Европа
ОН: Досега нема извезено вештачко ѓубриво во рамките на договорот за жито
Досега нема никаков извоз на вештачко ѓубриво во рамките на договорот за жито, соопшти Канцеларијата на координаторот на ОН за Црноморската иницијатива за жито, пренесува ТАСС.
„Во моментот во украинските пристаништа има 14 брода, на кои се товарат околу 600.000 метрички тони жито и прехранбени производи. Иницијативата предвидува и извоз на вештачки ѓубрива, вклучително и на амонијак. Но, досега немаше таков извоз“, истакнаа од Канцеларијата.
Од таму посочија дека ниту еден брод не бил прегледан од Заедничкиот координативен центар (ЗКК) во неделата и во понеделникот.
Бројот на инспекции на бродови во рамките на Црноморската иницијатива за жито драстично се намали од 1 мај, се вели во извештајот, во кој се додава дека инспекции чекаат 26 брода со повеќе од 1,15 милион метрички тони товар.
„Додека дискусиите за иднината на иницијативата продолжуваат, Канцеларијата на координаторот на ОН и делегацијата на Турција тесно соработуваат со сите засегнати страни со цел да ги олеснат движењето и инспекциите на бродовите што заминуваат и доаѓаат во рамките на иницијативата и на договорените процедури“, додаваат оттаму.
Разговорите на високо ниво за продолжување на Црноморската иницијатива за жито треба да се одржат во Истанбул оваа недела.
Москва соопшти дека нема да го продолжи договорот со кој се овозможува извоз на жито од украинските пристаништа по неговото истекување на 18 мај ако не се исполнат нејзините барања за отстранување на пречките за извозот на руско жито и вештачко ѓубриво.
„Руската Федерација уште еднаш ефективно ја запре иницијативата за жито со одбивање да ги регистрира бродовите што доаѓаат и да изврши инспекција кај нив. Овој пристап е во спротивност со условите од сегашниот договор“, се пожалија од Киев.
Тие истакнаа дека 90 брода, вклучително и 62 за товарење, чекаат во територијалните води на Турција за одобрение за да отпловат до украинските пристаништа.
Сепак, украинскиот министер за земјоделство истакна денеска дека Украина има алтернативни начини за транспортот на жито ако Црноморската иницијатива за жито не биде продолжена и нема да го гледа тој исход како „апокалиптично сценарио“ не давајќи повеќе детали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.