Европа
Brexit: Владата ја исклучи можноста за уште еден референдум

Британската влада им одговори во саботата на граѓаните, повеќе од четири милиони кои ја потпишаа петицијата да се организира уште еден референдум за излегувањето од Европската унија по оној од 23-ти јуни, објавувајќи дека нема да има втор плебисцит.
Секој потписник на петицијата добил електронска порака со потписот на министерство за надворешни работи во која се вели дека „владата одговара на петицијата којашто сте ја потпишале“.
Со оваа петиција се повикуваше „владата да го примени правилото според која треба да се организира уште еден референдум, доколку гласањето во полза на останувањето или излегувањето од ЕУ изнесува помалку од 60 отсто од гласовите со процент на излезност на гласачките места понизок од 75 отсто“.
„Како што премиерот јасно рече во својата изјава пред Пратеничкиот дом на 27-ми јуни, референдумот беше најважниот израз на демократијата во британската историја со повеќе од 33 милиони лица кои се одѕвале“, пишува во одговорот на владата.
„Премиерот и владата јасно рекоа дека станува збор за единственото гласање за една генерација, и дека одлуката мора да се почитува. Сега мораме да ја подготвиме постапката за истапување од ЕУ и владата е решителна да го гарантира најдобриот можен резултат за британскиот народ во тие преговори“, се заклучува во електронската порака.
Британците, односно 17,5 милиони или 51,9 отсто, на 23-ти јуни гласаа во полза на излегувањето на Велика Британија од Европската унија. Излесноста на гласачите изнесуваше 72,2 отсто./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија: Полјаците не ни доставија никакви докази дека дроновите се од наше потекло

Москва тврди дека Полска не доставила никакви докази што покажуваат дека беспилотните летала што биле соборени во Полска се од руско производство.
Вршителот на должноста амбасадор на Русија во Полска, Андреј Ордаш, потврди за новинската агенција „РИА новости“ дека бил повикан од полското Министерство за надворешни работи по инцидентот.
Ова е првиот коментар на Русија по инцидентот, кој се случи преку ноќ.
Европа
Објавена фотографија од руски дрон во Полска

Порталот Defence24 објавува дека руски дрон е пронајден во градот Чешники, во близина на Замошќ и на 40-ина километри од границата со Украина.
Читател ја испратил фотографијата од леталото до редакцијата, а според неофицијални информации, станува збор за дрон од типот „Гербер“, кој Русија го користи за преоптоварување на украинската воздушна одбрана.
Во текот на ноќта Русија изврши масовен напад врз Украина, а повеќе од десет дрона влегоа во полскиот воздушен простор. Полската војска потврди дека оние што претставуваа директна закана биле соборени. Бројот и начинот на движење на леталото, според Defence24, укажуваат на намерна руска провокација.
фото: принтскрин
Европа
Објавена мапа од синоќешниот руски напад врз Украина: прикажани и дроновите што влегле во Полска

Украинските медиуми објавија мапа на која се прикажани беспилотните летала што учествуваа во синоќешните руски напади врз Украина. Главни цели беа Донбас и регионите Ивано-Франкивск, Лавов, Луцк, Одеса, Виница и Житомир. Некои од беспилотните летала го напуштија украинскиот воздушен простор и влегоа во Полска. Според украински извори, дури 14 руски беспилотни летала влегоа во Полска.
Полска потврди дека повеќе од десетина беспилотни летала влегле во нејзиниот воздушен простор за време на нападот врз Украина. Оние што претставуваа непосредна закана беа соборени, а во акцијата учествуваа и неколку холандски борбени авиони „Ф-35“.
Во Полска, во регионот Лублин, беспилотно летало удри во куќа, но немаше повредени. Во источна Полска, во градот Вирики, беспилотно летало или објект сличен на беспилотно летало удри во станбена куќа – покривот беше оштетен, но исто така немаше повредени.
Полскиот премиер Доналд Туск го опиша инцидентот како чин на агресија и нагласи дека НАТО реагирал активно вклучувајќи распоредување холандски борбени авиони и привремено затворање на аеродромите, вклучувајќи го и тој во Варшава.
фото: принтскрин