Европа
Папата Франциско: Постојат начини да се благословат истополовите бракови

Папата Франциско изјави дека е отворен да зборува за тоа дека Католичката црква може да ги благослови истополовите бракови.
Одговарајќи на група кардинали, кои побараа појаснување за ова прашање, тој рече дека секое барање за благослов треба да се третира со „пастирска милост“.
„Не можеме да бидеме судии, кои само негираат, отфрлаат и исклучуваат“, рече тој.
Папата, сепак, додаде дека црквата сè уште ги смета истополовите врски за грешни и нема да ги признае, пишуваат медиумите во регионот.
Врховниот поглавар на Католичката црква одговараше на низа барања пред состанокот за разговор за иднината на црквата, кој треба да почне в среда во Ватикан.
Епископите од неколку земји, како Белгија и Германија, почнаа да им дозволуваат на свештениците да благословуваат истополови парови, но позицијата на црковните власти остана нејасна.
По барањето за појаснување во 2021 година, Ватикан пресуди дека таквата практика не е дозволена.
Одговарајќи на последното барање, папата рече дека црквата го разбира бракот како „ексклузивна, стабилна и нераскинлива заедница меѓу маж и жена“ и дека треба да се избегнува „секаков вид обред што би се спротивставил на ова верување“.
Но, тој додаде дека „кога се бара благослов, тоа е изразување молба до Бога за помош, барање да се живее подобро“.
„Пасторалната претпазливост мора правилно да препознае дали постојат форми на благослов што ги бараат еден или повеќе луѓе, кои не го пренесуваат погрешниот концепт на бракот“, рече тој.
Тој додаде дека црквата треба секогаш да пристапува кон односите со луѓето со „љубезност, трпение, разбирање, нежност и охрабрување“.
Во февруари оваа година црковните власти во Англија го поддржаа предлогот да се дозволи молитвата за благослов за истополовите бракови.
Овој потег би значел дека истополовите парови, откога ќе се венчаат законски, би можеле да одат во англиканска црква на служба, која вклучува молитви за осветување, благодарност и божји благослов, стои во написите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците нападнаа фабрика на рускиот хемиски гигант на 1.700 километри од фронтовската линија

Украинските беспилотни летала синоќа ја нападнаа хемиската фабрика „Азот“ во рускиот Пермски регион, на повеќе од 1.700 километри од украинската граница, потврди регионалниот гувернер Дмитриј Махоњин, објави „Киев Индепендент“.
💥Russian “Uralchem Azot” plant in Berezniki, Perm Krai, was hit — around 1,600km from the frontline, one of the longest-range strikes so far. It’s among Russia’s biggest fertilizer producers, making ammonia, urea and ammonium nitrate.
These chemicals also serve in explosives… pic.twitter.com/33hqqUYZzi
— Special Kherson Cat 🐈🇺🇦 (@bayraktar_1love) October 2, 2025
Нападот привремено го запре производството во фабриката, која е меѓу најголемите руски производители на азотни ѓубрива, но е и клучен снабдувач на хемикалии што се користат во земјоделството и експлозиви.
Фабриката „Азот“, која се наоѓа на границата помеѓу европскиот и азискиот дел на Русија, произведува амонијак, уреа, амониум нитрат и други хемиски соединенија. Минатата година, компанијата пријави рекордно производство од повеќе од 2,3 милиони тони производи.
Ukrainian drones reportedly struck the Azot chemical plant in Berezniki, Perm Krai overnight. A short disruption to production was confirmed by local authorities. Explosions were heard near the facility, which stores ammonium nitrate. https://t.co/LXcOQYPwpJ pic.twitter.com/3tBuy6Pq46
— WarTranslated (@wartranslated) October 3, 2025
„Според најновите информации, нападот со непријателски беспилотни летала бил извршен ноќе… Имало краток застој во технолошкиот циклус во ‘Азот’“, изјави гувернерот Махоњин.
„Специјалистите за итни служби продолжуваат да работат на местото на настанот, а формиран е и оперативен штаб“.
фото: принтскрин
Европа
Путин се сретна со Додик

Рускиот претседател Владимир Путин се сретна со Милорад Додик на маргините на 22-от годишен форум на Меѓународниот дебатен клуб Валдај во Сочи. За време на состанокот, Путин ја опиша ситуацијата во Република Српска како сложена.
„Многу ми е драго што повторно се сретнав со вас, овој пат во Дебатниот клуб Валдај во Сочи. Неодамна, на 15 септември, го прославивте Денот на српското единство. Би сакал да ви честитам. Знам дека ситуацијата во вашата земја е исклучително тешка. Дури може да се каже дека е сложена“, рече Путин, додавајќи дека сака да ја чуе оценката на Додик.
Во исто време, рускиот лидер нагласи дека неговиот соговорник прави многу за градењето односи со Русија. Пред оваа средба, Путин зборуваше на форумот на дебатниот клуб, а Додик беше почесен гостин.
Додик беше осуден на една година затвор и шестгодишна забрана за политичка активност од страна на Судот на Босна и Херцеговина, по што Централната изборна комисија му го одзеде мандатот како претседател на РС. Предвремените избори за негов наследник ќе се одржат на 23 ноември.
Европа
Прекинат воздушниот сообраќај на аеродромот во Минхен, забележани се дронови

Воздушниот сообраќај беше прекинат преку ноќ на аеродромот во Минхен поради прелет на дрон, чие потекло се истражува, изјави портпарол на германската полиција за АФП, откако неколку европски земји пријавија воздушни упади што ѝ се припишуваат на Русија.
Според соопштението на аеродромските власти, 17 летови што требало да тргнат од Минхен беа откажани таа вечер, што влијаеше на речиси 3.000 патници. Сè уште не е познато кога летовите ќе бидат обновени.
Петнаесет летови што требаше да слетаат во Минхен беа пренасочени и кон Штутгарт, Нирнберг, Виена или Франкфурт.
Во четврток околу 21:30 часот, неколку лица забележаа дронови во близина на аеродромот, потврди портпаролот на полицијата.
Баварските власти започнаа истрага за да ги идентификуваат дроновите и нивното потекло.
Потоа дроновите повторно беа забележани, овој пат над аеродромската област, што доведе до затворање на обете писти околу 20:30 часот.
И покрај интервенцијата на полициските хеликоптери, „нема достапни информации за видот и бројот на дроновите“ или нивното потекло, изјави портпаролот.
Инцидентот се случил пред последниот викенд од Октоберфест, кој привлекува стотици илјади луѓе во Минхен секој ден.
Фестивалот на пивото во баварскиот град беше затворен половина ден во среда поради закана со бомба.
фото: принтскрин