Европа
Кина: ЕУ не треба да ни кажува што да правиме кога станува збор за правата на ЛГБТ заедницата
ЕУ не треба да и кажува на Кина што да прави кога станува збор за правата на ЛГБТ луѓето на нејзина територија.
Ова е краток коментар од кинеското Министерство за надворешни работи по вчерашното соопштение на претставништвото на ЕУ во Пекинг.
На Меѓународниот ден против хомофобијата, трансфобијата и бифобијата, делегацијата изјави дека сите ЛГБТ лица во Кина треба да ги имаат истите права како и сите други луѓе и дека треба да им се дозволи да отворат различни организации кои ќе се борат за заштита на нивните права.
Од Кина денеска накратко одговараат:
„ЕУ не треба да дава наредби на оваа тема. Следно прашање?“.
Неколку дена претходно, во понеделникот, медиумите објавија дека главниот градски ЛГБТ центар е затворен во Пекинг поради причини кои тие не можат да ги контролираат. Центарот бил активен 15 години, а „Блумберг“ повикувајќи се на својот извор објави дека притисоците врз организацијата биле присутни многу порано.
Во соопштението на центарот за 2022 година, се наведува дека организацијата наишла на многу непријатни појави, како што се принудни преселби и други проблеми со работата, како и „оцрнување“ на личностите на оние кои работат во центарот, како и нивните семејства.
„Сите овие настани доведоа до колективен емоционален пад и би било нечесно ако кажеме дека се уште сме многу заинтересирани за нашата работа во оваа ситуација“, вели од овој ЛГБТ центар во својот извештај за минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.