Европа
Јункер: Земјите од западен Балкан треба да имаат ЕУ перспектива но членство нема да има пред 2019
Земјите од западниот Балкан мора да имаат европска перспектива, но не можат да сметаат на членство во Европската унија пред 2019 година, рече меѓу другото претседателот на Европската комисија Жан-Клод Јункер во разговорите во Љубљана со младата генерација Словенци кои му поставуваа прашање за иднината на ЕУ, невработеноста, начинот на одлучувањето во европските тела , па и за тоа кога Унијата ќе дозволи користење марихуана.
На прашањето дали постапката на излегување на Велика Британија од интеграции ќе резултира со „вин-вин“ позиција, односно позитивен исход за двете страни, челникот на Европската комисија, Жан-Клод Јункер рече дека тоа не треба да се очекува, бидејќи Брегзитот е пораз за двете страни.
„Ќе загуби и ЕУ-27, а ќе загуби и Велика Британија“, рече Јанкер, изразувајќи жалење што сега наместо ЕУ да се занимава со позитивни проекти и иднината, „часови и часови“ троши на расправата за истапувањето на една земја членка.
Мислам дека нови излагање од ЕУ нема да има, еден Брегзит е сосема доволен, рече Јункер на прашањето дали треба да се очекува дека уште некоја земја че се реши да го следи британскиот пат.
„Не треба да очекуваме нови напуштања на Европската унија, иако членките на одреден начин на тоа повикува нови американскиот претседател, напротив ЕУ ќе добие нови членки, а и земјите од западен Балкан неопходно треба да ја задржат европските перспективи иако нови членства нема да има пред 2019 година“, реле Јункер.
Балканските земји, според него, имаат потреба од европската перспектива за да ги довршат спроведувањето на меѓусебното помирување.
Кога станува збор за односите со САД и европската унија, Јункер рече дека е важна европската „мека сила“, но дека таа мора да ја јакне својата одбрана, бидејќи не може веќе да се смета на досегашниот американски ангажман,/
Јункер тврди дека досега запознал тројца американски претседатели, дека наскоро ќе го запознае и четвртот, како и дека сите тие се заземале за тоа Европа врз себе да преземе повеќе обврски во поглед на безбедноста и одбраната.
Младите Словенци го прашаа Јункер и за начинот на кој се носат одлуките во ЕУИ, со мислење дека станува збор за предолг и неефикасен процес за кој е потребно премногу време, но Јункер појасни дека брзината на одлучување често зависи од волјата и интересите на земјите членки, што, како што додаде, се покажало и при проблемите врзани за мигрантската криза.
„Доколку амбициите не се големи, како што сега е случајот, тогаш за некои одлуки ни е потребно повеќе време, а многу зависи и од волјата на земјите членки“, изјави челникот на Европската комисија во словенечката престолнина Љубљана,
Така, ЕК своите први предлози како треба да се дејствува заеднички во мигрантската криза ги изнела уште во мај 2015 година, пред големиот миграциски бран, но министрите на земјите членки го потврдиле дури кон крајот на годината, а сето тоа се повторило и кога доцнеше одлуката за заштитата на надворешни граници на ЕУ, за нова бегалска криза однапред да се спречи, објаснуваше Јунакер.
Рече и дека многумина не ги разбираат надлежностите на Европската комисија и на другите институции.
Така, на прашањето кога во ЕУ ќе биде дозволено користење на марихуана, како што тоа го сторија некои сојузни држави во САД за да ги „зашијат дупките во приходите“, Јункер појасни дека тоа не е ниту надлежност, ниту одговорност на ЕК, туку таа и таквите области ги регулираат земјите членки, а истото е и со законите за половата рамноправност, геј браковите и правата на ЛГБТ заедницата.
„Но кога јас бев претседател на владата на Луксембург, тоа подрачје го уредивме и геј заедниците ги имаат сите права“, рече Јункер./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Плановите за погребот на кралот Чарлс се сменија по откривањето на ракот: „Тој е навистина, навистина лошо“
Здравствената состојба на кралот Чарлс постепено се влошува, што ги натера претставниците на Бакингемската палата редовно да го ажурираат планот за неговиот погреб, а тие подготовки почнаа еден ден по погребот на кралицата Елизабета, според упатените, пишува Њујорк пост.
75-годишниот монарх остана во голема мера надвор од очите на јавноста од февруари кога објави дека боледува од рак за да ја скрие својата влошена состојба, а повеќе извори за Дејли Бист велат дека неговата состојба е „не добра“.
„Секако дека е решен да го победи ракот и да направи се во таа смисла. Сите остануваат оптимисти, но тој е навистина многу лошо“, изјави за овој медиум извор кој себеси се опишува како стар пријател на кралското семејство.
Кралот Чарлс никогаш не откри каков вид на рак му е дијагностициран, но призна дека тоа не е рак на простата, кој е еден од најлесно излечивите форми на болеста.
Кралското семејство, исто така, беше воздржана за неговиот медицински проблем, но добро поставените инсајдери и политички коментатори јавно зборуваа за тоа како кралот „многу добро реагира“ на лекувањето.
Но, зад сцената, помошниците на кралот Чарлс редовно прегледуваат копии од стотиците страници на документот што ги содржи плановите за погребот на кралот, наречен „Операција Менаи бриџ“.
„Плановите се извадени од фиока и активно се ажурираат. Не повеќе отколку што би очекувале со оглед на тоа дека на кралот му е дијагностициран рак. Но, тие секако се фокусирани на тоа“, изјави за Дејли Бист поранешен соработник.
Исклучително деталниот документ е создаден ден откако кралицата Елизабета беше погребана на 8 септември 2022 година – и го користи погребот на најдолговековната британска кралица како водич за да се осигура дека сè ќе оди без проблеми.
Воените претставници потврдија за Дејли Бист дека операцијата Менаи Бриџ редовно се ажурира, но истакнаа дека тоа е стандардна процедура и би било „апсурдно да се извлечат какви било заклучоци“ од тоа.
Сите членови на кралското семејство ги ажурираа плановите за нивните погреби кои се категоризирани со кодни зборови поврзани со мостови, при што погребниот план на кралицата Елизабета е познат како „Операција Лондон бриџ“.
„Секако дека го разгледуваат секој аспект од „Менаи бриџ“. Погребот на кралицата помина како што се очекуваше и ја подигна границата високо. Тоа не е емотивна работа, тоа е бизнис, многу сериозна, и разбирливо е дека никој не планира да биде фатен неподготвен“, рече висок функционер вклучен во планирањето на кралските погреби.
Друг официјален претставник додаде дека „планирањето за најлошите сценарија е она што го прави Армијата… Мора да го имате на ум обемот на оваа работа. Армиската дивизија, под команда на генерал-мајор Џејмс Баудер – тоа се седум гардиски полкови. Потоа ја имате целата област во Лондон, Територијалните армиски полкови и Кралската артилерија. Тоа е пред да стигнете до морнарицата или воздухопловните сили. Чарлс е тесно поврзан со Падобранскиот полк низ годините, па тие ќе бидат вклучени.
„Тоа е само церемонијален крај“, продолжи тој. „Тогаш ви треба огромна безбедносна операција бидејќи секој многу важен поединец на планетата присуствува на погребот. Зборуваме за сè, од противракетна одбрана до обезбедување од индивидуален напад.
„Целата работа од блесок до експлозија трае помалку од две недели, што значи дека секој аспект треба темелно да се испланира однапред. Сериозното планирање за погребот на Чарлс започна еден ден откако тие ја погребаа кралицата“.
Официјалните лица на кралот Чарлс не одговорија на барањето за коментар од страна на Page Six или Daily Beast.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.