Европа
Швеѓаните во страв од нови терористички напади: „Постојано гледам зад мене“

Надвор од националниот стадион на Шведска два фудбалски дреса со рамка стојат под знамето на половина копје во знак на сеќавање на двајцата навивачи што беа убиени од терорист во Брисел во понеделникот вечерта и како потсетник до минувачите да внимаваат на можни нови напади, пишува „Политико“.
„Се надевам дека ова е последен пат да се случи вакво нешто, но јас продолжувам да гледам зад мене“, рече Кент Аберг, 62-годишен работник на аеродромот, кој дојде да му оддаде почит.
„Ние сме на врвот на листата во однос на западните земји за кои се верува дека водат војна против исламот и се идентификувани како приоритетни цели. Терористичките организации се фокусираат на Шведска, првенствено ИСИС и Ал каеда, и ги охрабруваат поддржувачите да ги нападнат Шведска и нејзините интереси во странство наведувајќи ги јавните места како приоритетни цели, вклучувајќи фудбалски стадиони и концерти“, изјави за националното радио Магнус Рансторп, истражувач за тероризам на Шведскиот универзитет за одбрана.
Во центарот на Стокхолм во четвртокот имаше значително повидливо полициско присуство околу парламентот и други важни локации вклучувајќи ја и кралската палата. Во август, по последното палење на Куранот, шведската безбедносна служба Säpo го зголеми нивото на закана од тероризам од 3 на 4 на скалата од 5 додавајќи дека верува оти Шведска сега е „приоритетна“ цел за исламистичките терористи, наместо само „легитимна“ цел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Голем пожар во Шпанија, евакуирани 1.000 луѓе

Вчера во Мадрид беа евакуирани повеќе од илјада луѓе поради шумски пожари во северозападна Шпанија, кои дополнително беа интензивирани од високите температури и силните ветрови, објавија властите.
Околу 400 луѓе беа раселени во и околу градот Каруседо, а уште 700 од неколку градови во близина на местото Лас Медулас, древен римски рудник за злато познат по своите спектакуларни црвени карпи и место на светското наследство на УНЕСКО.
Според шефот на регионалната влада, Алфонсо Мануека, неколку од овие пожари се предизвикани од криминални активности. „Ќе бидеме немилосрдни против сторителите на овие напади врз животот и безбедноста на луѓето, како и врз нашето историско и природно наследство“, напиша тој на Икс.
Шумски пожари ги погодија и регионите Галиција (северозапад) и Навара (север). Шпанија е на удар на топлотен бран кој влегува во својата втора недела, со температури кои достигнуваат речиси 40°C во многу региони, а се очекува топлотниот бран да трае најмалку до четврток. Цивилната заштита издаде предупредување за шумски пожари низ целата земја, со висок до екстремен ризик.
фото: принтскрин
Европа
(Фото+видео) Опасна бура во Словенија: паѓаше град со големина на јајце, издадено портокалово предупредување

Словенија е погодена од силни бури придружени со силни налети на ветер, поројни дождови и град.
Сообраќајот во земјата е забавен, а Агенцијата за заштита на животната средина издаде портокалово предупредување за целата територија.
Од агенцијата посочуваат дека поради дождот може да дојде до задржување на вода и зголемување на реките.
На објавите на социјалните мрежи се гледа дека паѓал град со големина на јајце.
Според објавите и коментарите, најлошото било околу Шемпетер во долината Савиња.
Како што јавува ТВ Словенија, во текот на вечерта бурата постепено ќе ослабне , најдоцна на истокот од земјата.
Бура пристигнува и во Хрватска
Силна бурна ќелија, која пристигна преку брегот од Италија, се движи кон внатрешноста на Хрватска, придружена со врнежи од дожд, силни налети на ветер и локален град.
Водна пијавица е снимена над морето во близина на Умаг. Се очекува активноста на бурата дополнително да се интензивира во наредните часови.
Управата за заштита на животната средина издаде портокалова тревога за регионите Риека, Карловац и Загреб поради локално можни грмотевици со привремено силни до бурони ветрови, а можна е и појава на град.
Европа
Колона долга околу 700 километри забележана на автопат во Франција

Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија