Европа
Италијанците ја избираат најлошата министерка – четири жени ставени на столб на срамот
Италијанската десничарска партија Лига на официјалната страница на Фејсбук ги повика симпатизерите да изберат кој министер или министерка биле најлоши.
Заедно со прашањето, тие предложија имиња на четворица министри: сегашната министерка за образование, Луција Азолина, министерката за внатрешни работи, Лучна Ламоргезе, министерката за земјоделство, Тереза Беланова и поранешната министерка за труд, Елза Форнеро.
Поканата на страницата на Фејсбук е надополнета со фотографии од министрите, внимателно избрани за да ги покажат како грди и стари, пишуваат медиумите.
За само неколку часа, објавата е споделена повеќе од 300 пати, а неа коментирале повеќе од 4.000 корисници на социјалните мрежи. Министрите, кои се ставени на столб на срамот, се окарактеризирани како „еден полош од другиот“, „ѓубре“, „некомпетентни“ …
Но, има и такви кои го надополнуваат изборот на имиња и фотографии. Така, познатиот светски познатиот фотограф Матијас Гури Рабионе додал слика на лидерот на Лигата, Матео Салвини и објаснил дека тој, Салвини, е најлош.
Ова не е првпат членовите и симпатизерите на партијата Лига да ставаат жена која извршува политичка функција на столбот на срамот. Пред неколку години, мета беше тогашната претседателка на долниот дом на италијанскиот парламент, Лора Болдрини, а потоа и поранешната министерка, Сесил Кјенге, која беше исмејувана поради нејзиното африканско потекло.
Двете министерки ги тужеа оние што ги навредуваа и го добија спорот на суд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Шефицата на АфД: Украина мора да плати за минирањето на нашиот гасовод
Копретседателката на партијата Алтернатива за Германија (АфД), Алис Вајдел, предупреди дека доколку нејзината партија дојде на власт, ќе бара од Украина да ја надомести штетата предизвикана од саботажата на гасоводот „Северен тек“.
„Недостатокот на евтин природен гас е штетен не само за Германија, туку и за цела Европа, но најмногу ја погодува Германија“, рече Вајдел на партиски митинг во југозападната покраина Баден-Виртемберг.
“Zelensky Should Pay For Blowing Up Nord Stream” AfD’s Weidel Unleashes Fury
AfD co chair Alice Weidel has launched a blistering attack on Ukrainian President Volodymyr Zelensky, accusing him of responsibility for the Nord Stream explosion and demanding Ukraine pay for the… pic.twitter.com/O5h5bEosNM
— Ignorance, the root and stem of all evil (@ivan_8848) January 25, 2026
„Како е можно германската влада да има толку малку самопочит што дури и не бара истрага? Можам да ви кажам што ќе правиме кога ќе дојдеме на власт. Ќе бараме отштета. Украинците, Володимир Зеленски, едноставно мора да платат за минирањето на нашиот гасовод“, нагласи таа.
Вајдел рече дека земја што се однесува на таков начин не може да биде пријател на Германија. Таа додаде дека Германија издвоила повеќе од 70 милијарди евра помош за Украина.
„Им испративме оружје. Канцеларот Фридрих Мерц вети дека ќе испрати германски војници. Како може да биде толку рамнодушен кон историјата? И, патем, да испрати германски тенкови против Русија“, рече таа.
Европа
Зеленски: Кучето на Лукашенко има повеќе права од белорускиот народ
Украинскиот претседател Володимир Зеленски изјави дека Белорусија е сè уште принудена да постои како територија управувана од Русија, додавајќи дека во таа земја дури и кучето на претседателот Александар Лукашенко има повеќе права од граѓаните.
Зеленски ги даде овие забелешки во говорот во Литванија по повод годишнината од Јануарското востание. Тој рече дека Белорусија „сè уште е принудена да постои како руска покраина“.
„Засега, за жал, кучето на Лукашенко доби повеќе права од народот на Белорусија. Имаше шанса во 2020 година тоа да се промени. И сигурен сум дека ќе се појави нова шанса. Но, тогаш поддршката за Белорусите едноставно не беше доволна. А сега сите чувствуваме колку е потешко, поскапо и поопасно тоа за сите поради зависноста на Белорусија од Москва, зависност што не се намалува“, рече Зеленски.
„Европа и светот требаше да ги поддржат луѓето што се кренаа“
Тој нагласи дека „Европа не смее да изгуби ниту еден народ што живее во слобода“ и дека „не смее да губи време“. Додаде дека успехот на белоруското востание во 2020 година ќе ги спречеше заканите со кои се соочува Европа денес. „Европа и светот требаше да ги поддржат луѓето што се кренаа, а историјата ќе беше поинаква – побезбедна“, е убеден тој.
Тој предупреди дека „војните од 20 век во голема мера беа резултат на рамнодушноста на светските сили во 19 век“.
Тој, исто така, испрати директна порака до белорускиот народ: „Сакам директно да му се обратам на белорускиот народ. Вие сте европска нација што ќе застане заедно со сите наши народи во обединета, слободна Европа. Мирна Европа. Силна Европа. Не можете да бидете избришани. Никој од нас не може да биде избришан. Им благодарам на сите белоруски волонтери кои се борат за нашата независност во Украина и за историската можност на нашата сопствена земја“.
Европа
Данската премиерка од Гренланд: Се наоѓаме во сериозна ситуација
Данската премиерка Мете Фредериксен го посети Нук, главниот град на Гренланд, на разговори со лидерот на територијата, Јенс-Фредерик Нилсен. Посетата доаѓа по напната недела во која американскиот претседател Доналд Трамп се откажа од заканите за преземање на арктичкиот остров и се согласи на разговори.
Тензиите се смирија откако Трамп во средата ја отфрли можноста за воена акција и објави на социјалните мрежи дека е постигната „рамка за иден договор за Гренланд“ по состанокот со генералниот секретар на НАТО, Марк Руте, во Давос, јавува Би-би-си.
Знак на поддршка и дипломатски пат
Деталите од договорот сè уште не се познати. Премиерката Фредериксен долета директно од Брисел, каде што се сретна со Руте во петокот наутро. Според неговата најава, тие се согласиле да „го зајакнат одвраќањето и одбраната на Арктикот“.
По пристигнувањето во Нук, Фредериксен беше пречекана од Нилсен. „Пред се, денес сум во Гренланд за да ја покажам нашата силна данска поддршка за народот на Гренланд“, изјави таа за новинарите. „Ова е многу тешко време, секој може да го види тоа“.
„Се наоѓаме во сериозна ситуација. Тоа го гледаат сите. Сега постои дипломатски, политички пат што ќе го следиме“, додаде таа, објаснувајќи дека нејзината посета е „работна“ за да се подготват „следните чекори“.
Трамп во четвртокот за „Фокс њуз“ изјави дека САД „добиваат сè што сакаат без никакви трошоци“ и дека „дел“ од неговиот планиран систем за ракетна одбрана „Златна купола“ ќе биде поставен на Гренланд. На прашањето дали станува збор за „преземање“, тој рече: „Тоа е целосен пристап. Нема крај, нема временско ограничување“.

