Челниците на владејачките коалициски партии во Германија која се справува со најголемиот прилив на имигранти и бегалци последните децении, постигнаа во четвртокот договор за тоа како да се забрза азилантскиот процес за оние кои имаат малку изгледи да им биде дозволено останување во земјата.

Договорот следува во седмиците внатрешни судири и кога официјалните податоци покажуваат дека бројот на доаѓањата на имигрантите во Германија оваа година речиси веќе достигнал 800.000 кон крајот на октомври, што е вкупна бројка која владата ја очекуваше до крајот на 2015 година, јавува Reuters.Кризата создаде проблеми во коалицијата на германската канцеларка Ангела Меркел. Христијанско-социјалната унија (CSU), баварската сестринска партија на конзервативците на Меркел од Христијанско-демократската унија (CDU), бара поостри акции, додека Социјалдемократската партија на Германија (SPD) е наклонета на поблаг став. Баварија го понесува најголемиот товар од доаѓањето на луѓето кои бегаат од војните и сиромаштијата, па таму владејачката CSU изврши притисок врз сојузната влада да го ограничи напливот.Откако не успеаја до крај да ги надминат разликите во неделата, Меркел изјави дека таа и челниците на CSU и SPD сега се согласиле дека ќе воспостават посебни центри за имигрантите кои немаат уверливо право на азил.„Направивме добар и важен чекор напред“, задоволно изјавила за новинарите канцеларката Меркел покрај која беа баварскиот конзервативец Хорст Зеехофер и вицеканцеларот од редовите на социјалдемократите Зигмар Габриел, по повеќе несогласување за таа тема, наведува AFP.По неуспешната средба во неделата, тројцата челници ги надминаа несогласување за начинот на побрзото враќање на имигрантите кои имаат најмалку можности да добијат азил, што беше последната цел на германската влада уште од летото.Договорените мерки вклучуваат планови за „три до пет центри за регистрација“ во земјата за новопристигнатите од земјите кои се сметаат за сигурни и кои имаат слаби перспективи за останување во Германија, за оние на коишто им е забрането повторно влегување во Германија,, оние кои повторно бараат азил и за лицата кои не соработуваат, додаде Меркел.Имигрантите во овие центри ќе бидат подложени на забрзан азилантски процес кој обично завршува со депортирање во нивните земји. Тие ќе имаат право на социјална помош, доколку не го напуштаат округот во кој се регистрирани.Партиските челници, исто така, договорија да им се оневозможи на две години за луѓето кои немаат службен статус на бегалци да ги доведат своите семејства во Германија.Со тие имигранти би се постапувало по забрзани процедури, една седмица ќе се одлучува за нивната судбина, две седмици ќе се разгледуваат жалбите и имигрантите ќе мора да останат во близина во текот на разгледување на нивниот предмет, но нема да бидат затворени во центар, појаснија челниците на германските владејачки партии.Овој предлог, кој набрзо би требало да биде реализиран, претставува компромис меѓу „транзитните зони“ на границите кои ги бараа конзервативците и „центрите за прво прифаќање“ за кои се залагаат социјалдемократите, кои би биле на целата територија на Германија. Владејачката коалиција соочувајќи се со големиот прилив имигранти и бегалци, има тешкотии да ја убеди скептичната јавност дека владее со мигрантската криза, Министерството за внатрешни работи соопшти дека во Германија влегле 181.000 имигранти само во октомври, што претставува месечен рекорд, пренесува агенцијата DPA./крај/мф/сн

Извор: Макфакс