Европа
Арбузов: Украина ‘наскоро' ќе ја потпише спогодба со ЕУ
Украина наскоро ќе ја потпише спогодбата за придружување и слободна трговија со Европската унија, изјави во четвртокот навечер во Брисел првиот потпретседател на украинската влада Сергеј Арбузов на заедничката прес-конференција со еврокомесарот за проширување и соседски политики, Штефан Филе.
Меѓутоа, Арбузов не сакал да го открие датумот или крајниот рок до кој Украина би ја потпишала спогодбата со Европската унија. „Украина наскоро ќе ја потпише спогодбата за асоцијацијата за придружување на ЕУ, земајќи ги превид националните стратешки интереси“, рече Арбузов. Според него Украина „има политичка волја“ за потпишување на договорот.
Неименуван дипломатски извор од Брисел во меѓувреме за РИА Новости изјавил дека, функционерите на Европската унија се надеваат дека договорот за придружување со Украина ќе биде потпишан наредната 2014 година на билатерален состанок на врвот.
Првиот вицепремиер на владата на украинскиот премиер Микола Азаров по разговорот со Штефан Фуле, за медиумите изјави дека со Фуле разговарале за планот за спроведување на договорот чие потпишување украинската влада и претседателот Виктор Јанукович се реши да го суспендира, како што образложи поради тешката економска состојба во земјата, договорот за придружување со ЕУ што беше повод за двонеделните протести на опозицијата којашто бара оставки од него и од владата.
Арбузов во Брисел допатува со делегација на високо ниво, којашто образложува зашто ѝ на Украина ѝ се неопходни повеќе милијарди евра помош од ЕУ во замена за потпишување на договорот со унијата.
Арбузов минатата сабота изјави дека Украина во текот на подготовките за потпишувањето на спогодбата за придружување со Европската унија очекувала да добие Брисел многу поамбициозни заеми од оние коишто на крајот биле договорени. „Нам ни беа понудени (од ЕУ) 610 милиони долари, а според нашите пресметки, на Украина ѝ беше потребно да добие можност за задолжување од најмалку 10 милијарди евра“, изјави Арбузов истакнувајќи дека неколку седмици пред потпишувањето на спогодбата за придружување и слободна трговија меѓу Украина и Европската унија, на самитот Источно партнерство кој кон крајот на ноември се одржа во Вилнус, трговската размена меѓу Украина и Русија се намалила за 25 отсто. Според Арбузов, откако биле разгледани натамошните последици од влошувањето на трговските и економските односи со Русија, владата се убедила дека не е можно самостојно да се справи со ситуацијата и дека пакетот мерки разработен заедно со Европската унија не е доволен за да го поддржи платежниот баланс на земјата.
Еврокомесарот Штефан Фуле вети во четвртокот поголема помош за Киев, како и дека ќе му помогне да договори заем од Меѓународниот монетарен фонд, но не прецизираше бројки. По повеќечасовните разговори со Арбузов, Фуле предупреди дека на Украина ѝ се заканува финансиска криза.
„Треба да ѝ помогнеме на Украина брзо да ја обнови довербата, не само на своите граѓани, туку и на меѓународните инвеститори и кредитори како стабилна и предвидлива економија“, изјави Фуле.
„Тоа е договор за асоцијација, 610 милиони евра се одвоени за Украина како техничка помош. Почнувајќи од 2010 година. Три години по ред оваа бонбона во убаво пакување ни ја покажуваа и ни велеа: можете да ги добиете кога ќе потпишете договор со ММФ. Не сакам да се изразувам грубо, но не смеат така да нé понижуваат. Ние сме сериозна земја, европска“, рече пред Јанукович.
Украинскиот претседател Виктор Јанукович уште пред одржувањето на самитот во Вилнус кога владата ја соопшти одлуката за привремено суспендирање на подготовките за потпишување на спогодбата рече дека ги смета понижувачки условите од Европската унија за доделување на финансиска помош на неговата земја. Јанукович на 26-ти ноември во своето телевизиско обраќање изјави дека условите од финансиската помош од Европската унија се срамотни, како и дека тој за трговскиот договор со ЕУ размислувал дури доколку тој им договара на интересите на Украина.
Јанукович во говорот пренесуван на телевизијата „1+1“ изјави дека ЕУ понудила помош во износ од 610 милиони евра и го поврзала со украинското согласување на нов договор со Меѓународниот монетарен фонд (ММФ) кој поставил неприфатливи услови.
„Тоа е договор за асоцијација, 610 милиони евра се одвоени за Украина како техничка помош. Почнувајќи од 2010 година. Три години по ред оваа бонбона во убаво пакување ни ја покажуваа и ни велеа: можете да ги добиете кога ќе потпишете договор со ММФ. Не сакам да се изразувам грубо, но не смеат така да нé понижуваат. Ние сме сериозна земја, европска“, рече Јанукович.
И премиерот Микола Азаров претходно истиот ден го обвини Меѓународниот монетарен фонд (ММФ) дека, пред потпишувањето на договорот со ЕУ, ги заострил условите за одобрување на кредит. „ММФ не сфаќа во каква економска состојба е Украина. Да не сакавме да го решиме судирот со Русија, би морале да се соочиме со економска катастрофа“, тврди украинскиот премиер.
Украина очекува да ја продолжи соработката со ММФ и во рамките на новата програма да привлече финансии во износ од 15 милијарди американски долари. Рокот на претходната кредитна програма на Фондот за Украина, која започна во 2010 година, истече во декември 2012 година. Според украинската влада, на 20-ти ноември добила писмо во кое ММФ за одобрување на кредитот побарал зголемување на тарифите на природниот гас за населението,замрзнување на платите, намалување на буџетските расходи… Според Јанукович, владата никогаш нема да се согласи со таквите услови од ММФ
На Украина ѝ се неопходни околу 20 милијарди европска помош дека за да може да го потпише договорот за придружување со Европската унија што би ги ограничело последиците од спогодбата врз нејзината економија, изјави претходно во средата премиерот Микола Азаров. Додаде дека неговата влада предлага решение на проблемот за финансиската помош на Украина при што е дефинирана приближната сума на 20 милијарди евра./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Главниот осомничен во случајот со Меди Мекен одбива да разговара со британската полиција
Главниот осомничен за исчезнувањето на Мадлен Мекен, Кристијан Б., одби да разговара со британската полиција пред неговото ослободување од затвор. Германскиот државјанин, познат под својот псевдоним поради законите за приватност, се очекува да биде ослободен во среда по отслужување казна за силување на постара жена во Праја да Луз во 2005 година, објави Скај њуз.
Полицијата се надева на пробив во истрагата
Британските истражители се надеваа дека 49-годишникот конечно ќе може да зборува за исчезнувањето на тригодишното девојче од португалско одморалиште во 2007 година, во клучен развој на долготрајната истрага. Метрополитенската полиција потврди дека му испратила „меѓународен допис со барање“ за разговор, но тој одби.
Мадлен исчезна од својот апартман кратко откако нејзините родители, Кејт и Гери Мекан, ја оставија да спие додека вечерале во блискиот ресторан. И покрај неговото одбивање да соработува, Мет потврди дека Кристијан Б. останува клучен осомничен во нивната истрага, која се спроведува со португалските и германските власти. Самиот Кристијан Б. претходно негираше каква било вмешаност во случајот.
Истрагата продолжува и покрај одбивањето
Главниот детектив, инспекторот Марк Кренвел, виш истражен службеник, рече дека полицијата ќе „продолжи да ги бара сите веродостојни траги“ и покрај неуспехот да разговара со Кристијан Б.
„Тесно соработувавме со нашите колеги од полицијата во Германија и Португалија со години за да го истражиме исчезнувањето на Мадлен Мекан и да го поддржиме семејството на Мадлен во разбирањето што се случило…“, рече Кренвел.
„Побаравме да разговараме со овој осомничен од Германија, но, од правни причини, ова може да се направи само преку меѓународно писмо за барање кое е поднесено. Осомничениот последователно одби. Во отсуство на разговор, сепак ќе продолжиме да ги бараме сите веродостојни траги.“
Со текот на годините, властите спроведоа серија претреси, најновиот во јуни во близина на португалската општина Лагос. Во 2023 година, истражителите ја пребараа областа околу резервоарот Барагем до Араде, на околу 50 километри од Праја да Луз, каде што Кристијан Б престојувал помеѓу 2000 и 2017 година и каде што фотографирал и снимил видеа.
Минатиот октомври, германски суд го ослободи Кристијан Б. од обвиненијата за неповрзани сексуални престапи што наводно се случиле во Португалија помеѓу 2000 и 2017 година. Вкупните трошоци за истрагата на Метрополитенската полиција, позната како Операција Grange, од 2011 година надминаа 13,2 милиони фунти, откако во април беа одобрени дополнителни 108.000 фунти владино финансирање.
фото: принтскрин
Европа
(Видео) Зеленски: Имаме решение за руските дронови, подготвени сме да го споделиме со НАТО
Украинскиот претседател Володимир Зеленски ја нагласи важноста на дроновите во одбраната на неговата земја од руска инвазија, истовремено нудејќи поддршка на НАТО во одвраќањето на руските беспилотни летала.
„Најефикасните санкции, санкциите што се најбрзи, се пожари во руските рафинерии за нафта, на нивните терминали и на складиштата за нафта“, рече тој во своето вечерно обраќање, осврнувајќи се на серијата украински напади со беспилотни летала насочени кон рускиот нафтен сектор. Тој рече дека нападите биле болни за Москва и дека ќе влијаат и на воените напори на Русија. Нападите „значително ја ограничиле руската нафтена индустрија, а тоа значително ја ограничува војната“, рече Зеленски.
Today I want to especially thank all our warriors who are inflicting truly significant losses on Russia. Losses at the front. Losses along the border. Losses on Russia’s own territory thanks to our long-range strikes. The most effective sanctions – the ones that work the fastest… pic.twitter.com/tOdd6xkqqD
— Volodymyr Zelenskyy / Володимир Зеленський (@ZelenskyyUa) September 14, 2025
Украина во ноќта кон неделата нападна една од најголемите руски рафинерии во градот Кириши, 110 километри југоисточно од Санкт Петербург. Пред официјалната потврда за нападот, на социјалните мрежи веќе почнаа да кружат слики и видеа на кои се гледаат големи пламени над рафинеријата.
Зеленски рече дека Украина е подготвена да го сподели своето искуство во одбивањето на нападите од руските беспилотни летала со НАТО, наведувајќи го неодамнешното навлегување на руски беспилотни летала во полскиот воздушен простор пред неколку дена и неодамнешниот инцидент со руски беспилотен авион над Романија.
„Подготвени сме да ги обучиме сите партнери во оваа одбрана“, рече Зеленски. „Сите гледаат дека Русите бараат начини да ја прошират војната на територијата на Полска и балтичките држави, а руската војска ја тестира и Романија.“
Иако НАТО има ефикасно одбранбено оружје, тој рече дека Украина развила „многу поекономични, помасовни и систематски решенија“.
фото: принтскрин
Европа
(Видео) Голем протест во Анкара: „Државен удар против идниот претседател“
Десетици илјади луѓе протестираа вчера во турската престолнина Анкара против судскиот случај што може да доведе до отстранување на лидерот на главната опозициска партија од функцијата денеска, по едногодишна правна битка меѓу владата и стотици нејзини членови. Снимките покажаа толпи како бараат оставка од претседателот Таип Ердоган, мавтајќи со турски знамиња и партиски транспаренти.
Судската одлука за поништување на конгресот на Републиканската народна партија (ЦХП) во 2023 година поради наводни процедурални неправилности може да ја преобликува партијата, да ги потресе финансиските пазари и да влијае на текот на општите избори закажани за 2028 година. Судот може и да ја одложи пресудата.
Лидерот на ЦХП, Озгур Озел, на митингот изјави дека владата сака да ја задржи власта, поткопувајќи ги демократските норми и потиснувајќи ги политичките противници откако опозициските партии победија на локалните избори минатата година. Озел повика на предвремени општи избори.
„Ова е политички случај. Обвинувањата се клевета. Она што се случува е државен удар – државен удар против идниот претседател, против идната влада. Ќе се спротивставиме, ќе се спротивставиме, ќе се спротивставиме“, изјави Озел пред насобраните. Владата инсистира дека судството е независно и негира какви било политички мотиви.
Во изминатата година, Турција приведе повеќе од 500 лица, вклучувајќи 17 градоначалници, во Истанбул и други општини и градови управувани од Републиканската народна партија низ целата земја, како дел од истрагите за наводна корупција.
Стотици членови на ЦХП се во притвор во рамките на широка истрага за наводни врски со корупција и тероризам, вклучувајќи го и главниот противник на Ердоган, градоначалникот на Истанбул, Екрем Имамоглу. Апсењето на Имамоглу во март предизвика најголемите протести во земјата во последната деценија. Стотици илјади Турци излегоа на улиците, а турската лира падна.
фото: принтскрин
„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби
Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...
Јас не сум од вчера во политиката, Левицата фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
