Премиерите на Унгарија и на Чешката Република се заземаа во петокот за формирање заедничка европска војска на средбата во полската престолнина Варшава со германската канцеларка и полскитe и словачкитe колеги, пред самитот на Европската унија кој ќе се одржи во словачката престолнина Братислава на 16-ти септември кој ќе биде посветен на иднината на ЕУ по одлуката на Велика Британија да ја напушти Унијата.

„Безбедноста мора да ни биде приоритет и мораме да започнеме да градиме заедничка европска војска. Британското излегување не е причина за кризата во ЕУ, туку последица, Европската унија во сите области ја загуби способноста да се прилагодува. Затаи во текот на финансиската криза, нема одговор на имигрантската криза, на тероризмот. Проблемот се состои во тоа што не ги почитуваме ниту нашите договорени принципи. Ниту Шенгенот, ниту буџетските правила“, изјави унгарскиот премиер Виктор Орбан. Повикувајќи на подобрата заштита на шенгенските граници, чешкиот премиер Бохуслав Соботка оцени дека не станува збор само за јакнење на соработката во борбата против тероризмот, туки и дека треба да „започен расправа за можно формирање заедничка европска војска“. Полска, која е домаќин на оваа средба, го споделува овој став. По одлуката на Британците да излезат од ЕУ, челникот на владејачката партија Јарослав Качински побара институционални реформи на Унијата во насока на конфедерација, со претседател кој би требало да ја води заедничката војска.

Полската премиерка Беата Шидло во петокот повтори дека на ЕУ ѝ се неопходни реформи за да биде посилна и повеќе ориентирана кон развојот, истакнувајќи дека реформите во прв ред мора им обезбедар на европејците да „чувствуваат дека се господари на ЕУ“.

Германската канцеларка Ангела Меркел изјави дека „безбедноста е најважниот проблем“ и оти „мораме да сториме повеќе, заедно, за безбедноста и одбраната“.

„Безбедноста не е само борба против тероризмот. Тоа е цела низа проекти кои не се реализирани, на пример регистерот и излегувањето од шенгенскиот простор, прашањето на миграциите и хуманитарната одговорност. Брекзитот не е обичен настан, тоа е пресвртница во историјата на ЕУ, оттаму мораме да пронајдеме паметен одговор“, порача Меркел.

Меркел истакна дека е важно земјите од Европската унија во текот на подготовките на самитот на 16-ти септември „да се слушаат едни со други во многу различни аспекти“.

Германската визија на федерална Европска унија е во спротивност со визијата на новите земји членки од истокот, кои се залагаат за конфедерација на државите – нации.

Друго чувствително прашање е мигрантската криза, бидејќи источна Европа е против системот на квотите за кои се залагаат Брисел и Берлин. Вишеградската група, односно Полска, Чешка, Словачка и Унгарија, сметаат дека мигрантската криза да се решава со пружање помош во регионите од кои доаѓаат бегалците, значи не во Европа, туку на Блискиот исток и во Африка.

Меркел изрази увереност дека е можно да се пронајде решението, согласувајќи се дека патот за решавање на кризата е договор со третите земји да ги задржат бегалците, како што е договорот со Турција.

„Луѓето ќе ја прифатат Европа, само доколку таа им ја осигури материјалната благосостојба. Мораме да им понудиме добро платени работни места. Имаме многу работа“, порача германската канцеларка./крај/мф/сн

Извор: AFP