Европа
Лондонскиот напаѓач роден како Адријан Расел

Британската полиција во петокот уапси уште две лица во рамките на истрагата за терористичкиот напад пред британскиот парламент, и додаде дека напаѓачот кој усмрти четири лица е роден во грофовијата Кент на југоистокот од Англија под името Адријан Расел.
Високиот функционер на антитерористичката полиција Марк Роули изјави дека по нападот во средата се уапсени вкупно девет лица. Полицијата објави дека напаѓачот е лице кое се преобратило во исламот, родено во Велика Британија, Калид Масуд, Овој 52-годишѓник е роден како Адријан Расел, а во текот на животот користел повеќе имиња меѓу кои и Адријан Ајао кога неговата мајка се премажила кога бил мал.
Роули додаде дека се истражува дали Масуд делувал сам или имал соработници, „Нашата истрага се фокусира на неговиот мотив, неговите активности и неговите соработници“, прецизираше Роули.
„Иако нема никакви докази за можни нови закани, ќе имате разбирање за нашата мотивација да дознаеме дали тој делувал сосема сам, можеби инспириран од терористичката пропаганда, или некој друг го охрабрувал, поддржувал или насочувал“, рече Роули во изјава за медиумите. Додаде дека во рамките на истрагите се уапсени уште две лица, едно во покраината Вест Мидлендс, а другото на северозападот од земјата.
Роули рече дека напаѓачот, кој се залета со автомобил врз пешаците на Вестминистерскиот мост а потоа со нож го нападна и уби вооружениот полицаец пред зградата на парламентот, усмрти вкупно четири лица и рани 50 пред да биде убиен од припадниците на безбедносните сили. Две од ранетите лица уште се во критична состојба./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП, повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши во сабота, на 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува на погребот да присуствуваат бројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на Телеграм градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона „Шхидни“. Втората база, како што се наведува, главно се користи за сместување на персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база, не само за стоки, туку и за опрема и персонал. Со широка мрежа на паркинзи, бази за поправка и точки на трајно и привремено распоредување на персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата започна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.