Европа
Орбан бара од Брисел да ги плати трошоците за чување на границите од мигрантите
Премиерот на Унгарија, Виктор Орбан, побара од Брисел да ги сноси трошоците за чување на границата од мигрантите, пред сѐ, кон Србија, но и кон другите јужни и источни соседи.
Во писмото до претседателката на Европската комисија (ЕК), Урсула фон дер Лаен, Орбан пишува дека се очекува уште поголем бран мигранти отколку во 2015 година кога Унгарија подигна жичена ограда, што според него се покажало како многу ефикасно решение и дека треба да им служи како пример на другите.
„Како што знаете, хибридниот третман на мигрантите во Белорусија и катастрофалното повлекување на безбедносните сили од Авганистан се заканува да создаде уште поголема криза отколку во 2015 година. Убеден сум дека сегашната кревка стабилност може да се зачува само ако Унгарија, заедно со другите земји, ги штити надворешните граници на Унијата“, наведе Орбан во писмото.
Унгарскиот премиер потсетува дека досега од државниот буџет се издвоени повеќе од 590 милијарди форинти за заштита на јужните граници на земјата и дека се меѓу првите земји што подигнаа жичена ограда, која ја бранеше ЕУ од инвазијата на бегалци во последните години. Тој пример го следеа Грција, Шпанија, Бугарија, Словенија, Естонија, Литванија, Летонија и Полска, додаде Орбан.
Според него, физичките пречки за несаканите гости сѐ уште се неопходни, а доказ за тоа е заедничкиот став на министрите за внатрешни работи на десетина членки на Унијата усвоен на 7 октомври, а тоа го истакнала и самата Фон дер Лаен на седницата на Европскиот совет.
Орбан сака ЕК да го направи она што требаше да го направи пред многу години: да признае дека заштитата на надворешните граници е израз на непобитна европска солидарност и да ги пофали и субвенционира напорите на земјите од Унијата во таа област.
Премиерот на Унгарија посочува дека таквата одбрана на границата бара материјални, човечки и финансиски ресурси, па време е унгарските трошоци да се надоместат во изминатите шест години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украинците тврдат дека синоќа собориле 33 руски беспилотни летала
Украинската противвоздушна одбрана собори 33 од 50-те беспилотни летала лансирани од Русија во текот на ноќта, соопшти денеска украинското воздухопловство.
Тие наведуваат дека 9 беспилотни летала се изгубени мислејќи на користењето електронско војување од страна на Украина за пренасочување на руските беспилотни летала, додека еден ја напушти Украина во правец кон Романија.
⚡️ Air Defense Forces destroyed 33 out of 50 russian attack UAVs.
9 russian imitator drones were lost locally (without negative consequences), and another one left Ukrainian airspace in the direction of Romania.
Join the current fundraising for the Armed Forces of Ukraine:
💸… pic.twitter.com/c6ADw43TEt— BLYSKAVKA (@blyskavka_ua) January 17, 2025
„Непријателските напади со беспилотни летала погодија претпријатија во регионот на Одеса, а зградите на институции, приватни компании и домаќинства во регионите Харков, Черкаси и Киев беа оштетени како резултат на падот на соборените непријателски беспилотни летала“, соопшти војската на платформата „Телеграм“.
Тие додадоа дека под напад било и пристаниште во реонот на Дунав. Претставник на регионот Киев рече дека едно дете е повредено како резултат на паѓање остатоци од соборени цели за време на нападот.
Европа
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет до средината на април 2025 година доколку севернокорејските сили продолжат да претрпуваат големи загуби во тековните жестоки борби, објави американскиот тинк-тенк Институт за проучување на војната.
Украинскиот претседател Володимир Зеленски на почетокот на месецот рече дека 3.800 севернокорејски војници биле убиени или ранети во руската област Курск, која украинските елитни бригади ја нападнаа на почетокот на август минатата година и зазедоа околу 100 населени места.
North Korean infantry attacks Ukrainian positions in Kursk. This is yet another confirmation that it is not just “Ukrainian probelm.” When dictators joined to destroy a sovereign democratic country, it becomes the problem for the entire world. Because the next question is who is… pic.twitter.com/yUZ4zufo2e
— Roman Sheremeta 🇺🇦🇺🇸 (@rshereme) December 14, 2024
Оттогаш Русите започнаа контраофанзива и вратија околу половина од загубената територија. Сепак, се уште се водат жестоки битки, а рускиот Курск е едно од најактивните боишта во руско-украинската војна.
Украинскиот министер за одбрана Рустем Умеров на 5 ноември минатата година изјави дека севернокорејските сили биле вклучени во „мали“ судири во областа Курск, но руските воени блогери почнаа да известуваат на почетокот на декември дека севернокорејските сили учествуваат во позначајни борбени операции.
Севернокорејците претрпеле приближно 92 жртви дневно откако почнаа да се впуштаат во значителни борби на почетокот на декември минатата година, проценува Институтот за проучување на војната.
Се верува дека Северна Кореја преселила приближно 12.000 војници во регионот Курск, така што целиот севернокорејски контингент во регионот би можел да биде убиен или ранет за околу 12 недели, или околу средината на април 2025 година, под услов севернокорејските сили да продолжат да трпат слични загуби во продолжението на борбите, проценува Институтот.
Националната разузнавачка служба на Јужна Кореја пред неколку дена објави дека 300 Севернокорејци досега се убиени во акција, а 2.700 се ранети во борбите во областа Курск.
Севернокорејските сили најверојатно ќе продолжат да страдаат од поголем сооднос на ранети спрема мртви во борбите, а моментално не е јасно дали и кога повредените севернокорејски војници ќе се вратат во борба, се вели во соопштението на Институтот.
Европа
(Видео) Руски тенк нападна Украинци: „Неговата судбина беше очигледна“
Осамен руски тенк кој се движи кон украинските линии во она што една украинска група на пилоти за дронови го нарече „многу несреќно самоубиство“ кажува нешто за состојбата на руската војска додека војната на Путин против Украина се приближува на својата четврта година.
Имено, насекаде по должината на 1.000 километри долгата линија на фронтот во Украина, но и во западна Русија има толку многу украински беспилотни летала што руските оклопни возила не можат да ги напуштат своите скривалишта без да го привлечат смртоносното внимание на пилотите на дронови, пишува Форбс.
Video of strikes with four FPVs and night bomber UAV on a Russian tank by the Ukrainian Border Guard's Phoenix strike UAV company.https://t.co/IvqxWQ5r4M pic.twitter.com/1HpPpl5hED
— Rob Lee (@RALee85) January 15, 2025
Онаму каде што Русите освојуваат, го прават најмногу со пешадија и трпат неверојатни загуби во тој процес.
Пред неколку дена, осамен руски тенк патуваше по земјен пат кон линијата за контакт надвор од селото Курдјумивка, 5 километри северно од урнатините на Торецк во областа Доњецк во источна Украина. Руските теренски војски го опкружуваат градот Покровск јужно од Курдумивка, како и градот Часив Јар северно од Курдумивка.
Не е јасно кој бил точниот план на снимениот тенк. Во секој случај, осаменото возило не стигна далеку. „Судбината на ова парче железо беше очигледна“, објави украинската група за беспилотни летала Феникс, додавајќи: „Нашите момци го расклопија до последен детал“.
Огромниот број на беспилотни летала фокусирани на тенкот зборува за изобилството на мали летечки роботи над линијата на фронтот. Четири експлозивни беспилотни летала влетаа и го погодија тенкот, на крајот онеспособувајќи го. Петтиот дрон, потежок модел, фрли гранати врз тенкот за конечно да го уништи. Не е јасно дали некој од тројцата или четворицата руски членови на екипажот преживеал.