Европа
Франција и Бенелукс одбиjа можност за заштита на знакот „Јас сум Шарли“

Европските власти одбија десетици обиди да е заштити изразот „Je suis Charlie“ (Јас сум Шарли), кој низ светот стана општоприфатен слоган по нападите врз редакцијата на францускиот сатиричен неделник Charlie Hebdo поради објавувањето на карикатурите на пророкот Мухамед.
Портпаролката на француското биро за интелектуална сопственост INPI изјави дека во средата биле одбиени повеќе од стотина обиди за заштитување на споменатиот израз. Сличната институција којашто има ингеренција во Белгија, Холандија и Луксембург– BIOP, објави дека и таа би одбила такво барање доколку поединец од Белгија не го повлекол барањето самиот.
Минатата седмица тројцата исламисти во француската престолнина Париз во три дена убија вкупно 17 луѓе, од кои 12 во редакцијата на сатиричниот неделник Charlie Hebdo, што доведе до организирање на париската поворка против тероризмот во којашто учествуваа околу 1,7 милиони луѓе предводени од повеќе од 50 светски политички челници под мотото „Je suis Charlie“ (Јас сум Шарли).
Јаник Ујтерхаген својата адреса во близина на Брисел ја наведе во барањето да го добие ексклузивното право на употреба на мотото како знак за земјите на Бенелукс. Барал право коешто би покривало цела низа производи, од облека, играчки и сапуни, од огласување, телекомуникациски услуги и пиво.
Ујтерхаген не одговарал на телефонските повици на новинарите на агенцијата Reuters кои барале од него да го коментира барањето што подоцна го повлекол.
Експертите за интелектуална сопственост велат дека барањата за ексклузивно користење на споменатиот израз не ги задоволуваат критериумите и се спротивни на европските прописи кои спречуваат регистрирање заштитен знак „спротивен на јавната политика или на прифатените морални начела“./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украина разнесе руски брод што превезувал иранско оружје

Украинските специјални сили извршија напад врз руското пристаниште Оља во регионот Астрахан погодувајќи брод што превезувал делови од беспилотните летала „Шахед“ и иранска муниција. Се сомнева дека украинските беспилотни летала истовремено нападнале рафинерија за нафта во регионот Самара, објавува „Киев пост“.
Според соопштението од Генералштабот, нападот е извршен во четвртокот во соработка со Силите за специјални операции и други единици на одбранбените сили со цел да се намали способноста на Русија да спроведува воздушни напади.
Пристаништето Оља е еден од клучните логистички центри за увоз на воена опрема од Иран. Бродот „Порт Оља 4“, кој наводно превезувал делови за беспилотни летала и муниција, бил погоден. Процената на штетите е сè уште во тек.
Рано утрово беспилотни летала од Краснодар нападнаа рафинерија во градот Сизран во регионот Самара. Мештаните пријавија до 10 експлозии од 4 часот наутро, а снимки и фотографии од пожар во објектот се појавија на „Телеграм“. Руските власти сè уште не ја потврдија штетата.
Украина официјално не коментира до моментот на објавување.
Руското Министерство за одбрана тврди дека неговата воздушна одбрана соборила 53 украински беспилотни летала преку ноќ.
фото: принтскрин
Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин