Десетици илјади луѓе се собраа во саботата на повикот на британските синдикати во големите градови Лондон, Глазгов и Белфаст, барајќи зголемување на минималната плата и против намалувањето на платите кои паднале за 50 фунти од 2007 година и покрај добрата кондиција на британската економија.

Во протестите под мотото „Британците бараат зголемувања“ организирани од Националната федерација на синдикатите (Trade Union Congress – TUG), земаа учество државните службеници, здравствените работници, во најголем број медицинските сестри коишто штрајкуваа и претходно седмица. Според процените на синдикатите, на повикот за протестите во целата земја се одѕвале до 80 илјади луѓе. Учесниците на протестот во Лондон го одржаа маршот по рутата од Хајд парк, каде што се собраа околу палднето, кон Трафалгар сквер до владините згради во улицата Вајтхол.„Ние сакаме да соопштиме дека по продолжителното и најзначајното во историјата намалување на минималните плати, дојдено е времето да се стави крај на ограничувањето на употребата на придобивките од економскиот раст, на кои се изложени најголемиот дел од населението. Неделната плата на работник сега изнесува 50 фунти помалку отколку во 2007 година, а околу пет милиони Британци се платени помалку од егзистенцијалниот минимум. Истовремено том менаџерите добиваат 175 пати повеќе од работниците“, изјави за британските медиуми челничката на синдикалната федерација, Френсис О’Греди.„Време е да се стави крај на блокадата на платите коишто повеќето луѓе ги држат настрана од економската обнова“, истакна О’Греди.Од своја страна, владата во Лондон коментирајќи ги протестите, соопшти дека таа претпочита да ги концентрира напорите на борбата со невработеноста.„Оваа владата го има направено најголемото намалување на нивото на невработеноста, Работните места им станаа достапни за повеќе луѓе, во моментов невработеноста е многу помала отколку во времето на претходната влада. Тоа докажува дека долгорочната економска стратегија се работи исправно. Единствениот начин да се подобри стандардот на живеењето е да се реализира таа стратегија“, ја пренесуваат медиумите изјавата на портпаролот на министерството за финансии на Велика Британија.Со овие протесни маршеви заврши седмицата којашто е одбележана со активностите на социјалните движења во Велика Британија. Во понеделникот, имено, стотици илјади вработени во државните здравствени служби (NHS) го прекинаа работењето на четири часа барајќи зголемување на платите. Во средата десетици илјади државни службеници беа во 24-часовен штрајк против замрзнувањето на платите. Антивладините активисти, пак, во петокот и саботата се собраа во близина на британскиот парламент со намера да го обноват движењето „Occupy Democracy!“.Овие акции се одвиваа во моментот кога Државниот статистички завод објави во средата дека е забележан нов пад на невработеноста кој се зацврстила на 6 отсто, што е најниското ниво од 2008 година. Меѓутоа, платите на Британците и натаму паѓаат, бидејќи растат само 0,9 отсто што е помалку од инфлацијата во текот на минатата 2013 година./крај/мф/сн

Извор: Reuters/AFP