Европа
Меркел го предупредува Трамп за протекционизмoт

Германската канцеларка Ангела Меркел во саботата го предупредила новиот американски претседател Доналд Трамп на опасноста од протекционизам и го потсетила на финансиската риза од 2008 година, инсистирајќи на неопходноста од заедничка работа и дијалог.
„Длабоко сум уверена дека постојат повеќе предности во заедничкото напредување отколку кога секој ги решава своите проблеми и тоа е моето постојано уверување“, изјавила германската канцеларка Ангела Меркел на прес-конференцијата по состанокот на нејзината конзервативна Христијанско-демократска унија (CDU) во Перл, во западна Германија.
На прашањето дали смета оти протекционистичката наклонетост на новиот американски претседател Доналд Трамп претставува закана, Меркел потсетила на примерот на финансиската криза во 2008 година кога потекна од САД.
„Тогаш како шефови на држави и владина средбата на групата Г20 дека мораме заеднички да го решиме проблемот“, потсетила канцеларката.
Одговорот за надвладувањето на финансиската криза лежи во повикот на соработка, создавање заеднички прописи, во регулирањето на финансиските пазари и во потребата од дијалог со новиот американски претседател Трамп, кој ќе биде инаугуриран на 20-ти јануари, смета Меркел.
Трамп во кампањата се закани дека ќе преземе мерки за заштита на американскиот пазар од поплавите на увезена кинеска стока и мексиканска работна сила и смеа дека првиот успех веќе го постигнал кога произведувачот на автомобили „Ford“ се откажа од градењето на новата фабрика во Мексико.
Ставовите на Трамп ја загрижуваат Германија, а во четвртокот германскиот министер за надворешни работи Франк-Валтер Штајнамер рече дека е „запрепастен“ од изјавите на Трамп. Штајнамаер алудираше на неовата изјава дека е изложен на лажи обвинувања на какви прибегнувала нацистичка Германија,
Исто така, Штајнамер изрази жалење што уште не може да се дознаат главните насоки на идната надворешна политика на САД, како и дека само ги слушнал клучните зборови како светски поредок, економски ред, слободна размена, Сиријци и Блиски исток./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.