Европа
Русија и официјално ја обвини Украина за масакрот во Москва
Русија побара од Украина да ги екстрадира сите поврзани со терористичките напади во Русија, вклучително и шефот на тајната служба СБУ, соопшти вчера руското Министерство за надворешни работи.
Во соопштението на Министерството се наведува списокот на насилни инциденти што се случиле во Русија од почетокот на инвазијата на Украина во февруари 2022 година, вклучително и бомбашки напади, во кои загинаа ќерката на истакнат руски националист и воен блогер, како и инцидент во кој сериозно беше повреден писател.
Министерството истакна дека истрагите за овие инциденти покажале дека трагите од овие злосторства водат во Украина.
„Русија ги достави до украинските власти своите барања… за итно апсење и екстрадиција на сите поврзани со предметните терористички напади“, се вели во соопштението.
Меѓу бараните е и шефот на СБУ, Васил Маљук, кој призна дека неговата служба стои зад нападот на мостот на Крим.
„Руската страна бара режимот во Киев веднаш да ја прекине секаква поддршка за терористички активности, да ги екстрадира одговорните и да им плати отштета на жртвите“, се вели во соопштението.
„Кршењето на Украина на нејзините обврски од конвенциите за борба против тероризмот ќе резултира со тоа Украина да биде повикана на одговорност во меѓународна правна смисла“, се вели во соопштението.
Руското соопштение се однесува и на масакрот овој месец во концертната сала во близина на Москва, во кој загинаа 144 лица, но само индиректно. Да потсетиме, одговорноста за тој напад ја презеде терористичката организација Исламска држава, која нема никаква врска со Украина.
СБУ веднаш ги отфрли руските барања како бесмислени и рече дека руското министерство „заборавило“ дека рускиот претседател Владимир Путин е предмет на меѓународна потерница за носење деца од Украина во Русија.
Барањата на Русија „звучат особено цинично со оглед на тоа што доаѓаат од терористичка држава… Затоа, какви било зборови од руското МНР се бесмислени“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.