Европа
Белгија го обвини Абдеслам за терористички убиства, тој соработува со истрагата
Салах Абдеслам, 26-годишниот главен осомничен за 13-ноемвриските терористички напади во француската престолнина Париз кога беа убиени 130 луѓе, обвинет е за „терористички убиства и за учество во активности на терористичка група“ во текот на истрагата за париските атентати, објави во саботата вечерта белгиското сојузно обвинителство, а неговиот адвокат Свен Мари изјави дека тој ќе го одбие предавањето во Франција и ќе соработува со истрагата.
„Тој соработува со белгиското правосудство, во рамките на европскиот налог за апсење според кој Франција побара негова екстрадиција, сега можам да ви кажам дека ќе го одбиеме неговото предавање на Франција“, изјави адвокатот Свен Мари, по сослушувањето на неговиот клиент Салех Абдеслам во седиштето на белгиската сојузна полиција во Брисел истакнувајќи дека неговиот клиент е притворен според белгиското правосудство.
„Прво ќе видиме дали европскиот налог за апсење е законски, а потоа ќе видиме…“, рече адвокатот. Абдеслам кој четири месеци беше во бегство, „лежи бидејќи во престрелката е ранет во ногата“, додаде Мари кој со клиентот разговарал во саботата „десет минути“.
Салах Абдеслам на почетокот од октомври бил во Германија, во камп за бегалци, каде што дошол по тројца од своите потенцијални помагачи, извести во саботата германската регионална телевизиска мрежа SWR.
Телевизијата, која се повикува на „резултатите од полициската истрага“, наведува дека Абдеслам на почетокот од октомври во Брисел изнајмил автомобил на свое име и ноќта од 2-ри кон 3-ти октомври пристигнал во Улм, на југот од Германија.
„Иследниците се сигурни дека Абдеслам управувал со автомобилот. Возилото во Улм било само еден час и истата ноќ се вратило во Белгија. Во текот на контролата во бегалскиот камп на 3-ти октомври, утврдено е дека нема тројца мажи кои ден претходно биле таму“, наведува SWR.
Иследниците на германската криминалистичка полиција BKA, во соработка со белгиската и со француската полиција, се обидуваат да утврдат дали тие тројца учествувале во нападите од 13-ти ноември, и „како и зошто“ Абделсам стапил во врска со нив, се додава во извештајот на SWR.
Истрагата покажа дека двајца од тројцата бомбаши самоубијци кои се разнесоа во близината на „Стад де Франс“ минатата есен се уфрлиле меѓу бегалците користејќи се со сириски пасоши со лажен идентитет. Тие двајца на се регистрирани на 3-ти октомври на грчкиот остров Лерос, и подоцна преку ткн балканска бегалска рута, вклучително и низ Македонија, стасале до Франција.
Белгиското правосудство подигна обвинение против Абдеслам кој во истрагата признал дека бил во Париз на 13-ти ноември 20125 година, кога беа изведени бомбашки и вооружени напади врз ресторани, кафулиња, стадионот „Стад де Франс“ и концертната сала „Батаклан“, рече Мари.
Абдеслам, кој стана најбараниот европски терорист откако успеа да избега од Франција по нападите, беше уапсен во петокот попладнето во доселеничкото бриселско предградие Моленбек, откако во судир со полицијата беше полесно ранет во ногата.
Префрлен е во притвор со уште четири лица, меѓу кои и три члена на семејството кое му дало засолниште во Моленбек, каде што израснал и живеел пред нападите. Се криел во стан на пријател на неговата мајка, наведе белгиската мрежа RTBF.
Неговиот помагач, „познат како Монир Ахмед Алаај и Амине Шукри“, кој, како и Абдеслам беше уапен во петокот во Брисел, е обвинет по истите точки од обвинението и исто така е преместен во притвор, се додава во соопштението на белгиското обвинителство.
Сопственикот на станот кој им го изнајмил и во кој се уапсени двајцата бегалци, Амид Аберкан, е обвинет за „учество во активности на терористичка група и за криење криминалци“ и исто така е притворен.
Другиот член на семејството Аберкан, Џемила М., е обвинета за „учество во активности на терористичка група и за криење на криминалци“, но „не е лишена од слобода“, наведува обвинителството. Уште една жена, Сихане А., е „пуштена на слобода и против неа не е подигнато обвинение“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците ја нападнаа најголемата рафинерија на рускиот нафтен гигант
Украинските беспилотни летала нападнаа неколку руски нафтени објекти синоќа вклучувајќи ја најголемата рафинерија на „Роснефт“ во Рјазан и складиште за нафта во окупираниот регион Луганск. Веста ја потврди Роберт (Мадијар) Бровди, командант на украинските беспилотни сили, објави „Киев индепендент“.
„Бензинот (во Русија) е при крај, а гасот и нафтата бргу исчезнуваат“, напиша Бровди на социјалните медиуми.
💥 Drones hit a refinery in Russia’s Ryazan, setting it ablaze. Ukraine confirms strikes on both the Ryazan refinery & an oil depot in occupied Luhansk. #MakeRussiaPay pic.twitter.com/PaSlQskXGq
— Iuliia Mendel (@IuliiaMendel) September 5, 2025
Жителите на Рјазан, град на 180 километри југоисточно од Москва, им ги пријавија на руските медиуми експлозиите околу 2 часот наутро, проследени со голем пожар што го осветли ноќното небо. Фотографиите и видеата што бргу се проширија на интернет покажаа густ црн чад што се издига од рафинеријата на јужните периферии на градот.
Објектот, со капацитет од 13,8 милиони тони годишно, веќе беше цел на украински беспилотни летала на 2 август кога две од неговите три главни единици беа принудени да се затворат.
— 🪖MilitaryNewsUA🇺🇦 (@front_ukrainian) September 5, 2025
Регионалниот гувернер Павел Малков изјави дека осум дрона биле соборени, а остатоците паднале врз индустриската зона тврдејќи дека немало жртви или штети на станбени згради. Тој не коментира директно за извештаите за пожарот во рафинеријата.
Во меѓувреме, во окупираниот регион Луганск локалните жители пријавија дека виделе црн чад доцна во четвртокот вечерта. Мадјар потврди дека украинските беспилотни летала погодиле складиште за нафта во регионот, иако обемот на штетата сè уште не е познат.
Руското Министерство за одбрана соопшти дека во текот на ноќта соборило вкупно 92 украински беспилотни летала.
фото: принтскрин
Европа
Руски дрон уби двајца мажи и една млада жена во Украина
Во напад со руски беспилотни летала загинаа три лица во регионот Харков во источна Украина, изјави синоќа гувернерот Олег Синегубов.
„Околу 21:30 часот по локално време, Русите го нападнаа селото Хотимља со беспилотни летала“, напиша тој на Телеграм. Во нападот загинаа двајца 40-годишни мажи и една 25-годишна жена, рече тој. Двајца други мажи се исто така повредени и хоспитализирани.
Украина: Жртвите работеле на поправки на патишта
Синегубов, исто така, рече дека некои од жртвите работеле на поправки на патишта.
Претходно во четврток, двајца украински деминери беа убиени за време на руски напад во северна Украина, во област што руските сили ја окупираа на почетокот на инвазијата, објавија украинските власти и една невладина организација.
Руското Министерство за одбрана, од своја страна, извести за „уништување на точка за подготовка и лансирање на беспилотни летала со долг дострел што им припаѓаат на украинските вооружени сили во регионот Чернигов“, негирајќи дека жртвите биле хуманитарни работници.
Неколку предупредувања за воздушни напади беа издадени во Украина синоќа по самитот на Коалицијата на волните во Париз.
фото: принтскрин
Европа
26 земји се согласија да испратат војници во Украина; Русија: Не може
Странските воени контингенти не може да обезбедуваат сигурносни гаранции за Украина и треба да се заврши многу работа пред да се одржи состанок на високо или највисоко ниво меѓу Москва и Киев за решавање на конфликтот во Украина, изјави портпаролот на Кремљ, Дмитриј Песков, за новинската агенција РИА во четвртокот.
Во четвртокот 26 земји ветија дека ќе обезбедат повоени безбедносни гаранции за Украина, што вклучува меѓународни сили на копно, на море и во воздух.
„Може ли безбедносните гаранции на Украина да бидат обезбедени и дадени од странските, особено европски и американски воени контингенти? Дефинитивно, не, не може“, изјави портпаролот на Кремљ, Дмитриј Песков, за руската државна новинска агенција РИА на маргините на Источниот економски форум во Владивосток. „Ова не може да послужи како безбедносна гаранција за Украина, што би била прифатлива за нашата земја“, рече тој.
И покрај обидите на американскиот претседател Доналд Трамп да најде решение за конфликтот, се чини дека нема крај на повидок на војната што Русија ја почна со целосна инвазија на Украина во февруари 2022 година.
Кремљ: Сè е содржано во договорот од Истанбул 2022 година
Песков исто така изјави за РИА дека сите потребни безбедносни гаранции за Украина се содржани во одредбите од договорот постигнат на мировните преговори во Истанбул 2022 година.
Според Рамковниот договор од Истанбул, Украина ќе се откаже од амбициите за НАТО и ќе усвои неутрален статус без нуклеарно оружје. За возврат ќе добие безбедносни гаранции од САД, Русија, Кина, Велика Британија и од Франција. Песков исто така изјави за РИА дека Москва е задоволна од сегашното ниво на претставници на разговорите меѓу Русија и Украина.
„Пред состанокот на високо или највисоко ниво треба да се заврши огромна количина, да речеме, работа за решавање мали проблеми, мали технички проблеми, кои заедно го сочинуваат целиот процес на решавање“, рече тој.
фото: принтскрин
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
Пет лица повредени, една жена во критична состојба во сообраќајка во Скопје
Пет лица се повредени во сериозна сообраќајна несреќа што се случи вчера околу 19:30 часот на улицата Христијан Тодоровски Карпош...
На Табановце чекање и до 40 минути, АМСМ апелира за трпение
Долги колони возила се создаваат на граничниот премин Табановце, каде што за излез и влез во државата се чека и...
Во Украина има 700.000 руски војници, еве каде е најголемата концентрација
Главната дирекција за разузнавање на Министерството за одбрана на Украина (ГУР) информираше дека на територијата на Украина моментално има околу...
Таксистите добиваат 200 електрични возила, Меџити го претстави проектот кој ќе го чисти воздухот
Првиот заменик на претседателот на Владата и министер за животна средина и просторно планирање, Изет Меџити, денес на работен состанок...
Мицкоски порача дека невработеноста паѓа, а економијата оди напред
Премиерот Христијан Мицкоски денеска преку објава на „Фејсбук“ порача дека најновите податоци ја потврдуваат економската стабилизација и растот кој, според...
Илиевски: Дали за торба пари Мицкоски продаде државни тајни?
Потпретседателот на СДСМ, Методија Илиевски, денес одржа прес-конференција на која ја истакна загриженоста на партијата за одбивањето на Христијан Мицкоски...
СДСМ призна дека ги прислушкувал Мицкоски, новинари и бизнисмени, вели Петрушевски
СДСМ призна дека го прислушкувал и го следел претседателот на ВМРО-ДПМНЕ, Христијан Мицкоски, како и новинари и бизнисмени, обвинуваат од...
„Не одам кај терористот“, Зеленски ја отфрли понудата на Путин
Украинскиот претседател Володимир Зеленски категорично ја отфрли идејата на рускиот лидер Владимир Путин за билатерална средба во Москва, објави Укринформ,...
Израел ги повика жителите на Газа да бегат кон југ пред офанзивата
Израелската армија утрово издаде итен апел до палестинските цивили во Газа да се евакуираат кон југ на градот, со цел...
Учениците се оставени без учебници, родителите печатат материјали од Вибер, реагираше СДСМ
Образовниот систем во Македонија ја почна хаотично новата учебна година, откако се покажа дека учениците немаат учебници, иако од ВМРО-ДПМНЕ...
Трамп: Америка нема само да се брани, туку ќе оди во војна
Американскиот претседател Доналд Трамп потпиша извршна наредба со која Министерството за одбрана на земјата се преименува во Министерство за војна,...
Македонци заминуваат кон грчките плажи, продолжениот викенд предизвика хаос на „Богородица“
Сообраќајот на државните патишта се одвива непречено и по суви коловози, но зголемената фреквенција на возила поради летните одмори и...
Летни температури во септември, Скопје до 35 степени
Граѓаните на Македонија денеска ќе уживаат во сончево и топло време со слаба до умерена облачност, соопшти Управата за хидрометеоролошки...
24-годишник осомничен за полови дејствија врз 5-годишно девојче
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека вршело...
Интерната комисија проверува дали се правеле непотребни операции на срце, методологијата за работа е утврдена
Интерната комисија за кардиолошки и кардиохируршки интервенции ја утврди методологијата за работа, која што ќе биде основата за анализата не...
(Видео) Утната процедура е можна причина за одложување на седницата за прислушувањата, Петровска бара декласификација
Пратеничката на СДСМ, Славјанка Петровска, денеска на прес-конференција оцени дека власта намерно прави деловнички грешки со закажувањето на седницата на...
Поплаки за искинати учебници стигнале и до Јаневска: Потрошивме 11 милиони евра, што побарале училиштата, тоа добиле
Учебниците законски се менуваат на пет години, учениците треба да се грижат за нив, наставниците да ги научат на тоа,...
Кривични за стружаните кои запалија душеци на депонија за да ги извадат федерите и да ги продадат
Струшката полиција поднесе кривична пријава против двете лица на возраст од 38 и 61 години кои палеа душеци на депонија....
Поранешниот директор на Онкологија не се чувствува виновен – продолжи судењето против Васев и тројцата онколози
Поранешниот директор на Клиниката за онкологија, Никола Васев, кој заедно со тројца други онколози е обвинет за несовесно лекување пациенти,...
