Европа
Штајнмаер за Авганистан: Трагедија за која и ние сме одговорни
Германскиот претседател, Франк-Валтер Штајнмаер, оценува дека фактот што талибанците ја презеле власта во Авганистан е „политичка пресвртница што ќе го промени светот“. Германија, вели тој, е исто така одговорна за човечката трагедија.
Фактот дека талибанците ја презедоа власта во Авганистан ќе има долгорочни глобални политички последици, проценува претседателот на Германија.
„Овие денови доживуваме човечка трагедија за која ја делиме одговорноста и политичка пресвртница што ќе нè потресе и ќе го промени светот“, рече Франк-Валтер Штајнмаер во Берлин. Германија, вели тој, сега мора да стори сé што е можно за да ги доведе на сигурно своите сонародници и Авганистанци, кои им помагале со години.
Брзиот колапс на авганистанската влада и нејзините вооружени сили, како и фактот дека Талибанците ја преземаа власта без отпор, фрлија долга сенка, оцени претседателот.
„Неуспехот на нашите долгогодишни напори да изградиме стабилна и одржлива заедница во Авганистан, поставува основни прашања за минатото и иднината на нашата надворешна политика и воен ангажман“, рече Штајнмаер.
„Се отвораат ‘горчливи прашања’, на кои треба да се одговори искрено и темелно. И тие одговори мора да се бараат заедно во НАТО. Затоа што без тој сојуз и солидарност немаше да одиме во Авганистан пред 20 години“, потсети германскиот претседател.
Владата во Берлин, пак, ја прекина помошта за развој на Авганистан, изјави надлежниот министер Герд Милер. Сите германски и странски претставници на Германското друштво за меѓународна соработка (ГИЗ), кое е одговорно за развојната помош, безбедно го напуштија Авганистан.
Таа земја досега беше најголем примател на германска развојна помош, а само оваа година требаше да бидат исплатени 250 милиони евра. Од таа сума, досега ништо не е платено на Авганистан, пишуваат германските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Норвешка вели дека признавањето на Палестина е важен ден; Израел: Одлуката е награда за акциите на Хамас
Норвешка, една од трите европски земји што денеска официјално ја признаа Палестина, го поздрави „важниот ден“ и изрази жалење поради очигледниот недостиг на Израел од „конструктивен ангажман“.
„Повеќе од 30 години Норвешка е еден од најверните застапници на постоењето палестинска држава“, изјави шефот на норвешката дипломатија, Еспен Барт Еиде.
„Денот кога Норвешка официјално ја признава Палестина како држава е важен ден за норвешко-палестинските односи“, додаде тој.
Како дел од иницијативата координирана со Шпанија и Ирска, оваа нордиска земја минатата среда објави дека во вторник ќе ја признае државата Палестина.
Оваа одлука го налути Израел, кој ја смета за „награда“ за акциите на палестинското исламистичко движење Хамас во екот на војната во Појасот Газа.
Шефот на израелската дипломатија, Израел Кац, веднаш најави консултации со израелските амбасадори во овие три земји и ги покани на разговор нивните амбасадори во Израел.
Европа
(Видео) Руски ветерани од Украина се степаа на улица, во тепачката учествувале и припадници на „Вагнер“, пренесуваат локалните медиуми
Руските власти поведоа кривична истрага за масовна улична тепачка и пукање во градот Чељабинск за време на викендот, во која наводно биле вклучени воени ветерани од Украина.
На видеото од тепачката објавено од локалните медиуми се гледа како група мажи со тап предмет тепаат маж што лежел со лицето надолу кон земјата. Некои од мажите носеле маски.
Неколку моменти подоцна група мажи облечени во црно пристигнале со два автомобила и почнале да пукаат кон првата група мажи, кои потоа побегнале од областа.
Russia: Wagner mercenaries got into a mass brawl with local bandits in Chelyabinsk and were winning. Then bandit reinforcements arrived and shot up the mercenaries.
These Wagnerites have now called up their Wagner brethren to come down on the city and destroy the bandits. 🍿 pic.twitter.com/UAbYM9kSQO— Igor Sushko (@igorsushko) May 26, 2024
Официјални лица изјавија дека сите инволвирани во конфронтацијата биле уапсени откога тепачката избувнала во саботата попладне. Не се знае колку лица се приведени. Неофицијални извори тврдат дека се уапсени тројца мажи, меѓу кои и едно малолетно лице.
Некои извештаи сугерираат дека уличната тепачка можеби избувнала поради љубовен триаголник, врска меѓу жена, војник и ветеран од платеничката група „Вагнер“.
Меѓутоа, според извештаите на локалните медиуми, тепачката избувнала кога борецот на „Вагнер“ и неговата девојка наводно биле нападнати од непозната група мажи.
Платеничката единица „Вагнер“ одигра клучна улога во руската инвазија на Украина пред нејзиниот краткотраен бунт и смртта на нејзиниот основач Евгениј Пригожин минатото лето.
Европа
Борел: Украина има право да возврати со напади врз цели во Русија
Според законот за војна, Украина може да одговори на руските напади со контра удари на руска територија, но неопходно е да се најде баланс меѓу ескалацијата на конфликтот и правото на одбрана, изјави високиот претставник на ЕУ за надворешна и безбедносна политика, Жозеп Борел.
„Тоа е сосема можно според законот на војната, нема противречност, можете да возвратите или да се борите против оној што ќе ве нападне од вашата територија“, рече Борел пред почетокот на состанокот на министрите за одбрана на земјите членки на ЕУ.
На состанокот ќе се разговара за тоа откако генералниот секретар на НАТО, Јенс Столтенберг, ги повика западните земји да ги преиспитаат ограничувањата што им ги поставија на Украинците дека не смее да го користат своето оружје за напад на цели во Русија. „Прашањето за ризикот од ескалација на конфликтот ќе се постави многу бргу и ќе треба да се најде баланс помеѓу тој ризик и правото и потребата на Украинците да се бранат“, рече Борел.
Столтенберг во понеделникот рече дека „Украина има право да се брани и да напаѓа легитимни воени цели надвор од Украина“. Во вторникот пред состанокот на ЕУ тој рече дека употребата на Украина на оружје испорачано од нејзините западни сојузници против цели во Русија нема да ги направи НАТО и неговите членки страни во конфликтот.