Европа
Франсоа Фијон успеа да ѝ ја наметне својата кандидатура на десницата
Политичкиот комитет на најголемата опозициска партија, конзервативната Републиканци, едногласно во понеделникот ја потврди поддршката за кандидатурата на победникот на партиските предизбори ланскиот ноември, поранешниот премиер Франсоа Фијон, и покрај партиските повици да се повлече откако претходно фаворитот за пролетните претседателски избори почна да заостанува во анкетите по избивањето на аферата со наводните лажни вработувања на неговото семејство, за што најверојатно ќе се појави пред суд.
„Франсоа Фијон потврди дека има намера да се кандидира, политичкиот комитет по широката размена на мислењата едногласно ја обнови поддршката за него“, изјави претседателот на францускиот Сенат (горниот дом на парламентот), Жерар Ларше.
Според него, Фијон ќе излезе со голем број иницијативи во насока на обединување на десницата и центарот, а главниот орган на партијата од своја страна, исто така, ја преземала обврската да направи сé што е неопходно.
„Републиканците се целосно решителни и обединети околу Франсоа Фијон“, заклучи Ларше, по седницата на која требаше да се оцени ситуацијата на изборната кампања која судската закана ја парализираше со опасност од подигнување обвинение против кандидатот.
Така по неколкуте обиди да се повлече од кампањата, во позла на исто така поранешниот премиер Ален Жипе кого уверливо го порази на предизборите и оцените дека неговата одбрана којашто се темели на тврдења за заговор и политички атентат само довела до ќорсокак, Фијон, сепак, ги убеди своите сопартијци дека нема друг избор освен неговата кандидатура..
Фијон, кој во саботата наполни 63 години, пак, ги повика „сите мажи и жени со добра волја да се обединат“ околу него.
„Загубивме премногу време во празни дебати, оставајќи простор на крајната десница и на кандидатите од левицата задоволно да ги тријат рацете гледајќи ја нашата разединетост“, се вели во писмената изјава на Фијон, алудирјаќи меѓу другото и на тоа што претходно 260 парпаментарци ја откажа поддршката за него.
Според последните анкети, Фијон кој по првата седмица од скандалот ја врати предноста на втората позиција, би можел да испадне во првиот круг на 23-ти април, а во вториот круг на 7-ми мај да влезат кандидатката на крајната десница Марин Лепен и независниот кандидат на центристите и на левицата, премиерот Емануел Макрон кој за кандидатурата си поднесе оставка од владата на социјалистичкиот претседател Франсоа Оланд.
До последните мигови, блиските соработници на поранешниот претседател Николас Саркози, во чијашто влада беше премиер, се обидува на сите начини да го убедат Франсоа Фијон „да ја преземе одговорноста и самиот да го избере наследникот“ во претседателската трка.
Меѓутоа, сите напори и притисоци останаа попусти. Охрабрен од големиот народен собир во неделата крај Ајфеловата кула во Париз, на кој по многу лошо време и силен дожд според процените на медиумите се собрале повеќе десетици негови приврзаници, Фијон пред челниците на партијата повторил дека неговата кандидатура е „единствено легитимна“.
„Досега никогаш во Петтата Република претседателските избори не биле толку комплицирани, со левицата која го загуби компасот, крајната десница којашто го јакне антиевропскиот фанатизам и сé поголемата популарност на Емануел Макрон, и покрај неговата политичка незрелост и слабостите во неговата програма“, анализираше во понеделникот поранешниот премиер и шеф на дипломатијата Ален Жипе, кој во ноември 2016 година беше поразен од Фијон на предизборите на кои гласаа приврзаниците на десницата и конзервативците.
Претседателот на заминување, социјалистот Франсоа Оланд, кој има историски најнизок процент на доверба, во понеделникот го прекина молкот и предупреди на „заканата“ од победа на Марин Лепен.
„Моја ултимативна должност е да се осигури Франција да не добие таква програма и Франција да не носи таква тешка одговорност“, рече Оланд во симултаното интервју за повеќе европски дневни весници, сметајќи дека победата на Марин Лепен претставува ризик.
„Мораме да излеземе од таа стратегија на сеење страв“, возврати кусо Лепен./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија очекува да се договори за датум за третата рунда мировни преговори со Украина
Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона
Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари
Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата
Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни...
(Видео) Студентите на протестот во Белград ќе развеат знаме „какво што не се очекува“
Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва...
Плоштадот Славија во Белград се преполни, реки луѓе доаѓаат од сите страни на видовденски протест
Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки...
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија
И покрај забраната на Владата на Виктор Орбан, огромен број луѓе денес почнаа да се собираат во главниот град на...
Скенирањето сметки на апликацијата „МојДДВ“ е со прекини, УЈП извести за технички проблеми
Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на...
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите
Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на...
Пијан Турчин приведен во Охрид, со нож влегол во угостителски објект
Охрдиската полиција приведе пијан Турчин. Викал и непристојно се однесувал на улица, а потоа влегол во угостителски објект каде што...
Муцунски: Одлуките донесени во Хаг без водството на Трамп и САД, немаше да бидат можни
Министерот за надворешни работи и надворешна трговија, Тимчо Муцунски, на маргините на НАТО Самитот во Хаг, имаше интервју со етаблираниот...
Разбојништво во фризерски салон во Битола: му го зел прометот на фирзерот и му се заканил дека ќе го испрска со солзавец
Основното јавно обвинителство Битола донесе наредба за спроведување истражна постапка против 22-годишен битолчанец осомничен за кривично дело – разбојничка кражба...
Герасимовски повикува на концерт, ВМРО-ДПМНЕ му ги брои нереализираните проекти: Центар не доби парк и административна зграда кај ПУИК
Откако утрово градоначалникот на Општина Центар, Горан Герасимовски ги повика скопјани на концерт со Александар Тарабунов вечерва, ВМРО-ДПМНЕ во соопштение...
„Ве чекам во 20 часот, на плочникот кај Градски ѕид“, Герасимовски повика на концерт
Градоначалникот на Општина Центар, Горан Герасимовски, ги повика сите скопјани, вечерва да бидат дел од културната манифестација „Центарска симфонија“ што...
Голем видовденски протест вечерва во Белград, студентите се огласија за ненадлежни за она што ќе се случува по 21 часот
Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18...
Три реформски закони за администрацијата ја поминаа првата фаза
Собранието даде поддршка на предлог законот за вработените во јавниот сектор, предлог на законот за административни службеници и на предлог...
Арсовска: Внукот на градоначалникот на Студеничани градел објект кога имал 5 години, а го легализирал на 6
Градоначалничката на Град Скопје, Данела Арсовска, иронично објави дека внукот на Азем Садики, градоначалникот од Студеничани, на 5 години изградил објект,...
Муцунски: Од позиција на климање со глава, се вративме на патот на самопочит и влијание
Во Министерството за надворешни работи и надворешна трговија се одржа прес-конференција по повод една година од мандатот на Владата. Во...
Ризик од појавa на пожари поради високите температури: МЗШВ апелира на претпазливост
Министерство за земјоделство, шумарство и водостопанство ги повикува граѓаните на посебна претпазливост со цел спречување на појава на пожари на...
Ранливите потрошувачи и натаму незаштитени: итни мерки барат Инжинерите на Македонија
Додека Владата и Министерството за енергетика се фалат со новиот Закон за енергетика, илјадници граѓани остануваат без никаква реална заштита...
Се очекува Македонија годинава да ја посетат 1,5 милиони туристи, најбројни се гостите од Турција
Македонија веќе бележи двоцифрен годишен пораст во бројот на странски посетители, најновите податоци покажуваат 21.6 % раст во првата половина од...
Казни и до 2.000 евра: МВР со потсетување на целосната забрана за движење во шумите
Министерството за внатрешни работи ги известува граѓаните дека согласно насоките на Владата по барање од корисниците на шумите – ЈП...
Ја давел, ја влечел по подот и ја удирал: обвинение за семејно насилство во Бутел
Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при...
