Европа
Бајден: САД и ЕУ треба да се единствени и решителни кон Русија
Американскиот потпретседател Џозеф Бајден изјави во петокот во Брисел дека САД и Европската унија треба единствено да настапат кон Русија и да не дозволат да ја прекројува картата на Европа, додека претседателот не Европскиот совет Доналд Туск изјави дека „агресијата на Русија врз Украина е неприфатлива“.
„САД и ЕУ мора меѓусебно да се поддржуваат и да останат цврсти. Не можеме да и’ дозволиме на Русија да ја прекројува картата на Европа, а токму тоа во моментов го прави“, изјави американскиот потпретседател Џозеф Бајден пред средбата со претседателот на Европскиот совет, Доналд Туск. Бајден истакна дека Вашингтон и Брисел треба да ја поддржат Украина „во овој тежок период“ која и’ е потребна финансиска помош, и поткрепа за спроведување на потребните реформи.
Туск од своја страна, исто така, рече дека ЕУ и САД и натаму треба да бидат „рамо до рамо“, да ги координираат напорите и да го задржат притисокот врз Русија „толку долго колку што е потребно“. „Не можеме да прифатиме каков и да е облик на агресија, особено агресија на една држава врз друга. Не можеме да правиме компромиси околу украинската, независност, сувереност и територијален интегритет. ЕУ и натаму ќе им дава поткрепа на Украинците, ќе им помага во реформите на земјата за да стане модерно, просперитетно и демократско општество“, изјави Туск.
Челникот на Европскиот совет, исто така, се осврна и на проблемот со тероризмот и екстремизмот. „Грозните напади во Париз и заканата со нови терористички напади нема да не застрашат. Мораме да го зајакнеме нашиот антитерористички дијалог и да продолжиме тесно да соработуваме на отстранувањето на глобалните закани, како што е онаа што ја претставува Исламската држава“, рече Туск.
Туск го повтори и повикот до ЕУ и САД да се довршат до крајот на годината преговорите за сеопфатниот трговски договор. Трансатлантско трговско и инвестициско партнерство (TTIP). „Тоа е амбициозно, но TTIP со себе носи голем потенцијал во економска и политичка“ рече Туск. Во петокот инаку во Брисел се завршува 8-от круг од преговорите и американските преговарачи за TTIP./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Човек на Трамп: Предлогот на Путин е апсурден
Кит Келог, специјалниот претставник на американскиот претседател Доналд Трамп за Украина и Русија, го отфрли предлогот на рускиот претседател Владимир Путин за тридневен прекин на огнот. Келог истакна дека Вашингтон бара долгорочно примирје.
Коментирајќи го напредокот на мировните преговори во последните денови, тој изрази верување дека САД „се во прилично добра позиција кога станува збор за Украинците“. „А тридневно примирје е апсурдно“, нагласи тој, осврнувајќи се на предложеното примирје од 8 до 10 мај.
Тој додаде дека Трамп се залага за сеопфатен прекин на огнот „на море, во воздух и на копно“ што ќе трае најмалку 30 дена. „И потоа можеме да го продолжиме“, изјави тој.
„Кога ќе погледнете на сè околу што Украинците се подготвени да соработуваат, сега е до Русите, до Путин. Имаме една страна, ни треба друга страна. И мислам дека сме блиску“, продолжи тој.
Путин најави уште едно примирје кое ќе започне на полноќ на 8 мај и ќе трае до полноќ на 11 мај. Италијанската премиерка Џорџа Мелони изјави дека тридневното примирје објавено од Кремљ не е доволно, туку дека е потребен праведен и траен мир.
Британската одбранбена разузнавачка агенција верува дека тридневниот прекин на огнот што го објави Путин на Денот на победата има за цел да ја прикаже Русија како отворена за преговори и да ги ограничи украинските напади со долг дострел.
Европа
Фон дер Лајен: Светската трговија се врти кон Европа
Светската трговија се насочува кон Европа затоа што другите земји сакаат договори со ЕУ, изјави денес претседателката на Европската комисија, Урсула фон дер Лајен.
Претседателот на ЕК на митингот на Европската народна партија во Валенсија истакна дека Европската унија „веќе има најголема мрежа на договори за слободна трговија, 76 од нив“ со земји од целиот свет.
„Сега светската трговија се свртува кон нас“, смета фон дер Лајен, во време кога светот е загрозен од воведувањето на американските царини што ги објави американскиот претседател Доналд Трамп на почетокот на април.
„Сега соработуваме со Индија и Индонезија, Обединетите Арапски Емирати и Тајланд, Филипините и Малезија, со Пацификот. Сите тие сакаат договор со нас. Бидејќи ние сме фер, сигурни и играме според правилата“, нагласи таа. „Затоа, да останеме на тој пат, со ладна глава и обединети“, рече таа.
Фон дер Лајен изјави дека ЕУ мора паралелно да работи на зајакнување на својот единствен пазар преку елиминирање на непотребните национални бариери, борба против фрагментацијата и бирократијата.
Европа
(Видео) Пукање во Шведска, најмалку тројца убиени
Најмалку три лица се убиени во пукотница во фризерски салон во градот Упсала, потврди шведската полиција. Полицијата соопшти дека добила повеќе пријави од граѓани кои пријавиле истрели во близина на плоштадот Ваксала во центарот на градот.
Пукањето се случило во пресрет на Валпургиската ноќ, традиционален пролетен фестивал кој привлекува голем број луѓе на улиците секоја година. Според полицијата, неколку лица биле пронајдени со повреди што укажуваат на прострелни рани.
Shocking news from Uppsala-Sweden
Multiple fatalities in a shooting at Vaksala Square. Police confirm several injured, TV4 reports more victims deceased. Serious incident unfolding. #UppsalaShooting pic.twitter.com/nGPTd05Tmw— Niyak Ghorbani (نیاک) (@GhorbaniiNiyak) April 29, 2025
Шведските медиуми јавуваат дека маскираниот убиец избегал со електричен скутер и дека е во тек голема потрага, вклучувајќи го и учеството на полициски хеликоптер.
Голем дел од областа е ограден, а истрагата е во тек. Портпаролот на полицијата, Магнус Јансон Кларин, за локалните медиуми изјави дека добиле повеќе пријави за истрели во областа.
Идентитетите на жртвите и напаѓачот засега не се познати, ниту пак мотивот за нападот.
(Видео) Запален домот на Александар Пандов: Нема да не запрат и нема да не поколебаат
Директорот на Управата за извршување на санкции, Александар Пандов на социјалните мрежи објави дека му бил запален домот. „Ова е...
Мицевски: Интерпелацијата за министерот Тошковски не доби поддршка
„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ. „Потребна е...
(Видео) Петровска: Тошковски ја контаминираше истрагата за Кочани
„Трагедијата во Кочани точно е дека е резултат на системски пропусти, ама системот, колеги, има име и презиме или имиња...
(Видео) Меџити: И покрај нашите понуди тие одлучија да бидат заедно со ДУИ и со Ахмети, Таравари има пофалби за владеењето на ДУИ, а избега од тоа владеење
Првиот заменик претседател на Владата и министер за животна средина и просторно планирање Изет Меџити на прес-конференција извести дека вечерва...
Родителите на загинатите му кажаа на Тошковски дека не му веруваат и прашаа зошто обвинетите кои се во домашен притвор шетаат по улици
Родителите на загинатите во Кочани успеаја да го извадат надвор министерот за внатрешни работи, Панче Тошковски откога јавно му порачаа...
Родителите на загинатите се пред МВР: И без душа и без дете, ние пеш дојдовме, сега нека излезе Тошковски место ние да влеземе
Родителите и роднините на загинатите во Кочани стигнаа пред Министерството за внатрешни работи. Решија да дојдат пред Министерството откога министерот...
Тошковски вели дека не е направен пропуст од страна на МВР во случајот со „Пулс“
Во Собранието почна расправата за интерпелација на министерот за внатрешни работи, Панче Тошковски, поднесена од пратеничката група на партијата Левица....
(Видео) Јанчев: Дискотеката без мака работела 13 години, Тошковски да сакал, ќе ја затворел
Работата на министерот за внатрешни работи, Панче Тошковски, кој на оваа функција е повеќе од една година, денес е на...
„Ги изгоревте децата со вашата алчност и негрижа“, родителите на жртвите од Кочани бараат оставки и одговорност
„Пожарот ги зеде телата, системот ги уби душите“, „Каде да фатиме врски за да ги вратиме другарите“, „Селективна одговорност е неодговорност“,...
Ристески не очекува поскапувања од четврток: Се надевам дека трговците ја научија лекцијата
Ако цените нагло почнат да скокаат од четврток, кога истекува сегашната мерка за ограничени маржи до 10 %, мерката може...
Македонија е тажна приказна, а Црна Гора е најблислку до членство во ЕУ, рече Марта Кос
Црна Гора останува најверојатната кандидатка од регионот на Западен Балкан, кој може да стане нова членка на Европската Унија за...
ОПМ: Треба алатка за споредување на цените на производите за граѓаните да знаат каде може да ги купат поевтино, објавените списоци не се доволни
По објавувањето на списоците со цени на сите производи во маркетите, неопходно е да се направи нова алатка, која на...
Зеленски: Путин сака примирје само за време на неговата парада
Украинскиот претседател Володимир Зеленски изјави дека светот не сака да чека до 8 мај за најавеното примирје на рускиот претседател...
ВМРО-ДПМНЕ до Бујар Османи: Единствениот свет во кој е ДУИ е светот на корупцијата
Дали Бујар Османи го презеде лидерското место во ДУИ, а Али Ахмети се повлече? Дали станува збор за внатрепартиски договор,...
СДСМ: Дали градоначалникот Стефковски се јавувал во МВР за ослободување на својот брат?
Додека јавноста реагира за скандалот со братот на градоначалникот Бобан Стефковски, кој дивееше на скопските улици, а беше ослободен од...
Победа на либералите во Канада
Канадската Либерална партија, предводена од премиерот Марк Карни, е на добар пат да победи на федералните избори, велат канадските медиуми,...
Шпанија и Португалија повторно имаат струја
Елекетричната енергија е обновена речиси целосно низ Шпанија и Португалија по вчерашниот масовен прекин што предизвика хаос во двете земји....
„Марш за ангелите“ – семејствата на жртвите во пожарот во Кочани на протест во Скопје
Семејствата на загинатите во трагичниот пожар во Кочани за денеска најавија протестен „Марш за ангелите“ во Скопје. „Ние заслужуваме одговори,...
Шпанија прогласи вонредна состојба по прекинот на електричната енергија
Шпанското Министерство за внатрешни работи прогласи вонредна состојба во земјата по денешниот прекин на електричната енергија. Шпанскиот оператор за електрична...
Гаши засега ќе се воздржи од коментари за претседателката на Антикорупциска
Во врска со актуелните настани поврзани со претседателката на Државната комисија за спречување на корупцијата, Татјана Димитровска, од кабинетот на...
