Европа
Die Welt: Австрија сака да ѝ помогне на Македонија во чувањето на границата
Австрија ќе испрати опреа за да ѝ помогне на Македонија своите граници да ги држави затворени, со што и главната мигрантската рута да остане затворена, пишува во средата германскиот печат.
Минатата седмица Македонија ја затвори својата јужна граница кон Грција, откако тоа го сторија земјите од ткн балканска мигрантска рута, и откако на нејзината северна граница кон Србија останаа блокиран над илјада бегалци и мигранти. Луѓето кои во вторникот се обидуваа да ја мината границата беа принудени да се вратат назад во Грција, каде што околу 12.000 мигранти се спречени да ги продолжат патувањето кон северот на европскиот континент.„Австрија ѝ понуди помош на Македонија. Министерство за одбрана во моментов проверува може да помогне со испраќање техничка опрема, како што се специјални очила за ноќно набљудување“, изјави за германскиот весник Die Welt, австрискиот министер за одбрана Петер Доскозил.Балканската рута, главниот европски пат преку кој мигрантите сакаат да мина во настојувањето да стигнат до богатите земји на западот и северот од Европа, „мора по секоја цена да остане затворена“. Доскозил претходно во вторникот изјави и дека Австрија, кој го координираше воведувањето на рестрикција со државите од ткн западнобалканската рута, поради што илјадници мигранти останаа блокирани во Грција, ќе мора да воведе построги контроли на граничниот премин Бренер со Италија што би требало да осигури мигрантите коишто ќе го минат Медитеранот да не можат да го продолжат патот на север.Австрија минатата 2015 година добила повеќе од 90.000 барања за азил, со што според глава на жител е втората зад Шведска во Европа. За оваа година, го одреди лимитот на 37.500 баратели на азил.Македонија ќе ги преземе сите мерки и активности за заштита на државните граници и за зачувување на националната безбедност, а безбедносните инситуции и во иднина, како и досега, ќе продолжат одговорно и професионално да се справуваат со бегалската криза, порача во вторникот ноќта претседателот Ѓорѓе Иванов по седницата на Советот за безбедност, по повод инцидентот од претходната ноќ кога стотици мигранти од територијата на Европската унија и Шенген-зоната се обидоа илегално да ја преминат државната граница, надвор од официјалниот граничен премин и да влезат во подрачјето во кое е прогласена кризна состојба. „Со затворање на балканскиот коридор, очекувано беше да се зголемат обидите за насилно и илегално влегување во Македонија. Но, она што јас лично не го очекував е преземањето на крајно некоректни активности со кои потенцијално се загрозува целокупната регионална безбедност. Република Македонија ниту е членка на Европската унија, ниту на НАТО, ниту на Шенген зоната и не може да ги трпи последиците на неединствената политика на Унијата“, порача претседателот Иванов./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.