Европа
'Антитерористичка' операција во Харков
Привремениот украински министер за внатрешни работи Арсен Аваков објави во вторникот дека во тек е „антитерористичка” операција во источниот град Харков во која се уапсени 70 „сепаратисти”, односно проруски активисти кои бараа федерализација на Украина, а потоа и референдум за присоединување кон Русија заземајќи згради на регионалната администрација во неколку градови на Донецката област, меѓу кои и во Харков.
На својот профил на Facebook, министерот Аваков напишал дека е „Покрената антитерористичка операција. Блокиран е центарот на градот и станиците на подземната железница”. Не се грижите, кога ќе завршиме повторно ќе ги отвориме”.
Агенцијата Интерфакс Украина го пренесува соопштението на министерството за внатрешни работи кое објави за апсењата на осомничени за „илегални активности поврзани со сепаратизам, организирање масовни безредија и загрозување на човековото здравје”, Дополнителни активност за оваа акција не се соопштуваат.
Аваков во понеделникот нареди зградата на регионалната администрација во Харков да биде „исчистена” од „сепаристичките демонстранти”. Тој го обвини рускито претседател Владимир Путин дека стои зад протестите и вери дека тие ќе бидат ставени под контрола без насилство.
Претходно ноќта кон вторникот руското министерство за надворешни работи го предупреди Киев да го запре испраќањето на воени единици во источна Украина за да задушат „атнивалдините протести”.
Руското министерство за надворешни работи изрази загриженост од распоредувањето на дополнителни сили на украинската армија во чиј состав се 150 припадници на американската организација Greystone, и предупреди дека се провоцира граѓанска војна .
Според сознанијата на руската страна, во југоисточните региони на Украина, вклучително и Донецк во близина на границата со Русија, каде од недела започнаа митинзите на проруските активисти и рускојазичното население со барање за федерализација на Украина, кои во понеделникот се претворија во барање за распишување референдум за присоединување кон Русија и прогласување на ткн Донецка и Харковска народна република, се распоредуваат единици на украинските внатрешни војски (паравоена полициска единица) и на Националната гарда на Украина во чиј состав се припадници на ултранационалситичката вооружена формација Десен сектор. Според министерството за надворешни работи на Русија, нивната цел е да го задушат протестот на населението од украинскиот југоисток против политиките на новите прозападни власти во Киев.
Руската дипломатија истакнува дека учесниците во оваа провокација преземаат врз себе огромна одговорноста за создавање закана за правата, слободите и животите на цивилните граѓани на Украина, за стабилноста на украинската држава. „Ги повикуваме неодложно да ги прекинат сите воени подготовки, коишто можат да предизвикаат граѓанска војна”, се предупредува во изјавата на руската дипломатија.
Во вторникот рано претпладнето спикерот на украинскиот парламент Олександр Турчинов на отворањето за заседанието на Врховната Рада соопшти дека е ослободена зградите на локалниот оддел на Службата за безбедност на Украина (СБУ) во Донецк и на регионалната администрација во Харков, коишто од неделата беа под контрола на проруските демонстранти. Истакнал дека за време не операцијата за заземањето на зградата во Харков, против безбедносните сили „беше употребувано оружје, како и рачни гранати, при што неколку припадници се здобиле со тешки повреди”, пренесува агенцијата УНИАН.
Турчинов потврдил дека во Харков се приведени 70 лица, како и дека полицијата спречила „провокации” во Днепропетровската и Николевската област. Спопред него, наскоро ќе бидат ослободени и зградите на донецката администрација и на СБУ во Луганск.
Според пратеникот на партијата Баткившчина (Татковина) Николај Кнјажицки, сите уапсени во Харков биле пренесени во затвори во Киев и во Полтава, во западниот дел од земјата. Додал дека во Харков дејствувала полкот „Јагуар” на специјалната единица на Внатрешните војски од Западната регионална команда./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.