Европа
Француската десница на предизбори, се одлучува меѓу тројца кандидати
Дилемата кој ќе биде кандидат на француската десница на претседателските избори следната 2017 година ќе почне да се разрешува во недела кога се одржува првиот круг од предизборите на коишто има тројца фаворити: поранешниот претседател Николас Сарози и двајцата поранешни премиери Ален Жипе и Франсоа Фијон.
Влогот на партиските предизбори кај конзервативците е многу голем. Имајќи предвид дека левицата, а особено владејачките социјалисти се распаѓаат, кандидатот зад кој ќе застане десницата има големи шанси да победи на претседателските избори коишто ќе се одржат за помалку од шест месеци, бидејќи единствената сериозна ривалка ќе му биде челничката на крајната десница Национален фронт (NF), Марин Лепен, која доби ветер во грбот по победата на контроверзниот Доналд Трамп во САД, кого инаку го поддржуваше во неговите ставови изречени во кампањата, особено во поглед на имиграцијата, односот кон радикалниот ислам и односите со Русија.
По двомесечната кампања на теренот и трите телевизиски дебати кои минаа во атмосфера „во ракавици“,се издвоија тројца до седумте кандидати и, се чини, дека се единствените коишто може да се пробијат во вториот круг на 27-ми ноември. Фаворити во анкетите веќе со месеци се поранешниот премиер Ален Жипе и поранешниот претседател Николас Саркози, а од близина ги следи Франсоа Фијон, исто така, поранешен премиер, што ја прави напната целата ситуација.
„Се најавуваше двобој, но се случува тробој“, вели Жером Жафре, директор на Центарот за испитување на јавното мнение за конзервативниот весник Le Figaro. Весникот забележува дека Фијон ги стасал Жипе и Саркози по објавувањето на книгата со наслов „Победа над исламскиот тоталитаризам“. Долго време во заднина, овој дискретен премиер на Саркози во периодот од1007 до 2012 година за еден месец повеќе од двојно ја зголеми својата поддршка, судејќи според анкетите. Сега повеќе не заостанува зад поранешниот шеф на државата, кој има поддршка од 30 отсто, како и од Жипе, чијашто предност последните седмици малку се истопи.
Попоследната многу конфузна дебата во четвртокот, уште потешко е да се предвиди резултатот и поради тоа што француските конзервативци првпат организираат предизбори, според урнекот на социјалистите и зелените.
Главна непозната е одѕивот, а предвидувањата се движат меѓу два и четири милиони избирачи. Може да учествуваат сите Французи со право на глас коишто ќе уплатат две евра, под услов да потпишат изјава со којашто потврдуваат дека ги споделуваат „републиканските вредности на десницата и центарот“. Меѓутоа, имајќи го предвид влогот кој е во игра, некои симпатизери од левицата и од крајната десница би можеле да се почувствуваат повикани да гласаат за да влијаат врз резултатот, односно да гласаат за кандидатот кој го сметаат за помала опасност за претставникот на нивната опција.
Оттаму, политички коментатори се претпазливи. „Промената на страната на избирачите е полесно во рамките на политичкото семејство: кандидатот може да се промени, а да не се променат своите убедувања“, вели Жафре.
Се чини, сепак, дека повеќе ќе одлучува стилот на кандидатите, отколку нивните понудени програми. Имено, политичките програми на тројцата споменати фаворити кај партијата Републиканци се слични во најважните прашања. Сите се заземаат за јакнење на внатрешната безбедност и надзорот на европските граници, намалување на даноците и јавната управа, како и за драстично ограничување на имиграцијата. Затоа се смета дека на исходот повеќе влијание ќе има индивидуалниот стил на политичарите.
Истакнувајќи ја својата енергичност и цврста рака, искуството на шеф на државата и некои предлози од кои не отстапува, како што е укинување на правото на спојување на семејствата на имигрантите, Ниолас Саркози настојува да го освои тврдото јадро на Републиканците.
Со поумерени ставови желба да ги обедини Французите, Ален Жипе ја собира околу себеси умерената десница и центристите.
Популарен во деловните кругови, Фрасоа Фијон игра на адутот на непопустливост со радикалните економски програми и конзервативните мерки, кога станува збор за општествените прашања.
Но иако нивните телевизиски соочувања минаа во ракавици, приврзаниците на споменатите тројца кандидати често немаат обѕири. Наречен „Али Жипе“, поранешниот премиер е обвинуван дека ги симпатизира муслиманските фундаменталисти, додека Саркози е прогласен за „мини Трамп“.
Се поставува и прашањето дали гласањето ќе биде регуларно, имајќи предвид дека на интерното гласање во 2012 година имаше обвинувања за измами. Поради тоа е забрането да се дава гласот преку овластен посредник, а формирано е и посебно тело за контрола на гласањето. Неколку кандидат најавија и паралелно пребројување на гласовите, а некои ги повикуваат своите приврзаници на денот на гласањето да ја зголемат будноста./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.