Европа
Ердоган: Ако Русија ја нападне Украина, ќе дејствуваме како членка на НАТО

Tурскиот претседател Реџеп Таип Ердоган во интервју за регионални медиуми изјавил дека го поканил својот руски колега Владимир Путин во Турција, со предлог да биде домаќин на двете страни за да се најде дипломатски пат кон мирот.
Очекувам одговор од Москва, додал турскиот претседател.
Тој изјавил дека е потребен дијалог во однос на безбедносната загриженост на Русија, но и дека е неопходно да ѝ се објасни на Москва дека некои нејзини барања не се остварливи.
„Се надевам дека Русија нема да изврши вооружен напад или да ја окупира Украина. Таквиот чекор не би бил мудар ниту за Русија, ниту за регионот. Потребен е дијалог во кој Русија ќе биде слушната и ќе се отстранат причините за нејзината разбирлива загриженост“, изјавил Ердоган, додавајќи дека Турција ќе мора да дејствува како членка на НАТО во случај на напад, пренесуваат медиумите во регионот.
Истите анализираат дека Анкара има добри односи и со Моква и со Киев, но се противи на руската политика во Сирија и Либија, како и на анексијата на Крим. Додека тесно соработува со Русија на енергетиката, Анкара и продаде софистицирани дронови на Украина, стои во новинарските записи.
„Повторувам, ние сме подготвени да го направиме она што е потребно и тие пораки им ги пренесов и на претседателот Путин и на претседателот Зеленски“, кажал Ердоган, додавајќи дека и двете страни биле запознаени со искреноста и добрите намери на Турција.
Анкара се понуди да биде посредник уште во ноември, а дипломатски извори минатата недела рекоа дека и Украина и Русија се отворени за таква улога на Турција во решавањето на кризата.
Ердоган најави дека на почетокот на февруари ќе го посети Зеленски во Украина и дека наскоро ќе се види или слушне со Путин.
Ситуацијата во источна Украина е напната од ноември. Киев, Вашингтон и НАТО наведуваат дека Русите акумулираат сили на границата со Украина, но и во Белорусија и дека е можно да се планира инвазија на Украина.
Русија го негира тоа, но бара безбедносни гаранции, меѓу другото, дека Украина нема да стане членка на НАТО.
Москва вчера доби писмени одговори од САД и НАТО за бараните безбедносни гаранции.
Американскиот државен секретар Ентони Блинкен рече дека одговорот е во согласност со она што тие јавно го кажале и дека политиката на отворени врати останува политика на алијансата.
Тој вели и дека одговорот го отвора патот за дијалог и демократија, а што ќе се случи понатаму зависи од одговорот на Русија. Тој додава дека ќе бидат подготвени за секое сценарио.
Амбасадата на САД во Киев, инаку, ги повика американските граѓани да ја разгледаат можноста да ја напуштат Украина поради непредвидливите настани што би можеле да следат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Данските власти поставија воен радар на аеродромот во Копенхаген за откривање дронови

Откога неидентификувани дронови беа забележани над данските аеродроми и воени бази речиси секоја вечер минатата недела, данските власти презедоа низа мерки за да се осигурат дека претстојниот состанок на лидерите на Европската Унија во Копенхаген ќе помине без безбедносни закани.
Откога минатата сабота беше забранета целата активност на дронови над Данска, фрегатата на германската морнарица „ФГС Хамбург“ се закотви во пристаништето во Копенхаген во неделата. Германскиот брод ќе придонесе за надзор на данскиот воздушен простор за време на самитот на Европската Унија, објавија данските медиуми.
Најновата мерка на данските власти е инсталирање современ радар за откривање и следење дронови „Вајбел Ксента“ на аеродромот „Каструп“ во Копенхаген.
Данската полиција и Генералштабот на вооружените сили не сакаа да дадат подетаљни информации за радарот што може да се види зад оградата кај „Каструп“. Познато е само дека станува збор за уред од данската компанија „Вајбел саентифик“, што може да детектира сите летала на растојание до 30 километри.
фото: принтскрин
Европа
Орбан: Секој друг извор на нафта и гас, освен рускиот, е несигурен и поскап

Снабдувањето на гас и нафта од Русија е загарантирано за Унгарија, а секој друг извор на енергија е несигурен и поскап, изјави денес унгарскиот премиер, Виктор Орбан.
„Ниеден разумен човек не би разменил нешто сигурно за нешто неизвесно“, рече Орбан денес во поткастот Fight Hour, како што објави унгарската агенција MTI. Унгарскиот премиер рече дека испораката на енергија од Русија е загарантирана и дека цената е пониска отколку од другите земји. Доколку Унгарија купува нафта и гас од други земји по повисока цена, ќе мора да им наплаќа повеќе на своите жители, рече Орбан.
Унгарија, Словачка и Чешка се трите европски земји на кои им се дадени ослободувања од европските санкции за увоз на руска нафта. Чешка оттогаш обезбеди други извори на снабдување, но Унгарија и Словачка продолжуваат да увезуваат нафта од Русија преку нафтоводот „Дружба“.
фото: принтскрин
Европа
Рекорден премин на Ла Манш: 125 мигранти пристигнаа со еден брод

Рекорден премин на Ламанш беше забележан во саботата кога дури 125 лица пристигнаа во еден мал брод, што е досега најголем број патници во еден брод. Вкупно, речиси 900 мигранти го преминаа Ламанш во саботата, пишува Би-би-си.
Со ова е соборен претходниот рекорд од август, кога во еден брод имаше 106 лица. Официјалните податоци од Министерството за внатрешни работи потврдуваат дека 895 мигранти пристигнале во 12 бродови во саботата, со што вкупниот број на преминувања од почетокот на 2025 година достигна приближно 33.000.
Во сенка на нова трагедија
Веста доаѓа откако уште еден мигрант почина обидувајќи се да премине, а неговото тело беше пронајдено во неделата наутро на плажа во близина на Булоњ-сур-Мер во северна Франција, објави новинската агенција АФП.
Возраста и националноста на починатиот сè уште не се познати. Обвинителката на пристанишниот град, Сесил Гресиер, изјави за АФП дека истрагата ќе утврди дали постои врска помеѓу оваа смрт и обидот за премин во близина на Екиен-Плаж, каде што беше пронајдена 49-годишна жена и однесена во болница поради хипотермија.
Во саботата, две жени од Сомалија исто така ги загубија животите откако нивниот импровизиран чамец наиде на проблеми. Со ова, бројот на смртни случаи при обид за нелегално преминување од Франција во Велика Британија оваа година се искачи на најмалку 27.
фото: принтскрин