Европа
Белгија стана извор на европскиот џихадизам
Потрагата по атентаторите од Париз води до Белгија, а оваа земја во последно време стана извор на европскиот џихадизам, пишува Deutsche Welle.
Потрагата по атентаторите од Париз води до Белгија, а оваа земја во последно време стана извор на европскиот џихадизам, пишува Deutsche Welle.
Во последните 18 месеци, поради исламистичкиот тероризам Белгија во пет наврати се најде во центарот на вниманието на светската јавност. Според политикологот Асјем ел Дифрауи, проблемите се од домашна природа.
„Белгија ги запостави опасностите од оваа сцена, ги запостави мерките за превенција, всушност тие запоставија се“, оценил тој за DW, додавајќи дека главната причина за ова е пред се внатрешната поделеност во земјата.
„Белгијците едноставно премногу се зафатени со самите себе. Валонците и Фламанците со години се блокираат меѓусебно и поради тоа никој нема капацитет да се бави со внатрешнополитичките проблеми во земјата“, смета Дифрауи.
Изгледот на статистиката пак најдобро покажува дека е потребна итна акција, односно според наводите на лондонскиот Меѓународен центар за истражување на радикализацијата и политичкото насилство (ICSR) во периодот помеѓу крајот на 2011-та и крајот на 2013-та година, и до 11 илјади исламистички борци отпатувале за Сирија и Ирак.
Од нив скоро секој петти доаѓа од западна Европа, а со 296 борци, Белгија е во врвот на земјите од кои потекнуваат борците во Сирија и Ирак. Како за споредба, од осум пати поголемата Германија, според проценките „само“ 240 борци завршиле во „светата војна“. Во однос на бројот на населението, Белгија со своите 27 борци на милион жители е главен извозник на европските џихадисти.
Градот Вервје на истокот на земјата, според наводите на едно истражување од Универзитетот во Лиеж, станал симбол на успехот на исламистичките фанатици. За време на една рација на белгиската полиција поради сомневање за терористички напад, на почетокот на 2015-та година беа убиени двајца исламисти, откако отвориле оган на полицијата.
Експертите на овој универзитет ја истражувале интеграцијата во општествените односи во Вервје, кој спаѓа меѓу најсиромашните градови во Белгија. Од 53 илјади население, 15 проценти имаат мигрантско потекло, а во градот живеат граѓани од 117 нации. Меѓу нив е и втората по големина чеченска заедница во Белгија, која важи за некој вид на јадро на исламскиот фундаментализам.
Според наводите на еден од поранешните припадници на исламистичката сцена, од 2011-та година помеѓу осум и десет лица од Вервје отпатувале за Сирија за да и се приклучат на терористичката група „Исламска држава“.
Во Белгија живеат 400 илјади муслимани, а меѓу нив многу е мал бројот на оние кои се подготвени на насилство. Сепак, во однос на оваа група на граѓани, веќе со година постои несогласување и судири. Стратегиите во борбата против фанатизмот се повеќе делуваат како симболична политика: Антверпен во 2009-та година го забрани носењето на марами во јавност, а две години подоцна, Белгија донесе закон против целосното покривање на телото.
Во однос на терористичките предупредувања пак, стратегиите се различни, а белгиската влада во јануари најави дека ќе делува. Прислушувањето на телефоните требаше да донесе поголема безбедност, но како што покажува и развојот на настаните, сите досегашни мерки во земјата не беа доволно успешни./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Градоначалникот на Киев: Имаме огромен проблем со војниците
Украина се соочува со критичен недостиг на војници, бидејќи рекорден број мажи ја напуштаат земјата и одат за Европа, предупреди градоначалникот на Киев, Виталиј Кличко, во интервју, пишува Политико.
„Имаме огромни проблеми со војниците – со човечките ресурси“, изјави Кличко за Axel Springer Global Reporters Network, признавајќи го данокот што речиси четиригодишната војна го нанесе врз способноста на Украина да ги пополни своите редови.
Руските сили, рече тој, неуморно напредуваат, опишувајќи ги нивните напади како „како компјутерска игра – тие само продолжуваат да доаѓаат, не им е гајле за паднатите војници“.
Кличко има предлог
Според сегашните правила, Украинците можат да бидат мобилизирани од 25 години, но Кличко верува дека ова треба да се промени. „Во минатото, 18-годишниците служеа во војска – но тие се деца“, рече тој. „Моментално во Украина можете да мобилизирате само од 25 години. Тоа би можело да се намали за една или две години – на 23 или 22 години.“
Овие изјави одразуваат растечка загриженост за масовното иселување на млади мажи од земјата. Владин декрет издаден во август со кој им се дозволува на мажите на возраст од 18 до 22 години да ја напуштат земјата се совпадна со нагло зголемување на бројот на Украинци кои бараат заштита во Европската Унија.
Најновите бројки покажуваат дека земјите од ЕУ одобриле повеќе од 79.000 барања за привремена заштита во септември, што е највисока месечна бројка за две години, со најголеми зголемувања регистрирани во Германија и Полска.
фото: принтскрин
Европа
Британец намамувал девојчиња преку „Снапчат“ и ги силувал: осуден е на 28 години затвор
Висок раководител на британскиот здравствен систем, опишан од судија како „лукав, интригантен и манипулативен“, е осуден на 28 години затвор за силување и сексуално напаѓање девојчиња што ги регрутирал преку „Снапчат“.
Пол Липскомб, 51, користел лажни профили за да ги намами жртвите, па дури и продавал видеа од злоупотреба на деца генерирани од вештачка интелигенција на веб-страница, објавува „Скај њуз“.
Мрежата на криминал почнала да се расплетува откако 15-годишно девојче, кое било пријавено како исчезнато, ѝ кажало на полицијата дека е силувано.
Обвинителката Фрида Хусеин КЦ изјави пред Крунскиот суд во Лестер дека Липскомб бил уапсен во април 2024 година под сомнение за киднапирање откако полицијата го запрела неговиот автомобил. Девојчето исчезнало од својот дом доцна во ноќта, а Липскомб ја зел и ја однел во хотел.
Полицијата подоцна го пронашла детето на изнајмена адреса, а при претресот на хотелот, автомобилот и неговиот дом биле откриени докази за сексуална злоупотреба, вклучувајќи меки играчки, средства за врзување, вотка и неколку мобилни телефони. „Тој обвинил други луѓе за сериозни кривични дела само за да ги прикрие сопствените злосторства“, нагласи обвинителот.
„Тој беше интелигентен, досетлив и добро организиран“
При изрекувањето на пресудата, судијата Кит Рејнор му се обрати на Липскомб, велејќи дека е „интелигентен, самоуверен, досетлив и добро организиран“ и дека неговите жртви се „вистински ранливи“.
„Доказите покажуваат дека сте биле лукави, интригантни и манипулативни. Бевте дрски во вашето криминално однесување и преземавте многу високи ризици. Сексуалната злоупотреба на млади девојки беше опсесија во вашиот живот“, рече судијата.
Тој се изјасни за виновен
Пол Липскомб се изјасни за виновен за 34 кривични дела и шест девојчиња на возраст од 12 до 15 години, извршени помеѓу септември 2023 и април 2024 година. Обвиненијата вклучуваат силување на дете под 13 години, 21 обвинение за сексуална активност со дете и правење и дистрибуција на непристојни фотографии од деца.
Тој беше осуден на 28 години и еден месец затвор. По неговото ослободување, тој ќе биде под надзор три години и ќе биде ставен во регистарот на сексуални престапници доживотно.
Полицијата се сомнева во нови жртви
Сепак, истрагата продолжува. Детективката Лорен Спејт од Единицата за истрага на злоупотреба на деца (CAIU) повика на претпазливост. „Нашата истрага за кривичните дела извршени од овој човек продолжува“, рече таа.
„Се сомневаме дека можеби бил во контакт со други девојки и можеби извршил сексуални престапи против други. Ги повикуваме сите што биле во контакт со него да не контактираат“, додаде Спејт.
Оженетиот Липскомб работел како специјалист за перформанси и ИТ во фондот на Универзитетските болници Ковентри и Ворикшир.
Болницата соопшти дека бил суспендиран веднаш по апсењето и отпуштен во јуни 2024 година.
фото: принтскрин
Европа
„Фајненшл тајмс“: ЕУ формира нова разузнавачка единица под водство на Фон дер Лајен
Европската комисија започна со создавање ново разузнавачко тело под претседателката Урсула фон дер Лајен, во обид подобро да ги искористи информациите собрани од националните разузнавачки агенции, објави денес „Фајненшл тајмс“.
Единицата што ќе се формира во рамките на секретаријатот на Комисијата планира да регрутира службеници од целата разузнавачка заедница на ЕУ и да собира разузнавачки информации за заеднички цели, објави весникот, повикувајќи се на четири лица запознаени со плановите.
Ројтерс не можеше веднаш да го потврди извештајот.
фото: принтскрин
Со емотивно видео семејствата на загинатите во „Пулс“ најавија нов протест в сабота во Скопје, следната недела почнува судењето
Здружението на граѓани „16-ти Март“ – кое го создадоа семејствата на жртвите во трагедијата која се случи во дискотеката „Пулс“...
(Видео) Николоски: Засилено работиме на реконструкција на обиколицата Крива Паланка
Вицепремиерот и министер за транспорт Александар Николоски на својот фејсбук профил објави видео од реконструкцијата на обиколницата во Крива Паланка....
(Видео) Трамп: Никој не знае што се магнети
Американскиот претседател Доналд Трамп повторно се најде во центарот на вниманието, овој пат со бизарна изјава за магнетите за време...
Израел сруши повеќе од 1.500 згради во Газа од почетокот на примирјето
Израел сруши повеќе од 1.500 згради во областите на Газа што ги контролира од почетокот на прекинот на огнот со...
Кинескиот претседател и шпанскиот крал Фелипе ги зајакнуваат врските, Мадрид сака кинески инвестиции
Кинескиот претседател Кси Џинпинг му соопшти на шпанскиот крал Фелипе VI дека втората по големина економија во светот сака да...
Британец намамувал девојчиња преку „Снапчат“ и ги силувал: осуден е на 28 години затвор
Висок раководител на британскиот здравствен систем, опишан од судија како „лукав, интригантен и манипулативен“, е осуден на 28 години затвор...
(Видео) Тајфунот Фунг-вонг донесе поплави во Тајван, илјадници евакуирани
Тајван евакуираше повеќе од 8.300 луѓе пред доаѓањето на многу ослабениот тајфун Фунг-вонг, кој донесе обилни дождови на планинскиот источен...
Лавров до Трамп: Наместо во Венецуела, треба да се реагира во Белгија, таму е поопасно
Рускиот министер за надворешни работи Сергеј Лавров изјави дека Москва не спровела нуклеарни тестови, отфрлајќи ги тврдењата на американскиот претседател...
Нормализиран сообраќајот на магистралниот пат Струмица – Дабиле
Од 04:20 часот сообраќајот на магистралниот пат Струмица – село Дабиле е нормализиран, извести АМСМ. Сообраќајот на државните патишта се...
Следната недела почнува судењето за пожарот во „Пулс“, обвинителството со тим од 15 обвинители
Судскиот процес за трагичниот пожар во дискотеката „Пулс“ во Кочани, во кој животот го загубија 63 лица, а над 200...
Трагична несреќа во Конче: 46-годишен маж убиен за време на лов, бил застрелан во стомакот и раката
Едно лице вчера е убиено за време на лов во селото Габревци. Според информациите на МВР, уапсени се 11 лица...
(Видео) Кузеска: Власта да ги објави бројките и да го разреши Трипуновски
Откако скандалот кој го најави СДСМ се потврди, денес е време власта да почне да одговара на клучните прашања кои...
Изнервирана затоа што бебето плачело, го удирала со раце и тупаници по устата и носот: Обвинителството поведе истрага против мајката
Основното јавно обвинителство Скопје донесе наредба за спроведување истражна постапка против 23-годишна жена со престојувалиште во ‘Ржаничино, која е осомничена...
(Видео) Мицкоски побарал да се стопираат исплатите од ИПАРД за да се види до каде одела злоупотребата: Ќе одговараат сите, од прв до последен
Премиерот Христијан Мицкоски, кој денеска беше во посета на фабриката „Костал“ во Охрид, негираше дека средствата од ИПАРД се блокирани...
Арсовска со повик до Ѓорѓиевски: Ако сакаш како маж да соочиш аргументи, ајде на дебата на ваш медиум по избор
Поранешната градоначалничка на град Скопје, Данела Арсовска, побара од новиот градоначалник Орце Ѓорѓиевски да ги објави сите фирми со долг,...
„Јавното здравство троши сè повеќе, а дава сè помалку“, истражување на Центарот за граѓански комуникации за јавните набавки во здравствениот сектор од 2015 до 2024 година
Центарот за граѓански комуникации го објави истражувањето за јавните набавки во здравствениот сектор во периодот од 2015 до 2024 година....
Расчистен случај со лажна сообраќајна несреќа во Битола, уапсени две лица
СВР Битола поднесе кривична пријава против С.Г.(54) од Прилеп и С.И.(31) од Крушево поради постоење основи на сомнение за сторено...
Русите велат дека спречиле голем украинско-британски заговор: „Сакаa да киднапираат ‘миг-31’“
Руската Федерална служба за безбедност (ФСБ) соопшти дека осуетила заговор на украински и британски разузнавачки службеници да ги убедат руските...
(Видео) Силна експлозија на автомобил во главниот град на Индија, најмалку 10 мртви
Силна експлозија на автомобил-бомба потресе прометна област на индискиот главен град вчера, при што загинаа најмалку 10 лица, а десетици...
(Видео) Украинците ја нападнаа Русија со дронови: погодена голема рафинерија за нафта
Рафинерија за нафта во рускиот град Саратов беше нападната од украински беспилотни летала во текот на ноќта, според објавите на...
