Европската унија објави во четвртокот дека го „задржува правото на преземање мерки“ против Русија по нејзината „очигледно политичка одлука “ на една година да го забрани увозот за повеќето прехранбени производи од ЕУ и САД, а средбата на европско ниво ќе се одржи „уште следната седмица“, зашто може да дојде до задушување на европскиот пазар со продукти во вкупен износ до 12 милијарди евра.
 

Европската унија објави во четвртокот дека го „задржува правото на преземање мерки“ против Русија по нејзината „очигледно политичка одлука “ на една година да го забрани увозот за повеќето прехранбени производи од ЕУ и САД, а средбата на европско ниво ќе се одржи „уште следната седмица“, зашто може да дојде до задушување на европскиот пазар со продукти во вкупен износ до 12 милијарди евра.

Рускиот премиер Дмитриј Медведе во четвртокот објави дека на сила стапи едногодишната „целосна забрана“ за увоз на повеќето прехранбени производи од Европската унија и од САД, поради нивните санкции воведени против Русија. Забраната се однесува на увоз на говедско и свинско место, на месо од живина и месни преработки, риба и други морски плодови, сирења, млеко и други млечни производи, овошје, зеленчук и јаткасти плодови од САД, ЕУ, Австралија, Канада и Норвешка.

„Откако Европската комисија ќе ги разгледа сите мерки преземени од страна на Руската Федерација и откако ќе дознаеме повеќе за нивниот целосен опсег, го задржуваме правото да преземеме соодветна акција“, изјави портпаролот на ЕК, Фредерик Винсен за AFP.

„Европската унија жали поради руските мерки, коишто очигледно се политички“, истакна Винсент. Додаде дека Европската комисија останува посветена на деескалацијата на состојбата во Украина и ги повикува сите страни да се придружат на тие напори.

Русија е најголемиот увозник на овошје и зеленчук од Европската унија. На пример, во 2011 година откупила 21,5 отсто од извозот на зеленчук на ЕУ и 28 проценти од целото овошје што ЕУ го извезувала.

„Уште следната седмица се планира средба на европско ниво и доколку биде потребно пота ќе свикаме неформална средба на министрите за земјоделие“, изјави за радиото RTL францускиот министер за земјоделие Стефан Л’Фол додавајќи дека веќе имал контакти со германскиот и со полскиот колега.

„Прво ќе ги анализираме работите, ќе се договориме и ќе донесеме одлука што,м ќе ги процениме последиците од руските мерки“, додаде Л’Фол. Според францускиот министер, „ќе биде потребно да се донесат одлуки за француските и за европските производители. Со Европската комисија треба да се разговара за последиците и за мерките коишто ќе ги донесеме“, рече истакнувајќи дека „одлуките во врска со риболовот и нектарините ќе бидат донесени многу брзо“.

Овие два производа се во центарот на жестоката конкурентска битка меѓу Франција, Италија и Шпанија, а оваа инаку во Русија извезува околу 100 илјади тони овошје.

Кај европските производители и во Брисел постои стравување дека производите забранети на рускиот пазар во крајна линија да предизвикаат задушување на европскиот пазар.

Обемот на извозот од земјите членки на Европската унија во Русија на храна и земјоделски производи се проценува на сума меѓу 10 и 12 милијарди евра годишно според аналитичката агенција Raiffeisen Research која истакнува дека толку би можела да изнесува загубата на ЕУ, доколку Русија се одлучи за целосна забрана а не на ограничен увоз на споменатите продукти. /крај/мф/сн

Извор: Макфакс