Европската унија потполно потфрли во актуелната бегалска криза и државите од југоисточна Европа на цедило, иако уште пред два месеца беше јасно дека бегалскиот бран од Италија ќе се префрли на балканската рута и ќе се интензивира поради очекување на студените денови, изјави во разговорот за љубљанскиот весник Delo во вторникот, потпретседателот на Меѓународната организација на Црвениот крст, Франческо Рока, оценувајќи дека најдобро решение за оваа криза е воспоставувањето на хуманитарните коридори за префрлување на бегалците во Европа.

„Не станува збор во Хрватска или реакциите на бегалците во Словенија, туку за соите држави во ЕУ коишто на досегашните состаноци не постигнаа ништо конкретно, па системот во целост откажува“, вели Рока.

Додава дека Европската унија навреме не ги уважила предупредувањата од хуманитарните организации, како Црвениот крст и Црвената полумесечни, како и дека останала глува на повиците добро да се подготви за бегалскиот бран од камповите во соседните земји на Сирија и Ирак, бидејќи Ирачаните и Сиријците во нив престојуваат повеќе години и оти е нормално да се очекува дека ја загубиле сета надеж за враќање во татковината, и започнуваат да се преселуваат кон Европа, иако не е збор за традиционално номадски народи.

„Мораме да бидеме подготвени дека ваквите миграции во иднина ќе бидат континуитет и дека овој бран ќе потрае, вели Рока, критикувајќи ги земјите од Европската унија поради тоа што не можат да се договорат за конзистентна имиграциска и азилантска политика, па дури ниту за квотите за азилантите, а земјите во регионот ни кои тие патуваат кон својата цел ги оставаат на цедило.

„Државите коишто се соочуваат со бегалската криза редовно се препуштени самите на себеси и нема брза реакција. Европскиот систем едноставно не делува како тогаш кога се расправаше за економските проблеми на Грција и кога решенијата се носеа на живите дискусии длабоко во ноќта“, вели Рока оценувајќи дека најдоброто решение би било преку хуманитарни коридори преку кои бегалците би биле пренесувани во Европа.

Воспоставувањето хуманитарни коридори би оневозможило на нив како над „робовски работници“ некои да заработуваат, некои политичари и влади да шират ксенофобија, а најмногу профит на нив остваруваат оние коишто ги контролираат илегалните канали за префрлување на бегалците и имигрантите.

„Секој европски договор кој би бил изнајден, мора да го уважува човечкото достоинство, а решението е и во воспоставувањето на безбедните коридори за да се спречи тие луѓе да доаѓаат по море во рацете на криумчарите“, појаснува Рока, оценувајќи дека воената ситуација во Ирак и Сирија нема така брзо да престани и дека повеќе години и по тоа тие општества ќе закрепнуваат и долго време ќе мине тие да станат безбедни за живеење.

„Ќе бидат неопходни години тие држави да се обноват по овие грозни војни и во нив животот да се нормализира, па мораме да бидеме подготвени дека миграциите на коишто сведочиме ќе станат континуирани“, наведува Рока во разговорот за љубљанскиот дневен./крај/мф/сн

Извор: Delo