Велика Британија и Германија се незадоволни од планот на Европската комисија за сузбивањето на злоупотребата на слободата на движењето во европската унија, претставен на состанокот на министрите за внатрешни работи на земјите членки во четвртокот, пишуваат европските медиуми.

Повеќето земји членки на ЕУ се согласија на состанокот дека слободата на движењето на луѓето е едно од темелните начела на Европската унија и основното право на сите европски граѓани коешто треба да се поддржува и да се промовира. Се согласуваат, исто така, дека поединечните случаи на злоупотреба треба да се решаваат во рамките на постојните правни рамки и во соработка со локалните власт.

Земјите од Вишеградската група, Чешка, Унгарија, Полска и Словачка, по тој повод го предупредија советот на Европската унија дека селективната примена на темелните слободи би довела до слабеење на единствениот пазар.

„Правото на слободата на движењето на луѓето е токму тоа, тоа не е право а се пресели во системот на социјалната грижа на другите држави членки“, им рече на министрите европската комесарка за правосудство Вивиен Рединг. Меѓутоа, Рединг предупреди, исто така, на „невтемелените погрешни перцепции“ за злоупотребата на социјалните системи. Европската комисија истакнува дека многу мал број европски државјани ги користат системите за социјална грижа во државите домаќини и дека огромно мнозинство се сели поради вработувањето.

Велика Британија, заедно со Германија, Австрија и Холандија, истакнуваат дека некои европски граѓани им претставуваат финансиски товар, бидејќи ги користат погодностите од социјалните системи на коишто немаат право.

Планот на Европската комисија за сузбивање на таквите злоупотреби се состои од пет елементи, а тие вклучуваат помош во откривањето на бракови договорени поради добивање државјанства, помош во примената на европските правила во областа на социјалното осигурување и слободата на движењето, поголеми средства за Европскиот социјален фонд и подобра соработка на локалните власти.

Меѓутоа, со тоа некои од земјите членки на ЕУ не се задоволни. Германскиот министер за внатрешни работи, Ханс-Петер Фридрих изјави дека тоа „не е доволно за да се реши проблемот“. И Велика Британија е разочарана. „Мораме да можеме да го забавиме правото на целосна слобода на движењето додека не бидеме сигурни дека нема да дојде до нова масовна миграција. Тоа би можело да се стори така што од новите земји членки ќе се бара да постигнат одреден степен приходи“, изјави британската минситерка за миграција Тереза Меј.

За тоа, објаснуваат европски извори, и требало да се променат европските договори или тоа би можело да се регулира во пристапните договор на земјите коишто пристапуваа низ приодните договори. Британските функционери, имено, стравуваат од големиот прили на бугарски и романски работници по 1-ви јануари кога престанува да важи седумгодишното ограничување за пристапот на нивниот пазар на труд. Британскиот премиер Дејвид Камерон минатата седмица предложи на нивите доселеници да им се ограничат некои социјални права./крај/мф/сн