Европа
Четириесет минофрлачки гранати од Украина истрелани на руска територија

Четириесет минофрлачки гранити коишто ги истрелале украинските сили во петокот паднале на руска територија во близина на градот Ростов при што под оган се нашол и тим иследницит на Истражниот комитет на Руската Федерација.
„Околу четириесет минофрлачки гранати паднаа од Украина во округот Ростов-на-Дон“, изјави Василиј Малаев, портпарол на Федералната служба за безбедност (ФСБ) во регионот кој се наоѓа во близина на границата со Украина, каде што силите на прозападните власти во Киев повеќе од три месеца се обидуваат да го скршат вооружениот отпор на проруските бунтовници.
Тимот на Истражниот комитет попаднал под минофрлачки оган од украинска територија во близина на селото Примиуско, кога вршел набљудување по информациите за претходното гранатирање од средата на ова место во Ростовската област, изјави портпаролот на руската агенција, Владимир Маркин.
„Нема никакво сомневање дека огнот го отворија вооружени лица од страната на Украина, кои имаа намера да ги убијат службениците на руските правосудни органи. И, очигледно, само лошата обученост на украинските војници и навремената евакуација на иследниците под закрила на оклопни возила придонесоа да не се оствари нивната намера“, изјави Маркин за РИА Новости.
Додава дека вкупно се регистрирани 47 кратери од гранати, најверојатно со калибар 82 мм. Подоцна во истата област од украинска територија биле истрелани уште 32 гранати, прецизира Маркин. Од гранатирањето со полесни контузии се здобила малолетничка од селото Промиуско, која била во дворот на нејзиниот дом
Агенцијата потсетува дека ова не е првпат руската територија да биде гранатирана од страна на украинските сили стационирани во близина на границата. Во петокот во областа на Кујбишевкиост регион биле истрелани 45 гранати, од кои десетина паднале на фарма кај Примиуско. Во средината на јули, пак, со фугасни гранати беше гранатиран рускиот град Донецк во Ростовската област, кога загина еден маж а две жени беа ранети./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украина разнесе руски брод што превезувал иранско оружје

Украинските специјални сили извршија напад врз руското пристаниште Оља во регионот Астрахан погодувајќи брод што превезувал делови од беспилотните летала „Шахед“ и иранска муниција. Се сомнева дека украинските беспилотни летала истовремено нападнале рафинерија за нафта во регионот Самара, објавува „Киев пост“.
Според соопштението од Генералштабот, нападот е извршен во четвртокот во соработка со Силите за специјални операции и други единици на одбранбените сили со цел да се намали способноста на Русија да спроведува воздушни напади.
Пристаништето Оља е еден од клучните логистички центри за увоз на воена опрема од Иран. Бродот „Порт Оља 4“, кој наводно превезувал делови за беспилотни летала и муниција, бил погоден. Процената на штетите е сè уште во тек.
Рано утрово беспилотни летала од Краснодар нападнаа рафинерија во градот Сизран во регионот Самара. Мештаните пријавија до 10 експлозии од 4 часот наутро, а снимки и фотографии од пожар во објектот се појавија на „Телеграм“. Руските власти сè уште не ја потврдија штетата.
Украина официјално не коментира до моментот на објавување.
Руското Министерство за одбрана тврди дека неговата воздушна одбрана соборила 53 украински беспилотни летала преку ноќ.
фото: принтскрин
Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин