Европа
Американското шпионирање на француските претседатели го крена Париз
Веста дека американската Агенција за национална безбедноста (NSA) ги шпионирала тројцата последни француски претседатели Жак Ширак, Николас Саркози и Франсоа Оланд, најмалку во периодот меѓу 2006 и 2012 година, ја крена француската политика, а актуелниот претседател ја оцени како „неприфатлива“ ваквата американската политика кон Франција и се истакнува дека Вашингтон е должен да се придржува до своите обврски преземени особено по 2013 година, кога беше објавено дека тајните служби на САД масовно ги прислушувале телефонските разговори на милиони француски државјани.
„Франција нема да ги толерира делата кои претставуваат закана за безбедноста и заштитата на нејзините интереси“, се наведува во соопштението на Елисејската палата од средата, додека актуелниот претседател Франсоа Оланд се среќава дека најважните министри, команданти и пратеници, по извештајот на WikiLeaks дека САД го шпионирале него и двајцата негови претходници. Француски дипломатски извори наведуваат за медиумите дека по тој повод американскиот амбасадор во Париз е повикан да даде образложение во француското министерство за надворешни работи.
Станува збор за шпионски активности водени најмалку во периодот меѓу 2006 и 2012 година, односно тројцата последни француски претседатели Жак Ширак, Николас Саркози и Франсоа Оланд, произлегува од документите на основачот на WikiLeaks, Џулиан Асанж,кои во вторникот ги објавија дневниот весник Liberation и истражувачкиот портал Mediapart. Тие документи, коишто ги носат ознаките на највисока тајност, се состојат од пет извештаи на NSA и се однесуваат на прислушувани телефонски разговори на француските претседатели. Биле наменети за повеќе американски разузнавачки служби, забележува Liberation.
Најновиот документ го носи датумот 22-ри мај 2012 година, неколку дена пред стапување на Франсоа Оланд на претседателската должност, и се однесува на тајните состаноци околу евентуалното излегување на Грција од еврозоната. Во друг од 2011 година, се наведува дека Саркози е одлучен да ги обнови мировните преговори меѓу Израел и Палестинците, можно и без учество на САД. Документ од 2010 година укажува дека француските функционери знаеле дека САД ги шпионираат, како и дека имале намера да протестираат за тоа.
Француски функционер за BBC изјави дека шпионирањето „меѓу сојузниците е неприфатливо“, најавувајќи дека претседателот Оланд за тој проблем ќе зборува и на состанокот на францускиот национален совет за одбрана. Советник на францускиот претседател изјави за AFP дека Оланд ќе одржи состанок на одбранбениот совет за „да се процени карактерот на информациите кои ги објавија медиумите во вторникот навечер и да се извлечат полезни заклучоци“.
„Тешко ни е да разбереме или да замислиме што го мотивира некој сојузник да ги шпионира другите своите сојузници, коишто по светските прашања често ги споделуваат истите стратешки прашања“, изјави портпаролката на француската влада Стефани Л’Фол за телевизијата i>TELE.
Интернет страницата на ткн „свиркач“ и основач на WikiLeaks, Џулијан Асанж се повикува на „строго доверливи разузнавачки извештаи и технички документи“ на NSA. Засега не е јасно дали станува збор за податоци коишто ги поседува поранешниот соработник на американското разузнавање Едвард Сноуден.
Во вторникот WikiLeaks соопшти дека започнува со објавувањето на тајните документи под називот „Елисејската шпионажа“, кои „директно произлегуваат од насочениот надзор на NSA на комуникациите “ на тројцата француски претседатели,, како и француски министри и амбасадорот на Париз во САД.
„Францускиот народ има право да знае дека владите избрани од нив биле подложени на непријателски надзор од страна на претпоставените сојузници. Горди сме на нашата соработка со водечките француски издавачи Liberation и Mediapart,коишто помогнаа да се осветли оваа епизода. Француските читатели може да очекуваат наскоро повеќе значајни откритија“, напиша во вторникот основачот Асанж.
Портпаролот на WikiLeaks, Кристин Храфносн во средата за BBC изјави дека иако нивното откритие дека NSA ги прислушувала телефонските разговори на германската канцеларка Ангела Меркел не ја вклучувало содржината, овој пот постојат тани извештаи. „Тоа покажува колку далеку NSA и највисоките функционери на САД се подготвени да одат“, рече.
Како одговор на наводите за истекување на документите, портпаролот на NSA, Нед Прајс изјави дека нема да коментираат одредени разузнавачки наводи. „Ние воопшто не спроведуваме никакво надворешен разузнавачки надзор, освен доколку не постојат посебни и оправдани причини поради заштитата на националната безбедност. Тоа подеднакво се однесува и на обичните граѓани и на светските челници“, рече Пеајс. Подоцна додаде дека комуникациите на претседателот Оланд „не се и нема да бидат“ цели, како и дека „NSA тесно соработува со Франција по сите меѓународно важни прашања“ и дека Французите се „незаобиколен партнер“.
Станува збор за втора афера во последните две години во која САД ги прислушуваат челниците на своите најважни европски сојузници. Доставените од „протекувачот на информации“ извештаи до медиумите од страна на поранешниот соработник на американската Агенција за национална безбедност Едвард Сноуден, кој за тоа во САД е обвинет за три дела во врска со шпионажа од јули 2013 година за огромниот обем на долгогодишното американско шпионирање на милиони германски граѓани, институции и функционери, па дури и самата канцеларка, предизвика гнев во Германија. Тогаш, со цел да ја смири јавноста, германските власти најавуваа дека со Вашингтон подготвуваат договор за меѓусебно нешпионирање, но според најновите сознанија тоа никогаш не било тема./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.