Европа
Тајани во водство на изборите за претседател на Европскиот парламент
По првата рудна од гласањето за претседател на Европскиот парламент во вторник во Стразбур во водство е Европскиот народна партија (EPP) Антонио Тајани со 274 освоени гласови, додека неговиот противкандидат од редовите на социјалдемократите Џани Питела доби поддршка од 183 пратеници.
Во текот на гласањето од 751 пратеници, гласаа 718 од кои 683 беа валидни, додека 35 гласови се неважечки. Покрај 274-те гласови за Антониот Тајани и 183 за Џани Питела, Хелга Стевенс од Европските конзервативци и реформисти (ECR) освои 77 гласови, Британката Џин Ламберет од Зелените/Европски слободен сојуз – 50, Лорент Ребага од Европа на слободата и непосредната демократија (EFDD) – 43 гласови.
Бидејќи ниеден кандидат не освои апсолутно мнозинство, 50 отсто плус еден глас, се оди во вториот круг од гласањето. Според извештаите на медиумите од Стразбур кои поседуваат информации од пратеничките групи, Сојузот на либералите и демократите за Европа (ALDE0 му дал целосна поддршка на Тајани, со исклучок на холандските либерали од партијата Демократи 66 (D66).
Се дознава дека лидерот на холандските либерали, Ги Верхофштад кој се повлече од трката за наследникот на Мартин Шулц, би можел да го замени Доналд Туск на местото претседател на Европскиот совет, а пратеникот од редовите на ALDE, би можел да ја добие потпретседателската позиција во Европскиот парламент,
Потпретседателката и портпаролка на социјалдемократите Тања Фајон го обвини Верховштад поради неговата поддршка за Тајани за „политичка недоследност“, а неговиот потег го нарече „спектакуларно салто“.
„Од Бепе Грило до Берлускони во помалку од една седмица, Верхофштад дополнително ја докажа својата политичка недоследност, изведувајќи спектакуларно салто“, соопшти Фајон. Според неа, „откако Верхофштад се обиде да изведе трагикомични потег со популистичкото Движење пет ѕвездички (M5S) за да ги зголеми личните шанси за победа, изгледа дека челникот на либералите сега склучил договор со човекот на Берлускони во Брисел“, кандидатот на EPP, Тајани.
Фајон вели дека социјалдемократите на либералите им понудиле „проевропски“ договор на кој не добиле одговор, и оти „изгледа дека Верхофштад за тоа не ги известил своите колеги“. Исто така, изрази уверување дека на овој состав на Европскиот парламент му е потребна „поамбициозно и потранспарентно мнозинство“.
Пред изборите аналитичарите му даваа блага предност на Тајани, пред неговиот сонародник Питела, кој со истакнувањето на својата кандидатура објави крај на „големата коалиција“ меѓу демохристијаните и социјалдемократите во распределбата на челното место во парламентот.
Распределбата на нашите функции се меѓу најтешките одлуки во ЕУ, бидејќи се донесуваат почитувајќи ја политичката, географската и половата рамнотежа, повеќето по преговори меѓу паневропските партиски сојузи и државите членки. Европските челници во 2014 година на функцијата претседател на Европскиот совет го именуваа Доналд Туск, конзервативен поранешен премиер на полскиот премиер, но и италијанската министерка за надворешни работи Федерика Могерини, социјалистка, како висока претставничка за надворешна и безбедносна политика за ЕУ. Истата година за претседател на Европската комисија е избран поранешниот луксембуршки премиер, конзервативец Жан-Клод Јункер, откако EPP освои најмногу мандати во Европскиот парламент./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Кремљ: Ги поддржуваме мировните напори на Трамп, но ги отфрламе гаранциите на ЕУ за Украина
Кремљ на денешниот редовен брифинг за медиумите изјави дека ги смета напорите на САД за постигнување мир во Украина за „многу важни“ и дека тие би можеле да помогнат во решавањето на долготрајниот конфликт. Сепак, портпаролот Дмитриј Песков јасно стави до знаење дека Москва има негативен став кон европските предлози за безбедносни гаранции за Украина.
Песков го повтори долгогодишниот став на Русија дека не треба да има распоредени трупи од земјите-членки на НАТО на украинска територија. На прашањето за можни мировни разговори на високо ниво, тој рече дека ваквите состаноци мора внимателно да се подготвуваат за да бидат ефикасни.
По извештаите дека руските напади во текот на ноќта биле насочени кон украинската енергетска инфраструктура, Песков рече дека Русија ги таргетирала само воените и воено поврзаните цели.
Песков, исто така, објави дека се во тек интензивни подготовки за претстојната посета на рускиот претседател Владимир Путин на Кина.
Путин ќе присуствува на самитот на Шангајската организација за соработка, кој ќе се одржи од 31 август до 1 септември во кинескиот пристанишен град Тјенџин. Според Песков, на самитот ќе учествуваат повеќе од 20 светски лидери.
Потоа, Путин ќе го посети Владивосток, голем руски пристанишен град во близина на кинеската и севернокорејската граница, на 5 септември.
фото: принтскрин
Европа
(Видео) Украинци: Експлодира главниот нафтовод што ја снабдува Москва
Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Европа
(Видео) Министерот за транспорт на Турција се сними себеси како вози со 225 км/ч додека слуша музика: набргу беше казнет
Турскиот министер за транспорт е казнет за пребрзо возење кога објави видео од себе како вози на автопат со народни песни што ечат од неговиот автомобил под хаштагот #TurkeyAccelerates.
Во неделата вечерта министерот Абдулкадир Уралоглу сподели видео на интернет на кое се гледа како вози на автопат во близина на главниот град Анкара слушајќи народни песни и извадоци од говорите на претседателот Реџеп Таип Ердоган.
Во неколку одделни видеа, на кои ненамерно се прикажува брзинометарот, може да се види како тој достигнува брзина помеѓу 190 и 225 км/ч. Ограничувањето на брзината на овој автопат во Турција е 135 км/ч.
Неколку часа подоцна Уралоглу го објави повторно видеото признавајќи дека бил казнет за пречекорување на дозволената брзина пишувајќи дека со споделувањето на видеото, тој го предизвикал тоа.
Türkülerle Ankara-Niğde Otoyolu hatırası… 📹🎶
Yorulduğumuzda Sn. Cumhurbaşkanımızdan ilham alıyor, “Yeterince çalışmadık” diyerek yolumuza devam ediyoruz…#TürkiyeHızlanıyor 🇹🇷 pic.twitter.com/iGToOlTpfD
— Abdulkadir URALOĞLU (@a_uraloglu) August 24, 2025
„Седнав зад воланот за да го проверам автопатот Анкара – Нигде и ненамерно го пречекорив ограничувањето на брзината за кратко време. Всушност, се осудив себеси со видеото“, напиша тој.
Казната, чија копија ја објави, покажуваше дека Уралоглу возел со 225 км/ч и бил казнет со 9.267 турски лири (190 евра).
„Отсега па натаму ќе бидам многу повнимателен. Почитувањето на ограничувањето на брзината е задолжително за сите“, изјави министерот.
(Видео) „Филипче со лаги за економијата во стилот на Заев – не знае чија е јахтата, ама знае дека ќе коалира со ДУИ“, вели Стојаноски
„Денешната прес-конференција на Венко Филипче е најдобар доказ дека СДС е изгубена во сопствените лаги и дека се обидува со...
Сите ученици ќе имаат учебници на почетокот на новата учебна година, и тоа по сите предмети, велат од МОН
Сите ученици ќе имаат учебници на почетокот на новата учебна година и тоа по сите предмети согласно наставните планови во...
МВР со детали за пожарот кај „Зебра“: четири возила зафатени од огнот
Денеска, во 2.05 часот, во СВР Скопје било пријавено дека во Скопје, на територијата на Центар, било опожарено патничко моторно...
(Видео) Филипче: Со ВМРО-ДПМНЕ на власт основните трошоци се зголемени за 4.300 денари, а минималната платата за 1.800 денари
ВМРО-ДПМНЕ за една година ја доведе државата во најголема економска несигурност што сме ја виделе досега, а граѓаните живеат сé...
„Кандидатурата на Мециновиќ за Скопје е договор на партијата Левица да им помогне на СДС и ДУИ“, велат од ВМРО-ДПМНЕ
„Јасно е дека кандидатурата на Амар Мециновиќ е дил на Левица за помош на ДУИ и СДС, со математика Орце...
Убиство во Кавадарци, тројца уапсени
Денеска во 04:56 часот во ОВР Кавадарци било пријавено дека на заден влез од казино на улицата „Никола Минчев“ во...
Муцунски за „Политико“: Државата не е подготвена за уставните измени што ги бара Бугарија без цврсти гаранции од ЕУ дека тоа ќе биде последното такво барање
Во рамки на работната посета на Брисел, министерот за надворешни работи и надворешна трговија, Тимчо Муцунски, даде интервју за политичкиот...
Макрон до Нетанјаху: Обвинувањата за антисемитизам се навреда за Франција
Францускиот претседател Емануел Макрон испрати писмо до израелскиот премиер Бенјамин Нетанјаху во кое остро реагираше на неговите обвинувања дека Париз...
Пожар кај „Зебра“, огнот зафатил возило
Пожар избувнал ноќеска во главниот град во близина на трговскиот центар Зебра. Според последните информации огнот се проширил и зафатил...
Премиерот на Канада: Путин се плаши да се сретне со Зеленски
Рускиот претседател Владимир Путин се плаши да се сретне со украинскиот претседател Володимир Зеленски за да разговара за условите за...
Зеленски: Од украинска страна сè ќе биде што е можно поподготвено за да се стави крај на војната
Украинскиот претседател Володимир Зеленски објави дека во текот на оваа недела претставниците на таа земја ќе имаат повеќе меѓународни контакти,...
Трамп: Нема да има светска војна, но ќе има економска
Претседателот на САД, Доналд Трамп, изјави дека е подготвен да воведе економски санкции врз Русија доколку рускиот претседател Владимир Путин...
Министерството за одбрана реагира на соопштението на СДСМ: Лицемерно, со манипулација на факти и со целосно извртување на вистината
„Лицемерно, со манипулација на факти и со целосно извртување на вистината – така се карактеризира соопштението од политичката партија СДСМ...
Откриено е што САД ѝ нудат на Русија: „Сакаа да објават ударна вест веднаш по Алјаска“
Американски и руски владини претставници разговараа за неколку енергетски договори на маргините на мировните преговори за Украина што се одржаа...
(Видео) Боинг со 250 патници принудно слета во Русија, имаше дефект на моторот
Авион на „Ер Чајна“ што леташе од лондонски Хитроу до Пекинг утрово изврши непланирано слетување во Русија по дефект на...
Влада: Се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка
„По средбата на високо ниво меѓу вицепремиерот и министер за транспорт Александар Николоски и вицепремиерот и министер за транспорт на...
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ
„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува...
„Народот денес е побогат од времето на СДС, единствена разлика е што нема милиони за Филипче и Заев од државниот буџет“, реагира ВМРО-ДПМНЕ
„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше...
Кривична пријава за градоначалникот на Делчево: вработил лице што исполнувало услови за пензија
Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради...
Алиу: Очекувам објективни резултати од анализата на кардиолошките и на кардиоваскуларните интервенции
Министерот за здравство Азир Алиу утрово одржа состанок со интерната комисија задолжена за изготвување прелиминарна анализа на кардиолошките и на...
