Европа
Француските конзервативци ќе предложат нов кандидат, Фијон ќе ѝ се обрати на јавноста

Француските конзервативни водечки политичари ќе предложат алтернатива за контроверзниот поранешен премиер Франсо Фијон, соопшти во неделата извор од партијата Републиканци, сугерирајќи дека тоа би можел да биде Ален Жипе, додека Фијон во текот на вечерта ќе се појави на телевизија откако претходно го откажа настапот на радио каде што требаше да зборува за својата кандидатура.
„Во текот на следните неколку часови ќе предложиме алтернатива. Најдобар избор е личноста којашто беше втора на партиските предизбори, Ален Жипе“, рекол Кристијан Есртози, поранешен близок сојузник на поранешниот претседател Николас Саркози во чијашто влада премиер беше Франсоа Фијон.
Агенцијата AFP објави дека уште во саботата вечерта поранешниот премиер Ален Жипе и поранешниот претседател Николас Саркози разговарале за можното излезно решение од кризната ситуација со кандидатурата на Франсоа Фијон. За агенцијата извори блиски на Саркози само ја потврдиле средбата на двајцата конзервативни лидери.
Ветеран меѓу конзервативните челници, 71-годишниот Ален Жипе, поранешен шеф на француската дипломатија, имаше обид да се кандидира на претседателските избори во 2012 година, но тогаш беше условено доколку се повлече дотогашниот шеф на Републиката и на тогашната партија UMP, Николас Саркози.
Сегашен градоначалник на Бордо и поранешен премиер во владата на претседателот Жак Ширак кој загуби во вториот круг од партиските предизбори во кој директно се соочи со Фијон, Жипе изјави дека ваквата варијанта ќе ја земе предвид само доколку Фијон самиот се повлече, а партијата му даде едногласна поддршка.
Телевизијата France 2 најави дека Фијон ќе се појави во вечерните часови. „Сака да им се обрати на Французите“, изјави за Reuters функционер од неговиот изборен штаб. Томас Сото, водител на радиото Europe 1 претходно во неделата на Twitter објави дека поранешниот премиер го откажал гостувањето во програмата.
Фијон, кој во саботата наполни 63 години, важеше за фаворит до крајот на јануари кога започна истрагата за неговата наводна злоупотреба на средства на даночните обврзници и објавите на весникот Le Canard Enchaine дека на својата сопруга Пенелопа ѝ исплатил 500.000 евра за работа којашто не ја вршела, обвинувања коишто тој ги отфрли.
Во четвртокот вечерта полицијата изврши претрес на неговиот дом во Париз, а најверојатно ќе биде обвинет во афера за фиктивни вработувања и трошење буџетски средства, поради што неговата кампања влезе во сериозна криза.
Меѓутоа, пред предизборниот собир во неделата во Париз, Фијонт не ја загуби самодовербата. „Ќе ја покажеме моќта на волјата на народот. Бидете цврсти! Франција ја заслужува нашата храброст“, напиша Фијон на Twitter.
Во Париз подоцна попладнето во недела ќе се одржи собир на неговите приврзаници, а успехот или неуспехот на собирот ќе покаже каков е неговиот капацитет да ја мобилизира поддршката на гласачите. Многу политички аналитичари сметаат дека парискиот собир кој ќе се одржи во близина на Ајфеловата кула е последната проверка а популарноста на Фијон.
Весникот Le Journal du Dimanche ги објави резултатите од најновата анкета според коишто повеќе од две третини од француските гласачи сакаат Фијон да ја повлече претседателската кандидатура./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Русија го нападна Харков со дронови четврти пат за една недела, четири лица загинаа

Русија лансира серија беспилотни летала во нападот на Украина во текот на ноќта, при што загинаа најмалку четири лица, а беа ранети 35 во североисточниот град Харков, соопштија регионалните власти.
Во четвртиот ваков напад врз градот оваа недела руски беспилотни летала погодија станбени области оштетувајќи неколку високи згради и предизвикаа повеќе пожари.
Спасувачките екипи цела ноќ ги пребаруваа урнатините барајќи преживеани.
Overnight, Putin’s forces attacked Kharkiv with deadly drones. At least four civilians were killed and more than 30 injured. The target of the strike was a residential building.
A massive fire broke out at the scene, covering an area of over 600 square metres. pic.twitter.com/7q0DnIBQJB
— KyivPost (@KyivPost) April 4, 2025
„Од утрово, за жал, веќе има четворица мртви. Телото на уште едно лице ,кое беше убиено од рускиот агресор (беше извлечено) од урнатините“, рече градоначалникот Ихор Тереков на апликацијата „Телеграм“. „Имаме и 35 ранети“.
Канцеларијата на главниот обвинител соопшти дека обвинителите работат на идентификување на убиените. Во соопштението беше наведено и дека меѓу повредените во нападите со дронови има и три деца.
Украинските единици за воздушна одбрана и мобилните групи за лов на беспилотни летала соборија 42 од 78 руски беспилотни летала во текот на ноќта низ Украина, соопшти военото воздухопловство.
Минатата недела Харков беше цел на напади со руски беспилотни летала речиси секоја вечер. Градските индустриски компании и инфраструктурата беа оштетени во претходните напади, соопштија властите.
Европа
НАТО: Ова се вистинските загуби на Русите во Украина, ситуацијата е многу тешка

Русија претрпе околу 900.000 жртви откако ја започна својата инвазија на Украина пред повеќе од три години, изјави во четвртокот висок претставник на НАТО. Според податоците на НАТО, до 250.000 војници загинале во конфликтот што избувна на 24 февруари 2022 година.
Украина се брани од руска инвазија со широка поддршка на нејзините западни сојузници. Откако киевските сили успеаја да ја вратат контролата врз дел од територијата што првично ја зазеде Русија, двете страни се најдоа во повеќемесечна војна на исцрпување, при што Русите постепено остваруваа територијални придобивки.
Според оценката на НАТО, „ситуацијата на бојното поле е сè уште многу тешка“.
– Иако не очекуваме голем пробив на украинските одбранбени линии во следните неколку месеци, дури и ако Москва продолжи да напредува, веруваме дека Русија ќе продолжи да го зголемува притисокот долж линијата на фронтот и врз Украина воопшто – рече функционерот на маргините на состанокот на министрите за надворешни работи на земјите членки на НАТО во Брисел.
Укажувајќи на неодамнешните територијални придобивки на руските сили во источна Украина, вклучително и Торецк и во близина на Покровск, официјалниот претставник рече дека Русија ја продолжува својата стратегија за „големи загуби во замена за бавни придобивки“.
Русија претрпе 35.140 жртви само во февруари, според официјални лица. Во меѓувреме, украинскиот претседател Володимир Зеленски изјави дека го смета минатогодишниот ненадеен упад на непријателска територија за успешен и покрај општото повлекување на неговите војници од рускиот регион Курск.
Киев одлучи да ја донесе војната во Русија со започнување на сопствена ограничена инвазија во август.
– Целосно е фер војната да се врати таму од каде што дојде – рече Зеленски во видео обраќањето.
Европа
(Видео) Зеленски: Успехот во Курск ги спаси регионите Суми и Харков

Успехот на операцијата Курск спаси многу животи и ги заштити украинските региони Суми и Харков, рече украинскиот претседател Володимир Зеленски за време на состанокот со војниците на 36-та одвоена поморска бригада, именувана по контраадмиралот Михаил Билински, и 82-та одвоената воздушна јуришна бригада, кои учествуваат во Курск, пренесе УНН.
Според украинските медиуми, Зеленски ги сослушал извештаите за напредокот на борбените операции во одбранбената зона, а особено за тактиката на севернокорејските единици вклучени во конфликтот. Со командантите разговараше и за обуката на војниците, развојот на системи за беспилотни летала, употребата на беспилотни летала со оптички влакна и соработката во рамките на проектот Линија на дроновите.
Our warriors, our defense.
I was briefed on the course of the Kursk operation – our active operations in designated areas on enemy territory.
We continue to defend the Sumy and Kharkiv regions by destroying the occupiers on the approaches to our land.
I’m grateful to all the… pic.twitter.com/xxYcYZSkzs
— Volodymyr Zelenskyy / Володимир Зеленський (@ZelenskyyUa) April 3, 2025
Зеленски истакна дека му претставува чест лично да им се заблагодари на војниците и да им додели државни награди. „Цела Украина е благодарна за вашата храброст и издржливост“, додаде претседателот.