Европа
Германска бискупија откри дека е побогата од Ватикан

Надбискупијата во германскиот грд Келн откри дека располага со сума од 3,35 милијарди евра, со што е побогата на седиштето на Римокатоличката црква – Ватикан.
Објавувањето на целосниот извештај за финансиската состојба, во случајов богатството на архиепскопијата во Келн, е одраз на поголемата финансиска транспарентност во католичката црква во Германија, откако папата Франциск минатата година го смени бискупот во градот Лимбург, недалеку од Франкфурт, затоа што од тајните фондови потрошил 31 милион евра за нова луксузна резиденција.
Откако папата побара реформа на целиот финансиски систем на Римокатоличката црква, Ватикан ги консолидираше разните, некои и тајни, сметки во своите многубројни оддели и откри дека располага со вкупна сума од околу 3 милијарди евра, како што минатата седмица изјави секретарот на Светата столица за економија, кардиналот Греам Пел.
Објавувајќи го извештајот на Чиста среда, почетокот на големите пости, период кој го одликува откажувањето и промислата, келнските црковни достојници нагласиле дека големата сума, или богатство, служи за грижа за паствата од околу два милиона верници, 60 илјади службеници и дејци и 1.200 цркви и капели.
„Надбискупијата не продава производи, ниту има добивка од своите услуги, така што во поголем дел мора да се финансира од сопствени средства“, изјави финанскиот дирекор Херман Шхен.
Католичката и Протестантската црква земаат црковен данок кој е задолжителен за сите нивни припадници. Во извештајот се наведува дека келнската надбискупија, којашто е најголема во Германија, во 2013 година собрала 573 милиони евра од даноци, од што повеќето од половината ги потрошила на пастирска и добротворна работа.
Во извештајот се наведува дека познатата катедрала покрај Рајна чини само 27 евра, по едно евро за секоја од 26-те парцели на кои е изграден и едно евро за непроценливата градба./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Руската подморница плови на површината на Балтикот, шефот на НАТО ја исмеа во говор

Руска подморница вчера влезе во Балтичкото Море. Шведските воени авиони и воени бродови ја открија подморницата во Категат и сега ја следат. Ова е рутинска операција што се спроведува во тесна соработка со нашите сојузници, соопшти шведската воена прес-служба утрово.
Подморницата е во меѓународни води и сè уште не влегла во шведските територијални води, а ја следат шведски борбени авиони и морнарицата. „Имаме добра слика за ситуацијата и соработуваме со нашите сојузници. Доколку нешто се случи во Балтичкото Море, дефинитивно, ќе знаеме“, изјави Вендела Кирш, прес-секретар на шведската војска.
— Harry Webb (@harrywe26805243) October 15, 2025
Станува збор за постара дизел-електрична подморница од класата „Кило“. Шведската јавна радио-телефизија објави дека станува збор за истата руска подморница (веројатно „Новоросијск“) што неодамна се расипа во Ла Манш. Според извештаите, подморницата е на пат од Средоземното Море кон едно од пристаништата на руската Балтичка флота. Шведската морнарица вели дека подморницата е придружувана од влекач, што може да укажува на технички проблем.
Шефот на НАТО се потсмева на руската морнарица
Генералниот секретар на НАТО, Марк Руте, беше првиот што изјави дека подморницата можеби е неисправна бидејќи крстосува на површината на морето невообичаено долго време и многу бавно без да потоне.
NATO’s Rutte:
Russia’s military is stretched there and elsewhere… There’s a lone and broken Russian submarine limping home from patrol.
What a change from The 1984 Tom Clancy novel Hunt for Red October. Today it seems more like the hunt for the nearest mechanic. pic.twitter.com/yK2t9kYb8m
— Clash Report (@clashreport) October 14, 2025
„Каква промена во однос на романот на Том Кленси од 1984 година ‘Лов на Црвениот октомври’. Денес повеќе личи на лов на најблискиот механичар“, рече Руте во својот говор во Словенија.
Европа
Прекини во снабдувањето со електрична енергија во дел од Украина, вклучително и во Киев

Преоптоварувањето на електричната мрежа и последиците од претходните руски напади доведоа до прекини во снабдувањето со електрична енергија во Киев и други украински региони доцна синоќа.
Проблеми со притисокот на водата беа пријавени и во делови од украинскиот главен град, објави Ројтерс. Градската администрација на Киев соопшти на платформата Телеграм дека преоптоварувањето предизвикало проблеми во една од главните електрани во градот.
Три централни области на Киев на западниот брег на реката Днепар останаа без електрична енергија. Како резултат на тоа, метрото во Киев мораше привремено да се потпира на резервна електрична енергија за да продолжи со работа, објави Ројтерс.
Градската власт подоцна објави дека службите за итни случаи ја вратиле струјата во погодените области, иако сè уште се пријавуваат прекини на електричната енергија во некои области. Администрацијата додаде дека притисокот на водата ќе се врати на нормално ниво во рок од два до три часа.
Укренерго, компанијата што управува со високонапонските далноводи во Украина, соопшти дека проблемите предизвикани од руските напади врз електроенергетскиот систем предизвикале прекини во електричната енергија низ северна, централна и југоисточна Украина.
Русија ги фокусираше своите напади врз енергетски цели во Украина во последните недели. Серија напади врз Киев и други области оставија милион домаќинства и бизниси привремено без електрична енергија минатата недела.
фото: принтскрин
Европа
(Видео) Жесток руски напад врз Харков, погодена болница: 30.000 луѓе останаа без струја

Руските сили го нападнаа Харков со наведувани бомби, прекинувајќи го снабдувањето со електрична енергија на 30.000 корисници во три области, соопштија локалните власти.
Регионалниот гувернер Олех Синиехубов напиша во Телеграм дека руските сили користеле наведувани бомби за да ги нападнат областите Немишљански и Слободски на југоисток и областа Шевченковски на север од градот.
Градоначалникот Ихор Терехов, во интервју за локална телевизија, рече дека три бомби оштетиле болница и погодиле далноводи. Речиси 30.000 корисници биле погодени од прекинот на електричната енергија.
🤬 Kharkiv under attack by KABs. Severe fires in the city and partial power outage pic.twitter.com/Vkp3Cjb37m
— The Ukrainian Review (@UkrReview) October 13, 2025
Тој рече дека четири лица се повредени, повеќето од расфрлани стакла, а некои пациенти се префрлени на други одделенија. „За жал, болницата беше доста оштетена и внатре имаше пациенти. Четири лица беа повредени во различен степен, а околу 200 прозорци беа скршени“, рече Терехов.
„Нападите се главно врз енергетски цели – производство, пренос, електрична мрежа. Целта е електричната мрежа да престане да работи.“
Во последните недели, руските сили ги концентрираа своите напади врз цели поврзани со електричната мрежа и гасната индустрија на Украина, како што се приближува зимата во повеќе од 3 и полгодишната војна.
Масовниот напад врз Киев и другите центри минатата недела остави повеќе од еден милион домаќинства и бизниси привремено без електрична енергија низ целата земја. Снабдувањето со вода беше исто така прекинато.