Европа
Експерти: На повидок драма меѓу Кина и Америка – додека Џјинпинг е во Москва со Путин, се подготвува пеколен план
Министерството за надворешни работи на Кина денеска соопшти дека оваа земја остро се спротивставува на планираната посета на претседателката на Тајван, Чаи Инг-вен, на САД на пат кон земјите од Централна Америка. Пекинг упати силен протест до Вашингтон преку дипломатски канали, додава кинеското Министерство за надворешни работи. Ова не е првпат да се зголемуваат тензиите меѓу САД и Кина во последните месеци, а оваа најнова драма доаѓа во време кога кинескиот претседател Шји Џјинпинг е во посета на Русија, каде што му беше домаќин на рускиот лидер Владимир Путин.
Портпаролката на кабинетот на претседателот на Тајван претходно објави дека Чаи Инг-вен ќе ги посети Гватемала и Белизе на 29 март преку Њујорк и Лос Анџелес.
Извори на „Ројтерс“ велат дека претседателот на Претставничкиот дом на САД, Кевин Мекарти, планира да се сретне со Чаи во Калифорнија, но Тајпеј сè уште не ја потврдил оваа информација.
Кина претходно соопшти дека е сериозно загрижена за посетата. Висок функционер во Вашингтон рече дека тоа е стандардна практика и дека секој претседател на Тајван веќе патувал низ САД, како и самата Чаи Инг-вен – шестпати досега.
На сите претходни патувања низ САД, Чаи Инг-вен се состана со претставници на американскиот Конгрес, додаде официјалниот претставник.
Според него, Пекинг не треба да ја користи оваа ситуација како изговор за какви било агресивни дејствија кон Тајпеј.
Американскиот претседател Џозеф Бајден се надева дека набргу ќе разговара со кинескиот претседател Шји Џјинпинг, а американскиот државен секретар Ентони Блинкен сака да најде нов датум за неговото патување во Кина, кое беше откажано.
Оваа актуелна драма доаѓа во време кога кинескиот претседател Шји е во посета на Владимир Путин, пишуваат медиумите.
Посетата на Шји на Русија ќе трае од 20 до 22 март. Тоа е прво негово патување во странство откако беше реизбран за трет мандат за шеф на државата, но и од почетокот на војната во Украина.
Средбата дојде откога Меѓународниот кривичен суд издаде налог за апсење на Владимир Путин.
Со овој потег, анализираат познавачите, Кина испрати силна порака и до Западот, а особено до САД, со кои веќе неколку години има големи тензии, особено за Тајван.
Колку се кревки и напнати односите меѓу САД и Кина, покажува и случајот од почетокот на февруари кога веста за кинески шпионски балон над САД го обиколи светот, пренесуваат медиумите во светот.
Кина негира дека балонот бил користен за шпионажа, но Пентагон се сомнева дека тоа е последната во серијата кинески мисии на висока надморска височина за испитување на одбраната на САД.
Американската војска подоцна објави дека кинески шпионски балон бил соборен над Атлантскиот Океан, а американскиот претседател Џозеф Бајден истакна дека мисијата на соборувањето била успешна. Секретарот за одбрана, Лојд Остин, рече дека кинеските власти го користат балонот соборен од САД над Атлантскиот Океан „за да ги надгледуваат стратешките локации во континенталниот дел на САД“.
Американската администрација одлучи да ја одложи посетата на американскиот државен секретар Ентони Блинкен на Пекинг откако беше откриен кинески шпионски балон како прелетува над копното на САД. Појавата на балонот на небото над САД ги наведе официјалните лица да одлучат дека посетата на Блинкен на Пекинг сега ќе испрати погрешен сигнал, рекоа упатени официјални лица.
Американската војска подоцна собори уште три неидентификувани објекти над Северна Америка.
Во средината на март оваа година следуваа нови тензии меѓу САД и Кина во врска со подморниците на нуклеарен погон.
Кога Соединетите Американски Држави, Австралија и Обединетото Кралство открија дека Австралија ќе набави подморници на нуклеарен погон на почетокот на следната деценија, Кина рече дека трите земји „продолжија да чекорат по опасен пат“ и го нарече AUKUS незаконско ширење на нуклеарното оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Кремљ: Путин ќе разговара со Трамп
Кремљ потврди дека специјалниот пратеник на американскиот претседател Доналд Трамп, Стив Виткоф, се сретнал со рускиот претседател Владимир Путин за време на вчерашната посета на Москва.
Портпаролот на Кремљ, Дмитриј Песков, изјави дека рускиот претседател и Виткоф се согласиле за потребата од разговор меѓу Трамп и Путин, но точниот датум сѐ уште не е договорен.
„Точното време на разговорот меѓу двајцата претседатели сѐ уште не е одредено“, изјави Песков за новинарите.
„Откога господинот Виткоф ќе му ги пренесе на својот претседател сите информации што ги добил во Москва, тогаш ќе одредиме време за разговор“, додаде тој.
Песков исто така за новинската агенција ТАСС изјави дека двете страни „разбираат дека е неопходен разговор меѓу претседателите“.
Европа
ЕУ ќе ги продолжи санкциите кон Русија и покрај унгарските закани
Високи дипломати на Европската Унија утринава се согласија да ги продолжат санкциите против речиси 2.000 руски граѓани, вклучително и претседателот Владимир Путин, многу високи политичари и бизнисмени.
Санкциите, кои мора да се обновуваат едногласно на секои шест месеци, остануваат во сила до 15 септември 2025 година.
По заканата на Унгарија дека ќе стави вето на списокот, четири лица беа отстранети од списокот, а три лица, кои неодамна починаа, исто така беа избришани, велат извори од ЕУ.
Банкарскиот и енергетски тајкун Михаил Фридман, кој делумно ја доби правната битка против санкциите на ЕУ минатиот април, останува на листата, велат изворите.
Европа
Американското разузнавање: Путин нема намера да се откаже од освојување на Украина
Рускиот претседател Владимир Путин не се откажува од својата цел да ја контролира Украина и покрај напорите на САД да посредуваат за прекин на огнот, објави „Вашингтон пост“ повикувајќи се на извори запознаени со доверливите извештаи на американските разузнавачки служби.
Според еден американски функционер, Путин и понатаму има „долгогодишна желба да ја обнови мајката Русија и останува решен да воспостави контрола над Киев. Оваа процена беше меѓу разузнавачките извештаи дистрибуирани до администрацијата на американскиот претседател Доналд Трамп на 6 март.
Некои официјални лица веруваат дека дури и ако Русија се согласи на привремен прекин на огнот, Москва би ја искористила паузата за повторно да се вооружи, да го прекрши договорот и да изврши провокации, кои потоа ќе ѝ ги припише на Украина.
Пред три дена, за време на преговорите во Џеда, Украина се согласи на 30-дневен прекин на огнот под услов и Русија да го стори тоа. Овој договор го поттикна Вашингтон да ја обнови воената и разузнавачката поддршка за Киев.
Путин вчера изјави дека Русија е подготвена да го прифати американскиот предлог за прекин на огнот, но само доколку Украина ги прекине мобилизацијата, воената обука и увозот на оружје.
Украинскиот претседател Володимир Зеленски ги отфрли условите на Путин како руска манипулација и повика на построги санкции против Москва.
Трамп, кој претходно предупреди на погубни финансиски последици за Русија доколку војната се одолжува, вчера изјави дека изјавата на Путин е „многу ветувачка“, но „не е целосна“.
Европски разузнавач изјави за „Вашингтон пост“ дека Москва го гледа Трамп како слаб, непринципиел и потенцијално подложен на манипулации врз основа на неодамнешните разузнавачки информации.
Ако се постигне траен прекин на огнот, Русија, најверојатно, ќе се врати на хибридните методи, пропагандата, економскиот притисок и сајбер-нападите што ги користеше против Украина пред нејзината инвазија во 2022 година, додаде функционерот.
Американските власти и понатаму се внимателни во процената на можните мировни услови што Путин би можел да ги прифати, но тие не гледаат индикации дека тој се откажал од своите напори да го врати Киев под руско влијание.
Западни безбедносни извори претходно за „Блумберг“ изјавија дека Путин поставил максималистички барања во врска со територијалните отстапки, мировните сили и украинската неутралност, свесен дека овие услови се неприфатливи за Киев и европските земји.
Јахоски оди во притвор, Кривичен ја преиначи првичната одлука
Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење организиран криминал и корупција,...
Работниците копале дупка за шахта и нашле коски во дворот на амбулантата во Илинден
Коски биле најдени за време на ископ на дупка за шахта, во дворот од амбулантата во населбата Илинден. „Амбулантата во...
Подготвителната седница за Законот за јазиците ќе се емитува во живо: „Секој граѓанин ќе гледа и слуша како ја водиме постапката“
Претседателот на Уставниот суд, Дарко Костадиновски, на брифинг со новинарите информираше за одржување на претстојната Подготвителна седница за Законот за...
Мицкоски: Предупредив дека народот може да се самоорганизира и да протестира, желен е за правда, не правам упад во судската власт
Најавите за протести премиерот Христијан Мицкоски вели дека се предупредување за незадоволството кај народот доколку сами не се повлечат од...
Бугарија испрати јасна политичка порака дека не се посветени на изградбата на Коридорот 8, вели Николоски, кој алармирал во банките за пренамената на средствата
Министерот за транспорт и врски Аленсандар Николоски утрово алармирал во двете банки со кои земјава има потпишано договори за кредит...
Ќе биде потпишан договор со многу моќна европска земја и ќе се мери во милијарди, рече Мицкоски
Премиерот Христијан Мицкоски, одговарајќи на новинарско прашање, информира дека очекува многу добри вести за македонските граѓани во текот на април...
Tрамп: Покварениот Џо Бајден нѐ доведе во вистински хаос со Русија
Американскиот претседател Доналд Трамп го повика својот претходник, Џо Бајден, во објава на социјалните мрежи. „Покварениот Џо Бајден нè внесе...
СДСМ: Министерката Јаневска скучила договор со „Пуцко петрол“ од 40 илјади евра
Продолжуваат партиските преписки за тоа кој, каков договор склучил со „Пуцко Петрол“, чијшто сопственик, Асмир Јахоски, е осомничен во случајот...
(Фото) Украинците оставија многу моќно оружје во Курск, Русите објавија фотографии
Кон крајот на минатиот месец, на 25 февруари, елитната руска група за беспилотни летала – Центарот за напредни беспилотни системи...
(Видео) Стојаноски: Благодарение на СДС и ДУИ, „Пуцко петрол“ успевал за една година да го зголеми приходот 40 проценти
„Откако пред некој ден син на пратеник од ДУИ, сопственик на Пуцко петрол како мерка доби домашен притвор за случај...
Левицата предложи 18 месеци платено породилно отсуство: Овој закон ќе ја подобри положбата на мајките и семејството и ќе создаде темели за решавање на најголемите демографски проблеми
„Во време кога Македонија се соочува со сериозна демографска криза, Левица предложи нов закон за 18 месеци платено породилно отсуство,...
ДУИ: Секој обид за оспорување на Законот за употреба на јазиците е обид за оспорување на Охридскиот договор и уставниот поредок на Северна Македонија
„Денес ја одбележуваме четвртата годишнина од потпишувањето на Законот за употреба на јазиците – моментот кога беше заокружен легислативниот дел...
„Судскиот совет не е приватен дуќан на кадрите на Заев и Груби – разрешените членови мора да заминат“, велат од ВМРО-ДПМНЕ
„ВМРО-ДПМНЕ најостро реагира на обидите на разрешените членови на Судскиот совет да ја узурпираат институцијата, спротивно на волјата на Собранието...
„Имаме најскапи патарини во регионот, а ужасни патишта: пратениците да гласаат за нашиот предлог за 50 отсто поевтини патарини“, бара партијата Левица
„На 19 март, во Собранието ќе се гласа за предлог-законот на пратеничката група на Левица, кој предвидува намалување на патарините...
СДСМ: Милиони во омилени фирми на власта, до кога ќе молчи Јавното обвинителство за тендерските шеми на ДПМНЕ?
СДСМ јавно прашува: До кога Јавното обвинителство ќе молчи за тендерските шеми и скандали на ДПМНЕ? „Случаите со милионските зделки...
Венс: Би бил шокиран доколку Трамп сака да го премести нуклеарното оружје подалеку на исток во Европа
Потпретседателот на САД, Џеј Ди Венс рече дека би бил шокиран доколку претседателот Доналд Трамп сака нуклеарното оружје да го...
„Огромен интерес и внимание за македонската делегација на глобалниот самит во Баку“: Сиљановска и Божиновска во центарот на глобалните дискусии
Огромен интерес за македонската делегација на XII Global Baku Forum – присуството на македонската делегација, официјалните и неформалните средби на...
(Видео) Погодена рафинерија во Русија, гори огромен резервоар за гас
Украинците во текот на ноќта со беспилотни летала ја нападнаа руската рафинерија Туапсе во Краснодарската територија. Според руските канали на...
(Видео) Џеј-Ди Венс исвиркан на концертот на Националниот симфониски оркестар во Вашингтон
Американскиот потпретседател Џеј Ди Венс беше пречекан со свирежи и негодувања од публиката по пристигнувањето на концертот на Националниот симфониски...
Кина, Иран и Русија почнаа разговори за иранските нуклеарни прашања
Високи дипломати од Иран, Русија и Кина се собраа денеска во Пекинг на разговори за нуклеарните прашања на Техеран, објави...
