Европа
Претреси во Австрија по апсењето на осомничениот млад Албанец

Австриската полиција изведе неколку претреси во саботата по апсењето на 18-годишниот австриски државјанин од албанско потекло во петокот ноќта кој е осомничен за подготовка на терористички напад, а тој во саботата е на сослушувања, соопштија власите на австриската престолнина Виена.
„Извршени се неколку претреси на куќи во Виена и во Долна Австрија. Собраните материјали се истражуваат. Досега е извршено само едно апсење, во петокот“, изјави портпаролот на австриското министерство за внатрешни работи Карл-Хајнц Грундбек.,
Осомничениот кој беше уапсени во петокот, е испрашуван во саботата, потврди Конрад Кеглер, челник на австриската државна безбедност за јавното радио.
Министерот за внатрешни работи Волфганг Соботка на прес-конференција свикана веднаш по завршувањето на операцијата на специјалните сили во петокот ноќта рече дека !австриските полициски сили брзо реагираа и го уапсија осомничениот, избегнувајќи така можен терористички напад во Виена“.
Специјалците во петокот вечерта уапсиле во Виена „Австриец на 18-годишна возраст, со имиграциска дозвола“. Истрагата треба да ги утврди неговите врски со „исламистичкиот екстремизам“, изјави министерот Соботка наведувајќи дека постојат повеќе индиции за тоа, а дека одлучувачките сигнали во врска со осомничениот стигнале од странски разузнавачки служби.
Дневниот весник Kronen Zeitung дознава дека безбедносните служби добиле информации дека „група од албански исламистички екстремисти“ планира напад во Виена меѓу 15-ти и 30-ти јануари.
Соботка, исто така, рече дека уапсениот припаѓа на албанската заедница, како и дека индициите говорат за тоа дека не дејствувал сам, туку дека зад него стои развиена мрежа. Кажа дека една од потенцијалните цели била и виенската подземна железница.
Министерот не сакаше да го открие идентитетот на уапсениот, наведувајќи дека безбедносните служби го следеле неколку дена бидејќи имале сигнали дека од Виена, каде што живее, би можел да замине во Германија. Притоа Соботка апелираше до граѓаните да бидат претпазливи и да пријават секаков сомнителен пакет оставен на јавен простор./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Зеленски: Украина и САД работат на склучување економски договор

Украинскиот претседател Володимир Зеленски изјави доцна во петокот дека официјални лица од неговата земја и САД работат на склучување економски договор за да се осигураат дека тој е ефективен и праведен кон Киев.
Американскиот претседател Доналд Трамп изјави во Вашингтон дека преговарачите се блиску до финализирање на договорот.
Зеленски го отфрли првичниот предлог, кој се фокусираше на соработката во областа на минералите, велејќи дека тоа е „не сериозен разговор“ и не е во интерес на Украина.
Today, Ukrainian and U.S. teams are working on a draft agreement between our governments. This agreement can add value to our relations—what matters most is getting the details right to ensure it truly works.
I look forward to a just results. pic.twitter.com/o9jbiiiJTq
— Volodymyr Zelenskyy / Володимир Зеленський (@ZelenskyyUa) February 21, 2025
„Денес тимови од Украина и САД работат на нацрт-договор меѓу нашите влади“, рече Зеленски во својата ноќна видео порака.
„Овој договор има потенцијал да ги зајакне нашите односи и, што е најважно, деталите мора да се договорат на таков начин што ќе се осигура дека ќе биде ефективен. Се надевам на исход, фер исход“.
Зеленски ги даде забелешките по разговорот меѓу началникот на неговиот кабинет, Андриј Јермак, и американскиот советник за национална безбедност Мајк Волц.
Европа
Нападнатиот во Берлин е шпански турист, тој е стабилен: напаѓачот е уапсен

Мажот повреден во нападот со нож кај Меморијалот на холокаустот во Берлин е 30-годишен турист од Шпанија, соопшти вчера германската полиција.
Тој е пренесен во болница со тешки, но не опасни по живот повреди. Мажот е во стабилна состојба, изјави претходно портпаролката на полицијата.
Полицијата три часа по пријавата го уапсила осомничениот.
Уапсениот имал „крв на рацете“, изјави портпаролот на полицијата Флоријан Нат. „Тоа е веројатно осомничениот кој го нападна Шпанецот овде кај Меморијалот“, додаде тој.
Нападот се случил околу 18 часот. Не е пронајдено оружје, но најверојатно се работи за нож, додаде полицијата.
„Апсолутно немаме идеја кој мотивот за нападот“, нагласи Флоријан Нат.
Жртвата се здобила со „неколку убодни рани во горниот дел од телото“, објасни тој. Мажот е пренесен во болница, опериран е и е во стабилна состојба, соопшти полицијата.
Европа
Итен состанок на министрите за одбрана на ЕУ поради Украина, дознава Блумберг

Франција и Естонија свикаа итен состанок на министрите за одбрана на Европската унија в понеделник, 24 февруари, за да разговараат за начините за зајакнување на воената поддршка за Украина, дознава Блумберг, повикувајќи се на извори.
Според изворите, на состанокот преку видео-конференција ќе учествуваат десетина министри за одбрана на Европската унија, вклучително и оние од Велика Британија, Германија, Италија и Полска, како и претставници на ЕУ и НАТО.
Како што пренесува Укринформ, Украина се подготвува да организира состанок на лидерите на земјите-партнери во Киев на 24 февруари, на кој ќе се разговара за мирот, безбедносните гаранции и иднината на колективната одбрана. Тој ден во Брисел ќе се одржи и состанок на Советот за надворешни работи на ЕУ, а војната во Украина ќе биде прва точка на дневниот ред, велат оттаму.
На 24 февруари се одбележува третата годишнина од почетокот на целосната руска инвазија на Украина.