Европа
Џихадистите уапсени во Русија планирале напади слични на париските

Групата од десетина џихадисти од централноазиските земји коишто во саботата ги уапси руската Федерална служба за безбедност (ФСБ) планирале да изведат симултани напади на повеќе јавни места во Москва и во Санкт Петербург, слични на минатогодишните од 13-ти ноември во Париз, пренесуваат во неделата руските медиуми повикувајќи се на официјални извори.
Како што соопшти во саботата ФСБ, во операцијата биел уапсени десет државјани на централнозиски земји кои признале дека се поврзани со џихадистичката група Исламска држава и оти контактирале со нејзините челници во Сирија. А планирале „серија терористички напади и саботажи во Москва и во Санкт Петербург“.
Како што пишува информативната мрежна страница на Санкт Петербург, Fontanka.ru, седум од уапсените во овој град планирале напади врз два големи трговски центри.
Весникот Росискаја Газета пишува, повикувајќи се на извори во безбедносните служби, дека уапсените „планирале терористички напади слични на париското сценарио“ во коишто точно пред една година во француската престолнина беа убиени 130 луѓе во близина на стадион, на тераси од кафулиња, во ресторани и во концертна сала.
„Повеќе експлозивни направи требало симултано да експлодираат на места на коишто се собираат голем број луѓе. Истовременово неколку градски населби терористите требало да почнат да пукаат врз мноштво луѓе од автоматско оружје“, рекле изворите на весникот.
Во написот се истакнува дека уапсените лица биле припадници на „професионална терористичка групација“.
Кај уапсените запленети се четири импровизирани експлозивни направи со голема моќност, огнено оружје, детонатори, муниција и комуникациска опрема, соопшти ФСБ. Операцијата е изведена во соработка со безбедносните служби на Таџикистан и Киргистан, двете поранешни советски републики од Централна Азија со муслиманско мнозинство./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.