Европа
Германската влада го прифати нацрт законот за квоти за жени во компаниите

Германската влада во четвртокот го донесе нацрт законот според кој од 2016 година ќе се воведат квоти за жени во надзорните одбори на стотина германски компании, кој беше правен со тешкотии имајќи предвид дека конзервативците на канцеларката Ангела Меркел, кои се доминантни во владата на широката коалиција со социјалдемократите, не беа наклонети на овој закон.
Надзорните одбори во 108 германски компании кои исполнуваат две барања, дека котираат на берзата и имаат претставници на вработените во управните тела, мора од 2016 година ќе имаат најмалку 30 отсто жени, во спротивно тие места ќе останат испразнети.
„Конкретно, зборуваме за 170 жени коишто ќе треба да се пронајдат…, значи никој нека не ми кажува дека тоа е невозможно“, изјави во четвртокот на прес-конференција социјалдемократскиот министер за правосудство Хеико Мас, кого го цитира AFP.
Станува збор за прашање коешто одамна ги окупира Германците кога е во прашање уделот на жените на челните функции и воопшто во стопанството.
Конзервативците на канцеларката Ангела Меркел пружија голем отпор на овој нацрт закон и сметаат дека би било подобро жените да се определат со слободна волја. Социјалдемократскиот коалициски партнер SPD сака воведување квоти одредени со закон. Последните седмици се заостри расправата меѓу двете партии кои кон крајот на ноември постигнаа договор.
„Бевме сведоци дека ова не беше само расправа за законот, туку за цивилизациско прашања“, истакна во четвртокот министерката за семејство Мануела Швесиг, најавувајќи „цела низа“ од предлози за подобрување на положбата на жените, почнувајќи од законот за еднакви плати за мажите и жени.
Законот за квотите уште мора да го одобри Бундестагот, за што се очекува дека нема да биде доведено во прашање дека владејачката коалиција на Меркел има мнозинство во парламентот. /крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Клучен руски радар уништен во Крим; Украина: Ова значително ќе ги отежни нивните напади

Украинските специјални сили извршија прецизен удар врз стационарниот радарски комплекс „Скала-М“ на привремено окупираната територија на Крим, објави украинскиот УНН.
Уништувањето на овој објект значително ќе ја намали способноста на Русите да го контролираат воздушниот простор и да користат авијација против цивилното население, според ССО (Сили за специјални операции на Украина).
Како што објави ССО, ноќта помеѓу 9 и 10 август 2025 година, единиците на Движењето на отпорот на Силите за специјални операции на вооружените сили на Украина спроведоа успешна операција во областа на населбата Абрикосивка на привремено окупираната територија на Крим.
Целта на украинските борци беше стационарниот радарски комплекс ТРЛК-10 „Скала-М“.
Овој советско-руски комплекс комбинира примарни и секундарни системи за откривање на воздушни цели, а негова главна задача е да го следи воздушниот сообраќај на рутите и во зоните на пристап. Со дострел до 350 км, „Скала-М“ е клучен елемент на системот за контрола на воздушниот сообраќај на руските сили, особено за координација на борбената авијација, според Украинците.
Според воените проценки, уништувањето на таков објект значително ќе го комплицира непријателското користење на авијацијата за напад врз цивилната инфраструктура и населбите. „Специјалните оперативни сили: секогаш надвор од дострел!“, нагласи командата на ССО.
фото: принтскрин
Европа
Туск: Путин користи идиоти за да посее раздор меѓу Киев и Варшава

Полскиот премиер Доналд Туск изјави дека рускиот претседател Владимир Путин оркестрира обиди за создавање поделби меѓу Украина и Полска. Туск предупреди дека иако решението за војната во Украина можеби се приближува, Русија прави сè што може за да посее раздор меѓу Киев и Варшава.
Во остра порака, Туск нагласи: „Анти-полските гестови на Украинците и поттикнувањето анти-украински расположенија во Полска се сценарио на Путин, оркестрирано од странски агенти и локални идиоти. Секогаш истото“.
Од почетокот на руската инвазија во 2022 година, Полска е еден од најважните и најверни сојузници на Украина. Сепак, кај некои делови од полското население расте незадоволството поради големиот број бегалци од соседната, воено разорена земја.
Овие тензии кулминираа со неодамнешен инцидент. На 9 август, најмалку 57 украински државјани беа наводно уапсени и депортирани од Варшава откако избувнаа немири на концерт на белоруски рапер.
фото: принтскрин
Европа
Германски министер за завршувањето на војната: Украинските отстапки се можни, но не сега

Германскиот министер за надворешни работи Јохан Вадефул изјави дека Европа не е само набљудувач кога станува збор за иднината на Украина. По средбата со колегите од ЕУ, Вадефул изјави за германскиот јавен радиодифузен сервис ZDF дека Европејците цврсто стојат заедно и дека затоа нивните гласови ќе бидат слушнати и во Вашингтон и во Москва.
Тој најави серија онлајн-состаноци утре, организирани од германскиот канцелар Фридрих Мерц, на кои ќе учествуваат лидерите на Франција, Велика Британија, Италија, Полска, Финска, генералниот секретар на НАТО и високи претставници на ЕУ, како и американскиот претседател, Доналд Трамп, и украинскиот претседател, Володимир Зеленски.
„Важно е Трамп да го чуе европскиот глас и добро е што Германија јасно го пренесува. Европејците имаат голема тежина, едноставно затоа што имаат заеднички став“, рече тој.
Вадефул нагласи дека Европа останува јасна дека преговорите за иднината на Украина може да се одржат само по договорено и почитувано примирје и дека самитот в петок би можел да биде само почеток на дискусиите за условите за почнување мировни преговори.
„Самиот факт дека Украина сега е подготвена да разговара за статус кво е веќе отстапка бидејќи Русија ја окупира украинската територија кршејќи го меѓународното право“, рече тој. Тој нагласи дека одлуките за иднината на Украина може да ги донесе само Киев. „Европејците не може да дозволат некој друг да одлучи за тоа. Ние нема да го сториме тоа ниту, пак, САД можат“.
Тој додаде дека идниот мировен договор може да вклучува отстапки од украинската страна, но дека ова е прашање за кое ќе се одлучува подоцна. Разговорите оваа недела, рече тој, служат за создавање фер услови за овие преговори.
Вадефул заклучи дека иднината на Украина е поврзана со европската безбедност и дека европските лидери нема да стојат настрана додека одлуките се носат зад наш грб. „Европејците ќе продолжат да стојат покрај Украина, како што правевме во текот на целата војна“, рече тој додавајќи дека Германија останува на чело на таа поддршка.
фото: принтскрин