Украинскиот претседател Виктор Јанукович изјави во неделата дека ќе стори сѐ што е во неговата моќ за да го забрза процесот на приближување на земјата кон Европската унија, пренесуваат медиумите повикувајќи се на соопштение од неговата служба за односи со јавноста, додека пратеници од неговата партија се закануваат со напуштање на владејачката Партија на регионите.

„Ќе сторам сѐ што зависи од мене за да го забрзам процесот на приближувањето на Украина на Европската унија“, изјавил Јанукович по повод 22-одишнината од сеукраинскиот референдум на кој повеќе од 9 отсто од избирачите избраа самостојна и независна Украина со што официјално излезе од составот на поранешниот Советски сојуз.

Јанукович и неговата влада се соочуваат со протестите поради одлуката да ги прекината подготовките за потпишување на спогодба за придружување и слободна трговија со ЕУ. На проевропските демонстранти во Киев им се придружија и највисоките раководствата на полски партии.

„На 1-ви декември 191 година се одржа невидена манифестација на директната власт на народот кој покажа дека демократските промени во земјата се неповратни. Украина направи геополитички избор. Ние сме европски народ и нашиот пат е историски одреден. Истовремено, длабоко сум убеден дека нашата држава треба да се интегрира во европската унија како рамноправен партнер кого ќе го почитуваат“, се наведува во писмената изјава на претседателот Јанукович.

Во меѓувреме, според интернет весникот Украинска правда, пратеникот од владејачката Партија на регионите, Виктор Бондар изјавил во неделата дека во понеделник ќе објави дека ја напушта партијата. „Со многу пратеници разговараме за напуштање на пратеничката група“, рекол Бондар. Аналитичарите претпоставуваат дека овојпат, за разлика од пред девет години, Јанукович ќе биде уриван однатре, во парламентот каде што треба да се создаде мнозинство против него, затоа што протестите на улиците не се сѐ уште масовни.

Во меѓувреме, началникот на полицијата на украинската престолнина Киев, си поднесе оставка, откако владата формирање итна комисија за да го испита евентуалното прекумерна употреба на сила во саботата наутро, при што според некои информации биел повредени околу 35 лица, а беа приведени 31 лице кои по евидентирањето за дела „хулигантство“ и „спречување службени лица во вршење на службата“ набрзо беа ослободени.

Началникот на киевската милиција, Валериј Корјак, претходно изјави дека лично дал наредба за дејство на специјалните единици „Беркут“ на Плоштадот на независноста, пренесе украинската агенција УНН. Како што рекол изворот на агенцијата, Корјак самиот решил да поднесе оставка, иако не е завршена истрагата околу настаните. Министерот за внатрешни работи Виталиј Захарченко, пак, изјавил дека оставката за оставката на Корјак ќе биде разговарано откако ќе заврши официјалната истрага./крај/мф/сн