесет и шестгодишниот Депардје, истакната личност во француската кинематографија, е обвинет за сексуално вознемирување две жени за време на снимањето филм од 2021 година. Ова е првпат актерот, кој се соочува со многубројни обвинувања за сексуално вознемирување во текот на годините, да биде изведен пред суд.
Депардје призна дека ја фатил една од жените за бутот, но негира дека тоа е напад. Неговиот адвокат рече дека наводите против клиентот се лажни и дека истражителите биле пристрасни.
Европа
(Видео) Нереални снимки од протестот: Пикачу ги поддржа граѓаните во Турција

Надреално видео од Покемон кој наводно бега од полицијата за време на протестите во Турција стана вирална. Имено, некој облечен како Пикачу е снимен како бега од полицијата која брка демонстранти. Снимката наводно е направена во Анталија.
Виралното видео, кое нашироко се споделува на социјалните мрежи, се чини дека потекнува од турскиот фоторепортер Исмаил Коцероглу.
Исмаил во четвртокот објави видео на својот Инстаграм профил, на кое се гледа како костимиран демонстрант бега со толпа граѓани.
Дали е автентична снимката на која Пикачу бега од полицијата не е потврдено.
Сепак, Исмаил продолжи да поставува видеа од овој маскиран демонстрант. Синоќа, тој повторно објави видео од Пикачу како шета низ улиците на Анталија, наведувајќи дека Пикачу „се приклучил на осмиот ден од демонстрациите“.