Европа
Отказ за вработените во училиштата во Словенија доколку одбијат ковид-тестирање
На вработените во училиштата во Словенија им се заканува отказ доколку одбијат да направат ковид-тест.
Според медиумите, во таа земја за една недела започнува новата учебна година, а директорите на училиштата добиле документ според кој одбивањето на вработените да бидат тестирани за коронавирус може да биде причина за отказ.
Ваквото правило е во сила за сите вработени во училиштето, што значи дека оние кои не биле вакцинирани или имале Ковид-19 мора да се тестираат секоја недела, што е дефинирано како работна обврска во циркуларното писмо од Министерството за образование.
Неоправданото одбивање за тестирање ќе се смета за прекршување на обврската за вработување, што значи дека на работникот му се издава писмено предупредување пред отпуштање или ќе биде започната постапка за отпуштање, а истото важи и доколку вработениот одбие да носи заштитна маска, објаснуваат од министерството.
Од друга страна, ако ученикот не носи маска, не смее да му се забрани влез во училницата, но директорот мора да ги извести неговите родители за оваа обврска и да го достави случајот до инспекторатот.
Епидемиолошката состојба во Словенија се влошува во последните недели, па затоа државата ќе влезе во „црвена“ фаза кон крајот на оваа недела, а темно црвена кон средината на септември според критериумите на Европскиот центар за контрола на болести (ЕЦДЦ), предвидува институтот Јожеф Штефан, пренесуваат медиумите.
Сепак, владата на Словенија не планира големи затворања на социјалните и економските активности и образовниот систем во есен и зима, бидејќи смета дека ситуацијата може да се држи под контрола преку доследна примена на мерките.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.