Европа
Франција е подготвена во рок од 20 минути да одговори на вооружен напад
Франција ќе гарантира брз одговор, во рок од најмногу 20 минути, на полицијата и антитеористичките воени единици на евентуални нови терористички напади, поучена од урокот по 13-ноемвриските напади во Париз од страна на џихадистите од организацијата Исламска држава, објави француското министерство за внатрешни работи.
Освен тоа што ќе бидат ангажирани дополнителни безбедносни сили, специјалните единици ќе добијат и нови упатства со коишто ќе бидат надминати традиционалните дилеми во преземањето на одговорноста меѓу полициските и воените сили кои можат да пружат правовремен вооружен одговор, појасни францускиот министер за внатрешни работи Бернар Казнев. Мерките ќе обезбедат одговор во рок од 20 минути на напади врз цивилното население на кое и да е место во Франција, додаде.
„Во кризите нашите граѓани очекуваат непогрешлива соработка во секој поглед, Нема време за натпреварување меѓу силите, туку во прв ред за единство, обединување на ресурсите и соработка во заеднички интерес“, изјави Казнев.
По терористичките напади од ланскиот 13-ти ноември во Париз особено во концертната сала „Bataclan“, каде беа убиени 90 од вкупно 130-те жртви, во јавноста се постави прашањето поради што одговорот на полицијата со напад следен дури по два часа и четириесет минути од моментот кога терористите почнале да пукаат врз посетителите на концертот. Другите 40 жртви беа убиени во координирани пукања на терасите на париските ресторани и кафулиња во околината.
Надлежната комисија на францускиот парламент во март беше информирана дека воени единици имало во близината на терористичкиот напад во моментот кога тој се одвивал, но не интервенирале. Претставникот на полицискиот синдикат Жан-Лук Талтавул пред парламентарната комисија изјавил дека подобро вооружената воена единица во близина на салата „Bataclan“ одбила да ѝ се придружи на полицијата во подготовката за акција во зградата, бидејќи не добила команда тоа да го сторат.
Сепак, Казнев на едно од претходните парламентарни сослушувања го отфрли забелешките дека одговорот на полицијата на нападот бил пребавен.
„Во услови кога се користат самоубиствени појаси со експлозив и на местото на настанот можеби е поставен експлозив, а кога не знаеме ниту колку терористи се вклучени ниту каде се наоѓаат, не можете да интервенирате пред да го имате местото под контрола“, рече тогаш францускиот министер за внатрешни работи./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Објавено кои санкции ги воведува ЕУ кон Русија: опфатени се и компании од Виетнам, Србија и од Турција за кои постои сомневање дека ја снабдуваат руската војска

Амбасадорите на земјите членки на ЕУ постигнаа договор за 17-тиот пакет-санкции против Русија, кој треба да го потврдат министрите за надворешни работи следната недела. Новиот пакет-санкции вклучува речиси 200 нови танкери од таканаречените флоти во сенка што Русија ги користи за да ги заобиколи санкциите.
Станува збор за стари, неосигурени бродови, кои користат разни трикови за да го скријат потеклото на нафтата што ја транспортираат, вклучително и испраќање фалсификувани податоци и исклучување на транспондерите. Се сомнева дека бродовите се користат и за саботажи на подморничката инфраструктура. Досега 153 вакви брода се санкционирани и им е забрането да се закотвуваат во европските пристаништа. Сега тој број се зголеми на речиси 350 брода.
30 компании се додадени на листата на санкции поради вмешаност во заобиколување на санкциите, особено кога станува збор за производи со двојна намена. Овие компании ќе се соочат со нови трговски ограничувања. Санкциите ќе ги опфатат и компаниите од земји како Виетнам, Србија и Турција за кои постои сомневање дека ја снабдуваат руската војска.
Додадени се уште 75 поединци и компании поврзани со воено-индустрискиот комплекс. Исто така, се забранува извоз на хемикалии од ЕУ што може да се користат за производство на ракети.
Заедно со овој пакет, ЕУ ѝ се закани на Русија со масовни санкции доколку одбие да го прифати предлогот за прекин на огнот од 30 дена, поддржан од САД.
Германскиот канцелар Фридрих Мерц ја предупреди Москва во вторникот дека ќе се соочи со дополнителни санкции доколку нема вистински напредок кон мир во Украина оваа недела. Мерц го покани рускиот претседател Владимир Путин да седне со украинскиот претседател Володимир Зеленски во Истанбул в четврток за да разговараат за прекин на огнот и евентуално мировно решение.
Европа
(Видео) Путин: Идиоти, воведуваат санкции, паѓаат во рецесија само за да ни наштетат

Рускиот претседател Владимир Путин вчера одржа состанок со членовите на јавната организација „Бизнис Русија“. Тој ги коментира санкциите што ЕУ планира да ги воведе врз Русија.
„Се чини дека нема да го направат ни ова ни она затоа што им штети. Но, тие навистина го прават тоа – идиоти. Извинете за изразот. Но, што друго можам да кажам? Водечките светски економии паѓаат во рецесија само за да ни наштетат“, рече Путин.
Putin is really not happy about new sanctions. He calls those imposing sanctions on him “idiots”
“The world economy is going into a recession just to hurt us” pic.twitter.com/Pf9HH8yyd7
— Polymarket Intel (@PolymarketIntel) May 13, 2025
Европската Унија го одобри 17-тиот пакет-санкции против Русија, изјави за „Киев индепендент“ висок функционер на ЕУ, кој побара анонимност. Мерките се насочени кон речиси 200 брода од руската флота во сенка, 30 компании вклучени во избегнување санкции и 75 санкции против субјекти и поединци поврзани со рускиот воено-индустриски комплекс и други цели.
Европа
ЕУ го одобри 17-тиот пакет-санкции против Русија, вели извор

Европската Унија го одобри 17-тиот пакет-санкции против Русија, изјави за „Киев индепендент“ висок функционер на ЕУ, кој побара анонимност. Мерките се насочени кон речиси 200 брода од руската флота во сенка, 30 компании вклучени во избегнување санкции и 75 санкции против субјекти и поединци поврзани со рускиот воено-индустриски комплекс и други цели.
Новиот пакет исто така вклучува мерки насочени кон руските хибридни операции, поточно воспоставување правна основа за дејствување против пропагандните канали или бродови и субјекти вклучени во саботажа на подводни кабли, аеродроми или сервери.
„Значи, гледате каде одиме. Покрај традиционалните секторски и индивидуални санкции, го прошируваме опсегот и поактивно применуваме други видови санкции за да ја погодиме Русија онаму каде што гледаме закани или обиди за заобиколување на постојните мерки“, рече изворот.