Австрискиот парламент денеска ќе одржи вонредна седница, која требаше да биде посветена на „непослушноста“ на министерот за финансии Гернот Блимл, кој дури по повикот на австрискиот претседател Александар ван дер Белен ја проследи бараната документација до истражниот комитет, но се чини дека сè ќе биде во знак на обидот на опозицијата да му изгласа недоверба на канцеларот Себастијан Курц.

Опозицијата планираше да покрене тужба против министерот Блимел, која, имајќи ги предвид сличните случаи во минатото, има малку шанси за успех.

Во меѓувреме, се отвори „нов фронт“ за опозицијата да ја нападне владата со покренување истрага против канцеларот Курц за наводни лажни изјави пред истражниот комитет во врска со аферата Ибица. Партијата на слободата на Австрија (ФПО) има намера да поднесе барање за недоверба на Владата.

Социјалдемократската партија на Австрија (СЈО) и Неос засега нема да поддржат такво барање, иако претходно поднесоа тужба против Курц до Обвинителството за борба против корупцијата и економскиот криминал.

Меѓутоа, ако против Курц се покрене обвинение, ситуацијата ќе се промени, објавија двете опозициски партии. СЈО и Неос имаат намера најпрво да го „нападнат“ Блимл и од ФПО е најавено дека  ќе поднесат тужба против министерот.

Народната партија на канцеларот Курц во Австрија (ОВП) застана зад својот шеф и ја нападна опозицијата, пред сè СЈО и Неос, додека коалицискиот партнер Зелени беше воздржан.

Министерот за внатрешни работи на Австрија, Карл Нехамер, остро го критикуваше претседателот на Турција, Реџеп Таип Ердоган, тврдејќи дека тој не придонесува за деескалација, туку за ескалација на насилството на Блискиот Исток.

На прес-конференција Нехамер рече дека Ердоган долева масло на оган.

Тој посочи дека веќе минатото лето имало јасни информации дека Турција влијаела врз предизвикувањето немири во 11. општина во Виена, кога се судрија припадниците на турската и курдската заедница.

Во тоа време, симпатизерите на турските Сиви волци, тврди министерот, го нападнаа курдскиот митинг против насилството врз жените, а сега Турција влијае врз демонстрациите насочени против Израел.

Покрај изјавите на Ердоган, Нехамер спомна бројни турски знамиња на антиизраелските протести во Австрија.

„Нема причина конфликтите да се пренесуваат од странство во Австрија“, рече Нехамер, додавајќи дека австриските власти ќе постапат решително против антисемитската и антиизраелската омраза на протестите.

Тој рече дека Австрија има историска одговорност кон Евреите, кои мора да имаат шанса да живеат безбедно во оваа земја.

По неколкудневни немири и конфликти во 11. општина во Виена меѓу Курдите и Турците пред речиси една година, полицијата спроведе неколку акции пред неколку дена.

Нехамер извести дека се извршени повеќе од 100 апсења и поднесени се 164 пријави, а биле проверени над 3.200 лица и додаде дека полицијата, по тие конфликти, работела на разбивање на мрежите што стојат зад тие немири.

Училиште во францускиот град Лил на северот на земјата е евакуирано денес по дојава за бомба, соопшти локалната полиција, потврдувајќи ги претходните медиумски информации.

Полициската администрација за регионот От де Франс објави дека во тек е полициска акција во областа околу училиштето и дека областа е оградена со безбедносна лента, пренесува „Ројтерс“.

Pour l’heure pas plus d’infos. Le dispositif est toujours en place. pic.twitter.com/idPcKbzwCd

— Julien Bouteiller (@j_bouteiller) May 17, 2021

🔴 Levée du dispositif #attentat au groupe scolaire Delory à #Lille. Il s’agissait bien d’une fausse alerte suite à un appel. L’école devrait rouvrir à 13h30. pic.twitter.com/JflSQwNBVe

— Julien Bouteiller (@j_bouteiller) May 17, 2021

Француските медиуми јавуваат дека утрово околу 8:00 часот бил примен повик за наводно поставена бомба.

Претходно, француската телевизија БФМ и весникот „Ла вуа ду Нор“ објавија дека екипа за деактивирање на бомбата и кучиња трагачи се на местото на настанот.