Европа
По спречувањето на турската министерка да влезе во конзулатот во Ротердам, Анкара возвраќа со иста мерка
Откако холандската полиција ја задржа и ја попречи турската министерка за семејство и социјални политики да влезе во турскиот конзулат во Ротердам, каде што требаше да се сретне со сонародници кои живеат во Холандија во рамките на кампањата за референдумот, а официјална Анкара ги блокираше сите приоди кон зградата на холандската амбасада и му порача на амбасадорот „извесно време да не се враќа“ на должноста, пренесуваат медиумите за најновата дипломатска криза меѓу Турција и земја членка на Европската унија.
Министерката за семејство и социјални политики Фатма Бетјул Сајан Каја, којашто во саботата престојуваше во Германија, се реши да патува за Холандија со автомобил, откако холандските власти претходно во саботата го оневозможија слетувањето на авионот со кој требаше да допатува во Ротердам турскиот министер за надворешни работи Мевлут Чавушоглу.
Холандските телевизии емитуваа снимки на коишто се гледа дека полицијата на министерката Каја ѝ го попречува влегувањето во турскиот конзулат. Исто така, новинарите на агенцијата Anadolu и на телевизијата TRT беа пресретнати во предградие на Ротердам и со полиција беа спроведени до границата со Германија, од каде што влегоа во Холандија за да ја следат посетата на министерката.
Пред зградата на конзулатот се собрале неколку стотици демонстранти со турски знамиња барајќи да ја видат министерката, а полицијата подигна метални огради и патролира на коњи. Според последните извештаи, пак, бројот на демонстрантите веќе се зголемил на две илјади.
Турското министерство за надворешни работи веднаш во саботата вечерта објави дека не сака да се врати холандскиот амбасадор во Турција на „во догледно време“, со што се заострува дипломатскиот спор меѓу двете земји кои се членки на НАТО.
Турските власти ги блокираа пристапите до зградата на холандската амбасада во Анкара, и на конзулатот во Истанбул „од безбедносни причини“, соопшти турското министерство за внатрешни работи.
„Холандија ги крши сите меѓународни закони, конвенции и човекови права со недозволувањето да влезам во конзулатот“, напиша на Twitter министерката Каја.
Германија, Холандија, Австрија и Швајцарија одбиваат на своја територија да им дозволат на турските министри да учествуваат на собирите за поддршка на уставните реформи за кои ќе се гласа на референдум, а се однесуваат на зголемување на овластувањата на претседателот на државата.
Поради тоа, официјална Анкара ги обвини овие земји дека спроведуваат „злосторства против човечноста“. Турскиот претседател Реџеп Тајип Ердоган веднаш откако на шефот на дипломатијата му беше оневозможено да слета во Ротердам, од Истанбул порача дека „тие не знаат ниту што е политика, ниту што е меѓународна дипломатија“, нарекувајќи ги холандските власти „остатоци од нацисти и фашизмот“, а претходно одлуката на Германија ја спореди со нацизмот.
Франција не ги забрани тавите настапи на турските политичари, па во саботата вечерта слета во Метц, на истокот од земјата, каде што во неделата ќе се одржи собир на повик на локалниот огранок на Унијата на европските турски демократи (EUTS).
Ален Картон, висок функционер на префектурата Моасеј, појасни претходно дека локалното турско здружение за таа цел го изнајмила конгресниот центар. Картон додаде дека француското министерство за надворешни работи го дозволило доаѓањето на турскиот министер во Франција, а префектурата е задолжена за безбедност на настанот.
Во Германија и во Швајцарија последните неколку дена беа откажани неколку собири на Унијата на европските турски демократи (EUTS). Германскиот уставен суд пресуди дека турските владини функционери не можат да се повикуваат на германските уставни права за да влезат во земјата поради политички собири.
Швајцарските безбедносни власти, пак, во четвртокот гои отфрлија барањето на кантонот Цирих да ја забрани посетата на турскиот министер за надворешни работи во Брн во недела, истакнувајќи дека не постои безбедносна закана која би го оправдала ограничувањето на слободата на изразувањето./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Орбан: Ја најавуваме најголемата програма за намалување на даноците во Европа
Унгарскиот премиер Виктор Орбан во понеделникот објави ослободување од данок на доход за мајките на две или три деца и рече дека од април ќе ги ограничи каматните стапки на станбените кредити на 5 отсто, како дел од чекорите за зајакнување на економијата пред изборите во 2026 година.
„Ја објавуваме најголемата програма за намалување на даноците во Европа“, рече Орбан денеска во своето обраќање за состојбата на нацијата.
Покрај веќе најавеното удвојување на даночните олеснувања за семејствата во две фази до јануари, Орбан рече дека неговата влада ќе ги ослободи мајките на две или три деца од данок на доход, почнувајќи од октомври со мајки на три деца.
Од јануари постепено ќе се воведува ослободувањето за мајките на две деца, рече Орбан. „Тоа ќе биде голем трошок, но економското закрепнување, мерките за поддршка на бизнисот и целосното вработување заедно можат да го платат со намалување на буџетскиот дефицит и јавниот долг“, рече тој.
Орбан, исто така, рече дека неговата влада е подготвена да воведе ограничувања за зголемување на цените на храната, освен ако разговорите со трговците не успеат да ги задржат цените под контрола.
Унгарската инфлација, која пред две години достигна највисоки нивоа во ЕУ, во јануари дојде до 5,5 отсто, што е над прогнозите на аналитичарите.
Европа
(Видео) Насилни протести пред изборите: неонацисти и левичари се судрија во Берлин
Стотици неонацисти се собраа на плоштадот во близина на метро станицата во областа Мите и маршираа до главната железничка станица (Хауптбанхоф) во Берлин, јавува Анадолија.
Берлинската полиција денеска употреби солзавец против левичарските демонстранти кои ден пред изборите во Бундестагот го блокираа маршот на околу 200 десничарски екстремисти, објавија германските медиуми.
Wir sind hier und sagen unseren israelischen und jüdischen Freundinnen: ihr seid nicht allein. #BringThemAllHomeNow pic.twitter.com/xDWS2EtAIu
— LSquadBerlin🎗️ (@LSquadBerlin) February 22, 2025
Жестоки судири со полицијата се случија кога левичарските демонстранти се обидоа да ги пробијат полициските кордони кои го обезбедуваа митингот на десницата.
Левичарите во неколку наврати ја блокираа маршрутата на десничари, опишани од германските медиуми како неонацисти, од станицата Фридрихштрасе до главната железничка станица во Берлин. Неколку демонстранти беа уапсени по судирите со полицијата.
Според полицијата, попладнево се собрале околу 200 десничарски екстремисти, додека повеќе од 1.000 левичарски демонстранти се обиделе да ги спречат.
Европа
Нова анкета: Зеленски попопуларен отколку пред руската инвазија
ОКОЛУ 63 отсто од Украинците ги одобруваат постапките на Володимир Зеленски како претседател, според истражувањето спроведено од проектот „Идентитет и граници: случајот на Украина“ (IBIF) во партнерство со Киевскиот Меѓународен институт за социологија (КИИС).
Анкетата беше објавена набргу откако американскиот претседател Доналд Трамп рече дека Зеленски има „4 отсто поддршка“ без да наведе извор за да го потврди своето тврдење. Набргу потоа, Трамп го нарече Зеленски „диктатор“. Истражувањето беше спроведено помеѓу ноември 2024 година и јануари 2025 година. Во него учествувале 1600 испитаници. Проектот ИБИФ е првенствено финансиран од Британската академија.
Околу 26,1 отсто од Украинците рекле дека целосно го одобруваат Зеленски, додека 36,9 отсто рекле дека главно го одобруваат. Вкупната бројка е повисока отколку во анкетите спроведени пред целосната руска инвазија и во пролетта 2024 година. Анкетата покажа дека 14,4 отсто целосно не ги одобруваат постапките на Зеленски како претседател, додека 18,3 отсто рекле дека главно не ги одобруваат.
Значи, Зеленски:
– целосно го одобруваат – 26,1 отсто од испитаниците
– главно го одобруваат – 36,9 отсто од испитаниците
– целосно не го одобруваат – 14,4 отсто од испитаниците
– главно не го одобруваат – 18,3 испитаници
Вкупно 73 отсто од испитаниците потврдиле дека Зеленски би можеле да го наречат „интелигентна личност“, додека 63 отсто го нарекле „силен лидер“. Зеленски останува најпопуларниот украински политичар, кој води во анкетите за претстојните претседателски избори, пренесува КИИС.
Помеѓу 26 и 32 отсто од Украинците се подготвени да гласаат за Зеленски во првиот круг, според истражувањето. Зеленски значително го надмина својот претходник, бизнисменот и пратеник Петро Порошенко, кој имаше 5-6 отсто во анкетите, пренесува „Киев Индепендент“.
„Потенцијален кандидат во вториот круг би можел да биде популарната воена фигура генерал Валериј Залужни, поранешен врховен командант и актуелен украински амбасадор во Обединетото Кралство, но тој јавно не изразил никакви политички амбиции“, соопшти КИИС.
Во Украина требаше да се одржат претседателски избори во пролетта 2024 година, но тие беа одложени поради целосна руска инвазија. Украинскиот устав не дозволува избори за време на воена состојба.
„Њујорк тајмс“: Новиот предлог на Трамп за минералите е речиси ист како и одбиениот, дури е уште построг
Украина денес сериозно го разгледува ревидираниот предлог на САД за нејзините богати природни ресурси, кој ги содржи речиси истите услови...
(Видео) Судири меѓу полицијата и демонстрантите во Бугарија, десничарите против воведувањето на еврото
Приврзаниците на крајната десница денеска се судрија со полицијата за време на протестот за поддршка на бугарската валута лев и...
Нападната и силувана девојка од Скопје, уапсен 37-годишник
Денеска во 01.20 часот во Скопје, полициски службеници од СВР Скопје го лишиле од слобода 37-годишниот Б.Б. од Скопје, постапувајќи...
Додека управувал возило му се слошило и починал: автомобилот излетал од патот во Радовиш, удрил во столб па во паркиран „форд“
Вчера во 10.52 часот во Полициската станица Радовиш било пријавено дека на улицата „8 Септември“ во Радовиш, додека управувал патничко...
(Фото) Претрес во Тетово, пронајдена дрога, уапсен дилер
Вчера во 16.55 часот во Тетово, полициски службеници од СВР Тетово го лишиле од слобода 37-годишниот М.М. од Тетово. При...
(Видео) „Скандалозната одлука на Таравари за КАРИЛ: Загрозени животи и распад на здравствениот систем“, вели Цветаноски
„Здравството е во тотален хаос, ништо не функционира, нема лекови, нема соодветни услуги, не работат важни центри. Со последната скандалозна...
Хамас го предаде телото на Шири Бибас, пред два дена предале погрешно тело
Од кибуцот Нир Оз денеска беше потврдено дека телото на жената предадено од палестинската екстремистичка група Хамас во Појасот Газа...
„Њујорк Пост“ до Трамп: Ова е диктатор
На насловната страница на вчерашното издание на „Њујорк пост“ беше објавена фотографија од рускиот претседател Владимир Путин со натпис: „ОВА...
(Видео) Мицкоски од Вашингтон: Македонија е верен сојузник на САД, направивме многу отстапки, Европа треба да биде принципиелна наместо со двојни стандарди
Премиерот Христијан Мицкоски вчера се обрати на конференцијата „CPAC“ во Вашингтон, при што ја искористи приликата да ја запознае американската...
Со секира го искршиле стаклото од кафулето, па со бензин го запалиле: обвинение против тројца за намерно предизвикување пожар во Кисела Вода
По спроведена истражна постапка, јавен обвинител од Основното јавно обвинителство Скопје поднесе Обвинителен акт против вкупно три лица кои се...
(Видео) „Децата биле брутално убиени со голи раце“: Израел го обвини Хамас за убиство на двете киднапирани момчиња
Ариел и Кфир Бибас, две израелски момчиња киднапирани од Хамас за време на терористички напад на 7 октомври 2023 година,...
Трамп: Зеленски не е доволно важен за да биде на преговорите
Американскиот претседател ја продолжи вербалната војна против својот украински колега. Овој пат Доналд Трамп изјави дека Зеленски не е доволно...
Нема потреба од промена на химната, симболите треба да обединуваат, а не да разединуваат, порача Сиљановска-Давкова
Нема потреба од промена на химната, одговори денеска претседателката на државата, Гордана Сиљановска-Давкова, која појасни дека треба да се биде...
Вработените во Филхармонијата со порака до Љутков: „Нема да дозволиме институцијата да биде жртва на бесрамни политички договори
Вработените во Македонската филхармонија денеска на протест преку кој упатија јавен апел до министерот за култура и туризам, Зоран Љутков...
Полициски возила ќе ги снимаат погрешно паркираните за автоматско казнување
Покрај камерите на улиците во рамките на „Безбеден град“, кои ќе ги ловат прекршоците во сообраќајот, полицајци со возило опремено...
„Ројтерс“: Американците и Русите се состанувале во Швајцарија со месеци на разговори за Украина
Претставници на САД и Русија се состанале во Швајцарија на неформални разговори за војната во Украина во последните месеци, од...
Левицата на средба со рускиот амбасадор: „Односите ни се на минимум поради водење политика за туѓи интереси“
Во репрезентативната „Струшка сала“ на Собранието, пратениците на Левица, Димитар Апасиев и Реџеп Исмаил – Хактан, вчера, остварија средба со...
Мицкоски од Вашингтон: Прво, завршени преговори, па уставни измени, претрпевме многу понижувања
Ние како нација направивме сè што можевме, претрпевме многу понижувања и прифативме многу лоши договори поради нашата европска перспектива и...
Шефот на диломатијата на Трамп: Нема средба меѓу Путин и Трамп без напредок за крај на војната
Можниот состанок меѓу американскиот претседател Доналд Трамп и рускиот претседател Владимир Путин во голема мера ќе зависи од тоа дали...
Меџити најавува масовни вработувања во администрацијата: Ќе создадеме илјадници работни места за Албанците
Првиот вицепремиер и претседател на Демократското движење, Изет Меџити, ветува дека Албанците ќе се вработуваат во државната и јавната администрација....
