Европа
ЕУ ги дефинираше начелата за договорот со Турција, следат преговори за деталите

Челниците на Европската унија ги договорила на состанокот во рамките на самитот ЕУ-Турција во Брисел ноќта кон вторникот начелата од заедничкиот договор за управување со мигрантската криза и го задолжија претседателот на Европската комисија Доланд Туск следните десет дена да преговара за поединостите со Турција за да се дефинира поконкретен договор.
Челниците на Европската унија ги договорила на состанокот во рамките на самитот ЕУ-Турција во Брисел ноќта кон вторникот начелата од заедничкиот договор за управување со мигрантската криза и го задолжија претседателот на Европската комисија Доланд Туск следните десет дена да преговара за поединостите со Турција за да се дефинира поконкретен договор.
Турскиот премиер Ахмет Давутоглу претходно за време на работниот ручек во понеделникот предложи конкретен предлог од дополнителни три милијарди евра до 2018 година, покрај оние кои ЕУ ги вети на самитот ланскиот ноември, укинување на визите до крајот на јуни годинава за турските државјани, забрзување на пристапните преговори за членство во ЕУ и договор за враќање на мигрантите од Грција во Турција за врз основа на формулата „за еден Сириец кој со реадмисија е вратен од грчките острови во Турција, еден Сириец ќе биде релоциран“ директно од Турција во земја на ЕУ.
Европските челници кои не можеа до доцна во ноќта да се договорат за конкретни цели, па договорија заедничка рамка и му дадоа можност на Европската комисија Доланд Туск во следните десет дена да преговара со Турција кога треба да се конкретизираат некои работи.
Во заедничката изјава којашто ја прифатија челниците на 28-те земји членки на Европската унија, откако претходно се противеа германската канцеларка Ангела Меркел и претседателот на Европската комисија Жан-Клоид Јункер кои не се согласуваа со предлог декларацијата на челниците на Европската унија да биде вметната реченицата дека ткн „западнобалканската (бегалска) рута е затворена“, сега е наведува дека „нерегуларниот тек на мигрантите по должината на западнобалканската рута сега е завршен“.
Меркел изјави дека турската понуда да ги прифати илегалните мигранти, претставува можност за напредок во решавањето на мигрантската криза. Додаде дека челниците на ЕУ дале начелна поддршка за предлогот на Давутоглу, но де е потребно уште да се работи за да се дојде до конечен договор.
Во заедничката изјава на челниците на ЕУ се вели дека претседателот на Европскиот суд Доналд Туск врз основа на договорените принципи ќе работи на деталите со турската страна до следниот самит на ЕУ кој ќе се одржи на 17-ти и 18-ти март. Во изјавата, исто така, се вели дека ЕУ ќе ѝ помогне на Грција да се справи со големиот прилив бегалци и ќе обезбеди „ефикасен одговор на многу тешката хуманитарна ситуација на теренот“, Се вели и дека на Грција треба да ѝ се осигури помош во управувањето со надворешните граници, вклучително и со границата со Македонија каде за премин чекаат околу 13.000 мигранти./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: Подготвени сме да купиме 10 системи „Патриот“, само треба да најдеме средства

Украина работи на обезбедување испорака на десет системи за воздушна одбрана „Патриот“, а исто така е важно системите веднаш да пристигнат со ракетите, изјави украинскиот претседател Володимир Зеленски, како што објави УНН.
„Имаме барање за десет системи. Ова го кажав јавно. Моментно работиме со партнери за да ги обезбедиме овие десет. Исто така, работиме на прашањето за ракетите, ги имаме“, рече Зеленски.
Украинскиот претседател додаде и дека САД ќе ѝ продадат системи „Патриот“ на Украина. Украина мора да најде средства за сите десет системи.
„Трамп, претседателот на САД, ќе ни ги пренесе системите, ќе ни ги продаде. Наша задача е да најдеме пари за сите десет системи. Би сакале веднаш да имаме пакет ракети за секој систем“, истакна претседателот.
Тој исто така истакна дека Германија моментно ја потврдила испораката на два система „Патриот“, а Норвешка – еден.
„Официјално добив потврда од Германија за два система, од Норвешка – еден. Сега работиме со холандски партнери“, додаде Зеленски.
Фото: принтскрин
Европа
(Видео) Макрон тужи американска конзервативка, која тврди дека Брижит е маж

Францускиот претседател Емануел Макрон и неговата сопруга Брижит поднесоа тужба против Американката Кандис Овенс поради тврдење дека првата дама на Франција е, всушност, маж.
Тужбата е поднесена во американската држава Делавер и содржи 22 точки од обвинението, а двојката бара парична отштета за клевета и отштета.
Кандис е конзервативна авторка, водителка, политички коментатор и активистка. Таа е позната по својата активна поддршка на Трамп за време на неговиот последен мандат. Сепак, неодамна јавно се дистанцира од него. Таа постојано изјавуваше дека тој ја разочарал и дека сега „се срами што некогаш го поддржувала“. Таа ги критикува неговите политички потези и го обвини дека ги предаде принципите што тој вети дека ќе ги брани.
Според адвокатот на Макрон, Том Клер, францускиот претседател и неговата сопруга повеќе од една година безуспешно се обидуваат да ја спречат Овенс, која шири теории на заговор за Брижит на социјалните медиуми и на „Јутјуб“.
Во март оваа година Овенс објави видео со наслов „Дали првата дама на Франција е маж?“, кое беше масовно споделувано на платформата „Икс“. Во него таа тврдеше дека тоа е „најголемиот политички скандал во историјата“.
Потоа таа продолжила да објавува содржини за Брижит вклучувајќи серија видеа наречени „Станувајќи Брижит“. Таа исто така продавала маички со слогани што ја промовираат теоријата, според тужбата. Емануел и Брижит тврдат дека Овенс била повеќе пати замолувана да престане да ги изнесува овие тврдења и ѝ дале докази дека Брижит е родена како жена по име Брижит Троње, дека не е во роднинска врска со Емануел Макрон и дека тие не се под никакво влијание, како што инсинуира Овенс.
„Ова не е само политички удар. Ова е лично. И двајцата се човечки суштества, имаат брак, семејства и чувства. И ова ги засега“, изјави адвокатот Клер за Си-ен-ен.
Во тужбата се тврди дека Макрон и неговата сопруга претрпеле сериозни штети – нивната приватност, углед и деловните можности биле нарушени. „Секојпат кога ќе ја напуштат куќата, тие знаат дека многу луѓе веруваат во овие лаги. Тоа е понижувачки, инвазивно и, едноставно, неправедно“, се вели во документот.
Овенс сè уште продолжува
Кога дознала за тужбата, Овенс се појавила на „Јутјуб“. Таа објавила видео, во кое, меѓу другото, рекла дека е подготвена да ја добие оваа војна. „Мажот Брижит очигледно има многу храброст“, рекла таа.
Таа исто така објави фотографија од двојката Макрон на „Инстаграм“ со порака: „Денес ќе ја земам оваа перика. Останете со мене“. Подоцна, на „Јутјуб“ изјави дека тужбата е „очаен обид да се спаси нејзиниот имиџ“.
Брижит Макрон се соочила со слични обвинувања и претходно – во 2022 година таа тужеше две жени во Франција, кои ширеа слични дезинформации. Првично ја доби пресудата, но случајот сега е вратен на повисок суд.
Фото: принтскрин
Европа
(Видео) Се урна патнички авион во Русија

Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата.
Остатоците од патничкиот авион се пронајдени на 15 километри од Тинда, планираната дестинација. SHOT објаснува дека хеликоптерот за пребарување не можел да слета во близина на местото на несреќата, па затоа спасувачите ќе мора да стигнат таму пеш.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
„РИА новости“, повикувајќи се на извори, пишува дека, според прелиминарните податоци, нема преживеани.
Гувернерот на регионот, Василиј Орлов, изјави дека, според прелиминарните податоци, во авионот имало 43 патници, меѓу кои пет деца и шест члена на екипажот.
Министерството за вонредни ситуации го процени бројот на луѓе во авионот малку помал, на 40-ина.
Фото: принтскрин