Британскиот премиер Дејвид Камерон ја започна во петокот претпладнето во полската престолнина Варшава на куса турнеја, во текот на којашто престојува и во данскиот главен град Копенхаген, во потрага по поддршка за договорот меѓу Лондон и Брисел кој би дал причини Велика Британија да остане дел од Европската унија, пренесуваат агенциите.

Британскиот премиер Дејвид Камерон уште пред средбата со полската колешка Беата Шидло, изјави дека реформите коишто ги бара од Европската унија ќе бидат „добри и за Европа, за Велика Британија и за Полска“. Го истакна, исто така, „целосното стратешко партнерство“ меѓу двете земји во однос на наводната „руска закана“.

Премиерката Шидло јасно даде до знаење дека Полска сака Вели Британија, која е „важен стратешки партнер“ на Полска, да остане во ЕУ, додавајќи дека Варшава поддржува добар дел од британските предлози во врска со барањата кон Брисел.

„Во целост ги подржуваме предлозите во врска со решенијата чијашто цел е јакнењето на конкурентноста, отстранувањето на бирократските препреки и давањето на вистинска важност на националните парламенти“, порача Шидло.

Полската премиерка, меѓутоа, потсети дека „во Велика Британија живеат и работата повеќе од милион Полјаци кои придонесуваат за нејзиниот бруто домашен производ (БДП)“, како и дека таа сака тие луѓе „да ги уживаат истите услови за својот развој“ како и Британците.

Во фокусот на разговорите меѓу Камерон и челниците на земјите од Вишеградската група – Полска, Чешка, Словачка и Унгарија, се токму најавите на Лондон за намалување на социјалните примања за работниците од земјите членки на ЕУ во Велика Британија, а овие земји имаа стотици илјади свои граѓани кои работат на Островот.

Шидло во четвртокот за лондонски The Times, изјави дека британски предлози за полските работници се „незадоволителни“. И таа во ваквото размислување не е осамен, а извори блиски на преговорите меѓу Лондон и Брисел претходно истакнаа дека ниеден европски челник не е задоволен од моменталните предлози на оваа тема и дека е тешко дека на самитот на 8-ти и 19-ти февруари за тоа ќе биде постигнат договор./крај/мф/сн

Извор: Reuters/AFP