Европа
Чешкото МВР сака да им дозволи на граѓаните да „убиваат терористи“

Чешкото министерство за внатрешни работи предложило измени на Уставот со кои граѓаните би добиле право да носат оружје и да „убиваат тероритсти“, пренесуваат чешките медиуми.
„Во време кога се изведуваат напади во Европа имаме впечаток дека Уставот на граѓаните треба да им даде поголемо право да се бранат, со легално добиено оружје“, изјавил чешкиот министер за внатрешни работи, Милан Хованец.
Чешка не се согласува на настојувањата на Европската унија да ги ограничи легалните можности за поседување на некој вид огнено оружје, додека чешкото МВР поднело предлог измена на уставниот закон со кој Чесите кои поседуваат оружје би можеле самоиницијативно да го употребат.
Како што се наведува во предлог измените на законот, побарано е одобрување за наоружување поради „одбрана на Чешка“, за да се спречат терористички напади како оние во Париз, Ница или Берлин.
Право да пукаат на терористи во случај на напад дури и кога тие самите не се загрозени, би добиле само чешките државјани и тоа исклучително на територијата на Чешка, и ова не би се однесувале ниту на граѓаните на ЕУ кои претстојуваат во земјата, предложува чешкото министерство.
„Во случај на напад на т.н. меки цели, можноста на државните органи ефикасно и брзо да го спречат бројот на жртви е ограничена. Затоа сакаме да дозволиме одбранбен напад и да им овозможиме на луѓето легално да поседуваат оружје. Нема сомневање дека терористичкиот напад има помалку шанси да биде успешно завршен во случај кога ќе соочи со активна, благовремена одбрана, дури и кога ќе биде извршена од страна на цивили“, се наведува во образложувањето на измените во законот.
„Нема кај нас да биде како во Америка, односно секој кој што сака оружје да се регистрира, да почека и да го добие. Таков модел сигурно нема да воведеме. Контролата за дозвола на оружје ќе биде уште построга отколку што е сега“, рекол Хованец.
Според статистиката на чешкото МВР, во декември минатата година дозвола за носење на оружје имале 300 илјади лица, од кои скоро 240 илјади Чеси имаат дозвола од категорија „Е“ – за заштита на животот, здравјето и имотот, а во земјата се регистрирани скоро 800 илјади парчиња оружје во сите категории кои подлежат на режимот на издавање дозволи./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Ги поддржуваме мировните напори на Трамп, но ги отфрламе гаранциите на ЕУ за Украина

Кремљ на денешниот редовен брифинг за медиумите изјави дека ги смета напорите на САД за постигнување мир во Украина за „многу важни“ и дека тие би можеле да помогнат во решавањето на долготрајниот конфликт. Сепак, портпаролот Дмитриј Песков јасно стави до знаење дека Москва има негативен став кон европските предлози за безбедносни гаранции за Украина.
Песков го повтори долгогодишниот став на Русија дека не треба да има распоредени трупи од земјите-членки на НАТО на украинска територија. На прашањето за можни мировни разговори на високо ниво, тој рече дека ваквите состаноци мора внимателно да се подготвуваат за да бидат ефикасни.
По извештаите дека руските напади во текот на ноќта биле насочени кон украинската енергетска инфраструктура, Песков рече дека Русија ги таргетирала само воените и воено поврзаните цели.
Песков, исто така, објави дека се во тек интензивни подготовки за претстојната посета на рускиот претседател Владимир Путин на Кина.
Путин ќе присуствува на самитот на Шангајската организација за соработка, кој ќе се одржи од 31 август до 1 септември во кинескиот пристанишен град Тјенџин. Според Песков, на самитот ќе учествуваат повеќе од 20 светски лидери.
Потоа, Путин ќе го посети Владивосток, голем руски пристанишен град во близина на кинеската и севернокорејската граница, на 5 септември.
фото: принтскрин
Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Европа
(Видео) Министерот за транспорт на Турција се сними себеси како вози со 225 км/ч додека слуша музика: набргу беше казнет

Турскиот министер за транспорт е казнет за пребрзо возење кога објави видео од себе како вози на автопат со народни песни што ечат од неговиот автомобил под хаштагот #TurkeyAccelerates.
Во неделата вечерта министерот Абдулкадир Уралоглу сподели видео на интернет на кое се гледа како вози на автопат во близина на главниот град Анкара слушајќи народни песни и извадоци од говорите на претседателот Реџеп Таип Ердоган.
Во неколку одделни видеа, на кои ненамерно се прикажува брзинометарот, може да се види како тој достигнува брзина помеѓу 190 и 225 км/ч. Ограничувањето на брзината на овој автопат во Турција е 135 км/ч.
Неколку часа подоцна Уралоглу го објави повторно видеото признавајќи дека бил казнет за пречекорување на дозволената брзина пишувајќи дека со споделувањето на видеото, тој го предизвикал тоа.
Türkülerle Ankara-Niğde Otoyolu hatırası… 📹🎶
Yorulduğumuzda Sn. Cumhurbaşkanımızdan ilham alıyor, “Yeterince çalışmadık” diyerek yolumuza devam ediyoruz…#TürkiyeHızlanıyor 🇹🇷 pic.twitter.com/iGToOlTpfD
— Abdulkadir URALOĞLU (@a_uraloglu) August 24, 2025
„Седнав зад воланот за да го проверам автопатот Анкара – Нигде и ненамерно го пречекорив ограничувањето на брзината за кратко време. Всушност, се осудив себеси со видеото“, напиша тој.
Казната, чија копија ја објави, покажуваше дека Уралоглу возел со 225 км/ч и бил казнет со 9.267 турски лири (190 евра).
„Отсега па натаму ќе бидам многу повнимателен. Почитувањето на ограничувањето на брзината е задолжително за сите“, изјави министерот.