Европа
Австрија воведува азил на одредено време

Австрија воведува построг закон за азил кој вклучува ограничено временско траење на азилот, како и заострени услови за спојување на одделени семејства, пренесуваат австриските медиуми.
Главната законска новина е ткн азил на ограничено време, според кој лицата на кои во нивните земји ќе им биде загрозена егзистенцијата ќе добиваат засолниште во Австрија на рок од три години. По тој период одново ќе се проверуваат причините за давањето азил и доколку тие повеќе не постојат, лицето ќе биде вратено во земјата на неговото потекло.Новиот закон за азил, којшто би требало, како што пренесуваат австриските медиуми повикувајќи се на австриското министерство за внатрешни работи, да започне да се применува од средината на ноември, предвидува и отежнато спојување на семејствата на бегалците.Во иднина, лицата кои не го уживаат статусот на бегалци, туку само заштита од протерување, ќе можат да ги доведат своите семејства во Австрија дури по три години престој, и тоа само доколку е обезбедена материјална егзистенција.Министерството за внатрешни работи на Австрија, појасни дека една од причините за заострување на законот за азилот е и злоупотребата на ова право во последниот период.„Ние сакаме да им пружиме заштита на оние на коишто таа им е потребна. Она што сега се случува честопати не е потрага по заштита, туку по економски најатрактивната земја“, изјави австриската министерка за внатрешни работи Јохана Микл-Лејтнер, од Австриската народна партија која има рестриктивни позиции кон имигрантската криза.Австриските власти очекуваат годинава 85.000 барања за азил, што претставува драстично зголемување во споредба со минатата 2014 година, кога се примени 28.000 барања. Сепак, големо мнозинство од бегалците кои во последно време влегуваа во Австрија го продолжуваат патот кон Германија и скандинавските земји./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украина разнесе руски брод што превезувал иранско оружје

Украинските специјални сили извршија напад врз руското пристаниште Оља во регионот Астрахан погодувајќи брод што превезувал делови од беспилотните летала „Шахед“ и иранска муниција. Се сомнева дека украинските беспилотни летала истовремено нападнале рафинерија за нафта во регионот Самара, објавува „Киев пост“.
Според соопштението од Генералштабот, нападот е извршен во четвртокот во соработка со Силите за специјални операции и други единици на одбранбените сили со цел да се намали способноста на Русија да спроведува воздушни напади.
Пристаништето Оља е еден од клучните логистички центри за увоз на воена опрема од Иран. Бродот „Порт Оља 4“, кој наводно превезувал делови за беспилотни летала и муниција, бил погоден. Процената на штетите е сè уште во тек.
Рано утрово беспилотни летала од Краснодар нападнаа рафинерија во градот Сизран во регионот Самара. Мештаните пријавија до 10 експлозии од 4 часот наутро, а снимки и фотографии од пожар во објектот се појавија на „Телеграм“. Руските власти сè уште не ја потврдија штетата.
Украина официјално не коментира до моментот на објавување.
Руското Министерство за одбрана тврди дека неговата воздушна одбрана соборила 53 украински беспилотни летала преку ноќ.
фото: принтскрин
Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин